آسميتها جارية

بارت 25

بارت 25

&
•
•
•

لا تصمتي

وتكلمي ...

فالصمت يقتل كل يوم أمنية

لا تصمتي

قد يقتل الصمت الذي في داخلك

روح الشباب...

فنصير مثل العاجزين

لا تصمتي

فالصمت عجز

ليس إلا

في غيابات الليالي المفزعات...

على جبين الشمس أمكث ...

هاربا من ثلج صمتك المتسرمد

(( ابن عوف ))

•
•
•
&

..........
( علاء )

سحبت شعرها وانجر كله بيدي فزيت على حيلي مفزوع ..

شفت شعرها متناثر ع الچربايه وبصفه مگص وهي ماكو اتخبلت رحت للحمام توقعتها بي بس چان فارغ ..

طلعت بسرعه من الغرفه ونزلت الهم اركض سألتهم :- ماشفتو ملاك !؟

عصام گام بغضب :- شسويتلها بعد وين راحت البنيه !!!

هزيت راسي واني امرر اصابيعي بشعري بقلق :- ماادري والله صحيت من النوم مالگيتها ..

اتصلت على مارك طلبت منه يجمع الحمايه وعاملين المزرعه حتى ندور عليها ..

ساره وهي ترجف :- اخاف شردت .

عقدت حاجبي وصحت بوجها :- ليش هي بسببكم ضل بيها حيل تشرد موزين ما ماتت ..

دنگت راسها وهي تفرك ب ايدها وماردت عليه ..

طلعت اني وعصام ندور عليها گلبنه المزرعه وماكو الها اثر والف مره اجاني اتصال خبصوني على اجتماع مهم وغلست عنه اهم شي الگاها بخير ..

............
( ايناس )

طلعو همه يدورون على نور واني الف فكره صارت ببالي الجو بره ثلج والوضع مو طبيعي ..

صعدت اركض لغرفة علاء اشوف الها اثر يدل على هروبها ..

دخلت للغرفه صدمني المنظر چان شعرها منثور على سرير علاء ..

اختنگت حيل معقوله علاء يسويها ويكون ظالم لهذي الدرجه حقها اذا تشرد منه لميت شعرها وربطته من بدايته سويته ظفيره ورجعت ربطته من جوه ...

طبعاً اسلت خيوط من غطه سرير علاء واربط بي شعرها ..

رجعت الظفيره على السرير وطلعت من الغرفه وگفت يم شباك الصاله واني اراقب الثلج اللي غطى المزرعه ..

تخيلتها طلعت من البيت رايحه للملحق الخاص بيها وغطاها الثلج ومحد يدري ..

البنيه مريضه وداخله بحالة صدمه يعني حالتها متسمح الها تشرد ..