العيله هدا جوها💗

الجزء الخامس عشر💗

احمد فتح الباب شاف.....
احمد يسلم علي يلي جيين: مرحبا مرحبا انستوا☺
ونيس:الله يا نينسك وليدي ☺
زياد: الله يانسك حمادي😁
(يس زياد وبوه😌💜)
أحمد:تفضلو داخل ليش واقفين
ونيس: الوالد موجود
احمد: ااه🤨أي تفضل تفضل☺
خش زياد مع بوه ونيس : زيد فضلك
خشو للمربوعه سلمو علي بعض وقمعزو طبعا فتح ونيس الموضوع مع صديق وزياد مقمعز متوتر 🙂وصديق قال انا م وافق نسألو البنت قبل😁اما سيف وأصيل ورواد طلعو مع بعضهم عندهم مشوار😄 وأحمد قاعد معهم🙂
.............soma alsideek
في المطبخ وتت خوله القهوه إتصلت بأحمد يخدها وجاهم احمد للمطبخ من الباب الخارجي متع المطبخ
احمد: س ع يا بروات😁
سلمى: و ع س يا نصي 😅
هديل و منار وخوله: وعليكم السلام
احمد يبحت في خوله ويرقص في حواجبه🙂
خوله متحشمه لانها عارف ان زياد بره☺لكن دير روحها حوله 😂مش فهم شي🙂
هديل: خيرك تبرق فيها هكي🤨
أحمد بكل بساطه: زي العاده جينها خطاب وهي بترفض وبتقعد علي قلوبنه 😌هي هاتي القهوه
منار وهديل وسلمى قعدو يحللو في تصرفات خوله وكلامها اليوم ومن قبل علي زياد قعدن هكي😳😳😳 وبحتن في بعضهن
خوله تحشمت: خود القهوه وإمشي هي 🙂😤
احمد خدا القهوه وطلع وأول ما طلع
سلمى وهديل و منار مع بعضهن: زياد 😳😳😳
خوله متحشمه: ايه😊
سلمى: أوماااااقاااادددد😲
منار: امتي وكيف وعليش😮
هديل: ياللهووووولللل😳
خوله: وعلاش مصدومات🤨😑
هديل: تي قصدي نحسبو الموضوع علي بعض ما يصيرش منه
منار:قصدي جديات الشخص يلي حبيتيه من النت وهو كان مايعلمش حتي وين ربي حاطك من كلمتين علي المسنجر جاء خطبك صراحه عقلي لا يستوعب الفكره😵جو مسلسلات وحق ربي دخت جديات يلي قاعد يصير الفتره هدي😵🤪😫
خوله ضحكت : أصلا خاطبني من قبل لكن ما صارش نصيب قبل😌
سلمى: لا بدت تحلم البنت🙂
خوله: لا نحكي جديات😑
منار وهديل: كيف🤨🤨
خوله حكتلهن القصه يلي حكهلها زياد وهنا مصدومات بكل معنى الكلمه
😳😳😳
هديل: يا روحي ربي يتمملك علي خير حسني منبكي هدا يلي اسمه معجزه
منار: إيه والله من قال الشخص يلي حبيتيه ونحن زمان نضحكوا عليك لما تحكي عليه يقعد نصيبك 😢حسني فرحانه ليك والله😢
سلمى لم سمعت كلام خوله علي زياد مقمعزه ساكته تذكر في سيف وتقول في خطرها: زعمه حتي اني ربي يجمع بيني وبين سيف ولا لا زعم يجي يوم نقعد مرت سيف ولا لا😔
وهديل نفس الشي تفكر في نزار وتسأل في روحها :زعم ما تسرعتش لا ما تسرعتش اني نحب نزار من صغرنه لكن ما كنتش معترف بيها زعم حتي اني يجي يوم ويخطبني نزار كيف ما قالي ولا غير عيشني في وهم ان يحبني تي لا نزار يحبني كان هدا مقالش في اقرب وقت يبي يكلم بابا لكن هو مزال يقراء يعني صعب توه بابا مش حيوافق😞
منار تبحت فيهن وتبحت في خوله بمعني خيرهن هدين 🤨
خوله😕
منار : هوووويي الوووو
هديل وسلمى تنهدن مع بعضهن وبعدها قعدن يضحكن😂😂
خوله ومنار🤨🤨
سلمى لهديل: نفس الافكر أكيد😂
هديل: مش غير ربي يفرج وخلاص😅
خوله: شني😑
منار زلطت سلمى: باهي انتي وعرفناك من وخد عقلك وبحتت في هديل : انتي منو سعيد الحظ 🙂
هديل: انتي🙂
منار: بارده قولي الحق😒
هديل: حرام كان فكرت فيك يعني 🙂
منار خدت طرف حلويات من السطل الحلويات يلي قدامها وتعلق علي هديل: حرام كان فكرت فيك انننننن😑يا خبر اليوم بفلوس بكره بيبلاش تو نشبحو😒
................Soma Alsideek
المهم خطب زياد خوله من بوها وقاله الصديق نين نسألو البنت وروحو ...
بعد روحو خبر صديق احمد وعادل طبعا كانو ردت فعلهم هكي
عادل: تبصر صاح😳
أحمد: سيف ولدعمي نفسه 😨
حسام يتفرج وساكت طبعا كاينين حسام وصديق وعادل واحمد بس
صديق : كنكم ماقلتش حاجه عيب قلت كيف ما خوله خطبها زياد حتي سيف خطب مني سلمى😑
أحمد: انا طالع بره نين نستوعب الفكره 😳وعده 🚶‍♂️🤦‍♂️
عادل: قصدي يا حسام سيف وانت يا صديق سلمي راهم حيتعبو مع بعض تي هم تشوف فيهم قدامنه كيف لما يسكر عليهم باب تصير الحرب عالميه الثالثه😨😂🤣
حسام:منستنا نين نعرف ري سلمى
صديق ساكت متوقع ان بنت ترفض😌
عادل:والله ماني عارف لكن احتمال ترفض وخايف بعدها يصيرن مشاكل 😟
صديق: وعليش المشاكل
حسام: لا مشاكل لا سو كان ماوفقتش عادي قسمه ونصيب ومش حيتغير شي وخبط علي كتف صديق ☺
صديق كتفه ابتسامه☺
عادل: ربي يكتب يلي فيه الخير هي اوقفو نخشو لامي حتي خواتكم جيات اليوم
حسام: اي بيتات لكن فريحه مزال ماجت كان جت ره جاء عماد ولا نزار سلم
صديق : هي هي
..........soma Alsideek
عند البنات عدن لحوش حسام وخلن حواء وبناتها وليلي ونوره ونجوى يهدرزن .....
هديل فاتحه دولابها توري فيهن شن شرت
هديل : اما أحلا هدا ولا هدا👚👗
سلمى تقلب في دولاب هديل😅: الاحمر أحلا يطلع عليك
منار وخوله: اي
هديل: غير شن تقلبي بس😑
سلمى: نبي نخد منك الفستان الابيض هدكي😁
منار:علاش
سلمى: توه تعرفي🙂
هديل: اهوه معلق من هني
سلمى: خداته وعدت للحمام تلبس
البنت🤔🤔🤔
سلمى طلعت : عطيني نصوله بيضه🙃
خوله كرت النصوله من السرير : شدي🤔
هديل: شن تبي فيها🤨
منار فهمت عليها: الله في جو اليوم🙂
سلمى: اليوم عرسي ماهو🙂قعدت تعدل في النصوله كيف الطرحه😂
هديل: يا هبله🤣
خوله:غير شني خطر عليك😂
منار: حي الباب يدق يا كتيبه😨
سلمى: نهاري كان يطلع عمي ولا واحد من الولاد وأني بهل المنضر 😫
هديل: خليك هني ماتطلعيش توه نفتح ونجي
عدت فتحت طلع....
...................soma Alsideek
عند احمد قاعد في الجنان يمشي ويجي مش مستوعب كلام بوه ويحكي بروحه
أحمد: سلمى خطبها سيف يعني هدا ليش كان يحكي هكي هدك اليوم لكن هم ما يتقبلوش بعض سلمى شن حيكون ردها زعمه اكيد بترفض تي لالا الموضوع فيه ان والله😵😵😵
علي خشت نزار وفريحه والبنات
يشوف في احمد يحكي بروحه
فريحه: هدا مش احمد🤨
نزار:يا مينتي شكله خلط علي مالح من بنتك😂🤣
رتال: مبردك 😒
حنين : تعالي نشوفوه بلكش خابطه جن🙂🤣
فريحه: امشن لحنكن بلا بدع مرات في رجاله في المربوعه يطلعو😤
نزار: فوتو داخل توه نشوفه🙄
رتال وحنين خشن للحوش الكبير مع امهن
نزار جاء من وراء احمد وحط أيده علي كتفه: حمادي 😅
احمد:سيف😳قصدي نزار اووو شن حالك يا طيري وسلم عليه
نزار سلم عليه: كنك تخترف بروحك شكلها اختي هبلاتك😅
أحمد: تلا يا راجل😅 غير في موضوع شغلني
نزار: شنهو قصدك علي العمل🤨
أحمد : لا لا سلمى وسيف
نزار في خاطره مزال ما نسش كلام سيف شكله😑قاله: تلا ماتفهمش غلط كلام سيف هدك النهار ره كان حامق يحاسب روحه السبب في موت سلمى لما قالت الممرضه كلامها هدك اليوم🙂
أحمد تنهد: سيف خطب سلمى مزلت مش مستوعب😪
نزار يحكي وهو مش فاهم: اي مش قتلك عادي كلامه واهو خطبها😌شنووووووو من خطب من😲🤪
احمد:كيف ما سمعت
نزار:تعال قمعز فهمني وقمعزو يهدرزو
...........soma alsideek
فريحه خشت هي والبنات سلمون علي صبايه اخوالهم وعلي خلتهن والحاجه سليمه ومرام والاء لكن بلا نيه😂
فريحه: كيف حالك يا امي
سليمه: الحمدلله يابنتي
رتال لنوره: اماله وين البنات
نوره: تعركن مع مرام والاء مشي خدن بعضهن وعدن لحوش حسام سلفي
حنين: عطهن جدري بس هالعقارب😤شن سبب العركه
نوره:اسس توه يسمعن قعدن يستفزن في سلمى وبعدها يلي صار اكيد متوقعتيه😌
رتال: انشاءالله ضربتهن😃
نوره: لالا نجوى قتلها عدي عرفتها كان قعدت احتمال تقتلهن🤭
حنين: مفروض والله🙄
نوره تضحك😄
مرام: ضحكونا معاكم😏
سليمه: شن توشوشن بس😒
حنين: لا شي حنينه نسأل علي لبنات وين 🙂
ليلي: مشن مع هديل عديلهن يراجن فيكن اكيد ☺
سليمه : خودي معاك مرام والاء بدال مانهن مقمعزات هني
رتال وحنين🙂🙂🤦🏻‍♀️🤦🏻‍♀️
ألاء خايفه من سلمى تضربها😂: لالا حنين هني احسن اصلا حني جين نهدرزو عليك مش جين بيش نسيبوك😏
سليمه: سلم بنياتي يا ربي ربي يحفظكن هكي التربايه ولا بلاش😊
فريحه وليلي ونجوي🤨🤨🤨
حواء😊
ليلي لنجوى وفريحه: شني حني مانعرفوش نربو يعني😑
فريحه : مادوريش مش هكي قصدها امي🙂
رتال: هي حنين
حنين: جيتك هي سلام توه
سليمه: تعالن بعدين نتعشو كلنا هني
علي خشت حسام وصديق وعادل واحمد ونزار سلمن علي خوالهن واحمد وعدن للبنات 🏃‍♀️🏃‍♀️
.............Soma Alsideek
هديل فتحت الباب تلقاهن رتال وحنين
رتال وحنين: جينا😁😁
هديل : عطكين سحشتكن يا بردات وضبطتهن😍
حنين: وين عقاب الكتيبه😅
هديل: خشن اليوم في عندنا فرح😂
رتال سكرت الباب : فرحك اماله😂
وعدن جوه لقن سلمي بالمنضر هدك طالعه اضحك بنصوله🤣
سلمن عليهم وبعد ما كملت سلمى تضبيط الطرحه😅
هديل طلعت الدربوكه وطلعن لصاله لانها كبيره وولعن المنضومه متاع أصيل يلي خنبنها من داره🙂😅 وولعن اغنيه زكره ونضن فيها شطيح💃💃💃💃💃💃
سلمى قمعزت صدقت روحها عروسه🤣
سلمى كرت خوله: تعالي جاي انتي العروسه مفروض اليوم تقمعزي اني نبنهيج💃😂
خوله خدت النصوله وحطتها وخدت الورد متاع المزهريه مسكاته 😂وقمعزت وسلمى ناضت تلوي😂
سلمى: ولعي عراقي يا هدوش
هديل :من عيوني وولعت نار وشرار
ل علي جاسم ومحمد السالم😍
البنات يلودن علي خوله: نار وشرار الليلي حبيبك اجي بكل حيله ولياخذك ياويله ......😂وبعدها ولعن اغنيه الحب وناره مزلت صغير يا خساره😍😂
بعد شويه طفن المنضومه وقمعزن دهشن😪😂
نضت سلمى خدت الدربوكه: هي شوط ليبي😂وقعدت ادربك وتشتي هي والبنات
سلمى:اهم جو في الايفيكو
البنات: وشباشبهم زيكو زيكو👏👏👏😂
حنين:واهم جو يتمايلو
البنات: وشباشبهم نايلو👏👏😂🤣
سلمى:صممتي ياعين عليهم
البنات: ياعين عليهم 👏👏👏
سلمى: وصممتي ياعين عليهم دونك جبتيهم جبتيهم😏👏👏
رتال: ياخالق لطير كبيده نجي زول سماه إحميده😍👏👏👏
البنات👏👏👏👏
منار:يانجي خيي ووليته يالي عالخير مداعيته😍👏👏👏
رتال:🙈🤭😂👏👏
خوله:عيني مالت شور بعاد ولاتريد خوال ولا سياد😏👏👏👏👏
سلمى ترد علي خوله: عيني ولد العم مخليها سلطانه فوق كراسيها😏👏👏
حنين: اقوه عليهم سيفوووو😂👏👏
منار:حبيت من جدي حبيت من جدي غرباوي ويقول يا ودي😍👏👏👏
البنات:👏👏👏
هديل:فوق الريح تولي احوالي كان خذيت أللي في بالي😌👏👏👏
سلمى: الله الله هدوششش😉
البنات: اوووووه😂
حنين:لا عندي راجل لاذبله بروحي ندق كيف الهبله😞😂💔👏👏
البنات😂😂😂😂😂😂😂
سلمى: أخ يدياتي شدي هديل ومدتلها الدربوكه
كملن هكي ضحك ولعب وجو اطلع طول
عند أصيل ورواد وسيف روحو هم خشين ويسمعو في التدربيك والعياط لانه حوش حسام قريب لبوابه الخارجيه
أصيل يبحت في سيف: كيف صار اليوم عرسك 😅
سيف:اننننن😒
رواد: تعال جي من حوشكم الره
سيف: اييييه🤨
أصيل: خالنمشي نشوف
رواد وسيف: راجي وعدو معه
.........Soma Alsideek
نتلاقو في الجزء السادس عشر 😁رجاءا التفاعل والتصويت😢

✒️soma Alsideek