كش ملك ■□■🇱🇾

الحلقة (11) جزاء 2

#كش ملك
#بقلم_جولي اقارصؤ
الحلقة (11) جزاء 2
كــ الشطرنج قـوااعدي تـنطبق عـليك حـتي وأن كـنت الـملك !!

في العيادة...
عزة/اهو شويا يجبوه وتعرفو اصبرو
نجمة/ان صابرين يابيتي
لليلة/توشوش لي امها...شن فيه يمه
ناجية/توشوش لي بنتها ..وان شن عرفني توا نفهمو
...............................................................
عند رنده....
مروح بها خوها في السيارة تبكي ومنهارة
رمزي/خلاص يودي مفروض مخلتهاش بروحه يارنده حتا هيا غير مش فهما شي طبيعي بتسالك وبتحكم
رندة/تعيط ...خلاص تعبتتت ياربي تعبت اقسم بالله تعبت سنين هدي كلها واني تعبانه من ضلم عيشوني في خوف ان تجي بنتي تقولي الكلام هداء في يوم بهدلوني يا رمزززي خلوكم حتا انتو عيلتي تصدقوهم وتخليتو عليا وهيا تبيهم تبيهم حتا درو في امها هلبا وتشوف فيهم شن يديروو فيا مصدقتهم مخلينها كل يوم تسال فيا شاكه فيا بنت شاكه في امهااا خلااص خلااص معاش يهمني شيي معاااش نبي شي اني لا بنت ولا حتا حاجة نبي نرتح عشت عمري كله واني نحرب ع خاطرها وفي الخير بي كدبه من شخص حربت ع خاطره ورضية بي اضلم وفي الاخير بي اول كلمة كدبه من امه سيبني ومشي عاش حياته وخلني في الهم طول عمري مشفتش لي اتعب الي تعبة فيه علها ماشفتش بي هداء كله دارة زيهم وزي بوهااا معااش يهمننننني معاش يهمني حد من العيلة الكلبه هديكه ربك حسيبهم ربك حسيبهم ياربي..وحطت يدها ع قلبها ومنهارة...حسبي الله ونعم الوكيل حسبي الله ونعم الوكيل في الي ضلمني في شرفي حسبي الله ونعم الوكيل فلي دروه فيا اااه ااه ياربي
رمزي/خلاص خلاص اهدي خلااص
رنده/رووووح بيا نبي ناخد زواجي ونساافر خلاااص خلااص ..وتبكي تبكي
رمزي/شن تسافري هبلتي بنتك بتخلها وتمشي
رنده/معاااش عندي بنت معااش نبها البلاد الي هما فها خلاااص كرتها خلاااص خلاااص يارمزي حتا انفس في البلاد هدي تخنق فيا خلاص معاااش نتحمل معاش نتحمل
رموي/خلاص خلاص باهي اهدي خلاص خشمك دم خشمك..ومدلها كننكس من الفدره
رنده /تمسح في دم من خشمها ومنهارة
...............................................................
عند حوش لليلة....
نادر/يفتح في الباب بي المفتح
نورس/في المطبخ وشعرها مفتوح مستشورته ولبسة سروال جساكر عنابي وبدي نص كم رقبته دايرية ابيض واقفه ع الغاز تسخن في الصقه وشاده خصرها بتلصقه
نادر/فتح الباب وطق طقتين
نورس/هههه مش قاعدة اني تي خشو
نادر/سمع صوتها خش وصكر الباب
نورس/ حتا سشورة شعري باش ترفعني لي العرس راه مدخليش فيك متقليش مروح من اسفر وكنت في المستشفة رافع لليلة
نادر/واقف ع باب المطبخ ويتفرج علها
نورس/صكرت الغاز ..خيركم سكتين وشاده الخراص وتلفتت شبحت نادر نصدمة
نادر/يشبحلها وماشيلها
نورس/خايفة توخر لصقة في ارخامة وطح منها الخراص
نادر/اوقف قدامها ويشبحلها
نورس/م م محمد روح
نادر/شن تبني انحرشه فيك
نورس/لا بالله عليك ماتقوله والله مافي بيني وبينه حتا حاجة اقسملك بالله
نادر/عارف تلقيت اني ويه اصبح ولد خالتك وهدرزنا في الجامعة....ومدلها تلفون ...تلفونك
نورس/خدت تلفون منه
نادر/يشبح لي عيونها....كنتي مخطبوة
نورس/تشبحله...اي وفسخت
نادر/علاش
نورس/علاش تبي تعرف
نادر/فضول شن سبب
نورس/سبب تافه
نادر/الي هو
نورس/كنا كل منتلقو يقولي قيسي ادبلة في الايسار كان جتك في صبعك مزبوطة نحدد موعد العرس وكانت يدي اليميز اضعف من اليسار وكل ميجي نقسيها ونفس اشي واسعه ومن كثر اتفكير في الموضوع هداء اضعفت خسرة وزني الفترة هديكه وبدت حتا دبلة معاش تجني حتا في اليسار واسعه واخر مرة تلقينا وشفها واسعة في الايمين وقلي معنها متحبنيش انتي ضعفتي ههه وفسخ...وعيونها تعبو ادموع
نادر/زاد قرب منها وحط يديه ع رخامة وهيا بنتهم ويشبح لي عيونها ومطبس علها ...به
نورس/لصقة في ارخامة موخرة راسها شويا منه....بعدها بي اسبوع اخطب وبعد شهر تزوج
نادر/قداش ليك فاسخة
نورس/6اشهور
نادر/تحبيه
نورس/لا مجرد كنت نبي نتزوج وخلاص
نادر/قرب منها اكثر ...به علاش تبكي
نورس/توخر في راسها...منبكيش اني ...وشاده دموعها
نادر/اهو دموعك في عيونك
نورس/لي انه منحبش الموضوع هداء
نادر/تلفت وطلع لي المربوعة
نورس/دموعها نزالو بدت تبكي من غير صوت ومطبسه راسها وحط يدها ع وجها
نادر/في المربوعة فتح اصكو خدي الخاتم من البكو
نورس/كيف بتطلع من المطبخ تبكي
نادر /خش اوقف قدامها ويشبحلها
نورس/بتخطم من جنبه
نادر/مخلهاش اوقف قدامها خدي يدها اليمين ولبسله الخاتم طلع واسع علها اشويا
نورس/بدت تبكي
نادر/خدي الخاتم بعد علها ومشي لي جهت باب الحوش خش المربوعة خدي صكوه واقف ع الباب
نورس/كيف طلعة من المطبخ
نادر/شبحلها.... وفتح الباب وطلع
نورس/خشت ادخل تبكي تفكرة لقطة لما كانت مخطوبة كيف يقسلها في دبلة خطيبها
...............................................................
في مطار تونس....
مهرة ورهان حطتهم اتكسي نزلو ومعهم شنطتهم وخشو لي المطار ورهان شاد يد مهرة ويد تانية شاد بها اشنطة
مهرة/تشبح في الناس وفي المطار
رهان/شبحلها ع جنب..ههه خيرك مستغربة
مهرة/شبحتله ..اول مرة نخش لي المطار ههه
رهان/اي عارف
مهرة/وكيف تعرف انت هي
رهان/بعدين توا تعرفي تعلي الطيارة قريب
مهرة/بس اجرات الزواج متمتش
رهان/هدوكه اجرات عادية بعد الزواج يكملوهم اشباب بس توا قراي فاتحه عليك خلاص
مهرة/طبست راسها ...اي
رهان/هههه تعلي تعلي ..ورفعها لي شبك الختم
...............................................................
في العيادة......
يستنو كلهم ومش فاهمين شي
حكيم/طق ع الغرفة
نجمي/افتح الباب خدي منه المصحف...مشكور
حكيم/صكر الباب
نجمي/وهداء المصفح شن تبي ديري بيه..مده لها
عزة/خدت المصحف شادته بي يدها وشبحت لي حناها ..حناي تعلي قربي
نجمة/قربة منها ...انعم يابنيتي..وتسوي في غطا الفرشية الي ع راسها
عزة/انتي مراة ماشية العمرة مرتين وحجيتي صح وله
نجمة/اي صح
عزة/خلاص في زمان في حياة بوي قلتي ان اني مش بنت ولدك وكنتك كانت تخون في ولدك صح الكلام هداء وله
نجمة/شنو من قالك الكلام هداء لالا كدب كدب يكدبو عليك
زينب/بدت ترعش مع بعضها
عزة/كلهم الي موجدين في الغرفة هدي نصهم شهدين عليك ياحناي
لجين ولليلة وامهم مصدومين
الحاج علي/ قليلها الحق يا نجمة البنت كبرة ولازم تعرف امها وتسالها قداش بدسو علها
عزة/احلفي ع المصحف ان امي خانت بوي واني مش بنت ولدك
نجمة/شنووو لالا منحلفش ع المصحف اني يابنتي عيب عليك تحلفي جداك بعد هل العمر كله
علي/وشن بتكدب عزوز كبيرة توا ..وشبح لي نجمة ...تي الحفلها البنت باش اتصدق يانجمة وكملونا هل الموضوع خلي تعرف من بوها
ناجية/تشبح في زينب ترعش مع بعضها شدتها...خيرك زينب شن فيه خيررك
عزة/مهو جااايها ادور في الحلف حتا هيا
زينب/ترعش مع بعضها بدت تبكي
محمود/خييرك شن فيه ..وجي جنبها
نجمي/يتفرج عليهم
نجمة/شدة في اسرير
عزة/خلاش متبيش تحلفي انتي ياحناي كنتك زينب تحلف الي منشةفوش فها الا في اسنة مرة تعلي ياعمتي زينب احلفي هي
زينب/تبكي ..لالا منبي منبي نحلف لالا نبي نروح طلعوني نبي نروح
محمود/تي خيرك خيرك شن فيه تكلمي علاش خايفة
عزة/احلفووولي تووا مش انتو صديقين احفولي
نجمي/خيرركم شن فيه تكلمو
نجمة/ساكته وخلاص
محمود/يكشخ ع زينب ...تكلمييي شن في ادوي يامراة خيرك خايفة شن مدايرة انتييي
زينب/تبكي وترعش ...والله ماهو مني الله ...واشرة ع نجمة...امك هيا هيا الي قلتلي احلفي معاي هيا الي قلتلي ديري هكي ولا نخلي ولدي يطلقك يامحمود..وتبكي
محمود/شن هو الي قلتلك ديريه تكلمييي شن فيه..وكلهم يشبحولها
زينب/هيا هيا قلتلي احلفي ان مراة لطفي تخون في راجلها قدامكم وهيا المراة مدرتش هكي كدب كدبنا علها ياحليلي
محمود/شنوووو تقولي
ناجية/شهقت ..هيييي..وحطت يدها ع فمها
عزة/مصدومة
نجمي/يشبحلهم
علي/شنوو شنو تقولي ...وشبح لي نجمة ...تكلمي ياااعزوووز
نجمة/جت بطيح
نجمي/مشي يجري لي جده شدها جبها لي الكرسي قعمزها ...اي لي قالته زينب حق ياعلي
علي/حط يده ع كبوسة ...لا حول الله
محمود/يممه كيف درتي هكي يمه كيييف
عزة/تبكي
نجمة/حرقني وفي وسط خاطري كيف يكسر كلمة امه ويخدها ويسبني ويمشيلها حسيت ولدي خداته مني ومعاش بيرجعلي نبي نزوجه ع كيفي اني زي خوته بس فلت مني وكسرها كلمتي وخدها
زينب/اني منبي نحلف هيا خلتني قلتلي احلفي ولا نخليه يطلقك واني معندي وين نمشي كان طلقني والله منبي نحلف بسيف عليا يامحمود بسيف
لليلة/حطه يدها ع خدودها مصدومة
لجين/حطا يدها ع فمها وتبكي
عزة/بدت تعيط ...علااااش علاااش درتي هكي علااش حرمتني من بوي اسنين هدي كلها علاااش بس سببك ولدك هرب وخله مراته وبنته خله مراته حسبها خاينة هج بي سببك ودار روحه ميت وهو ولدك عاااايش عاايش لي توا حي
علي/شنووو شن تقولي ولدي ميت ليه 22سنة
عزة/لا عايش ياجدي وبعت خبر وفاته انه ميت سنين هدي كلها بي سببك حناي مقدرش يجي يوجهكم بي خيانة مراته ان عصكم وتزوجها غصب وهيا خناته مقدرش يوجه مراته ويقلها انك خنتني ..وشبحت لي حناها...شرتي عيلة تخلي مراة من غير ارجلها وراجلها دار روحه ميت وعايش طول اسنين هدي كلها مش عارف كلامك صح او غلاط مقدرش يوجهك ولدك مقدرش يجي يقلك قليلي الحق يمه مباش يطلعك كدابه مش مصدق حب حياته تطلع تخون فيه حرمتي قلبين بي كدبه حرمتني من وجد بوي جنبي وسندي وهو صدق كدبتك علاش هداء كله شن استفتي توا بعد مضيعتي ولدك سنين هدي كلها مش قدر يعرف ان اني بنته او لا وضيعتني وخلتني ننتحر شرتي مراة ولدك في المحاكم اسنين هدي كلها باش تخدني وقيلتلهم مرة تطلع بنت ولدي او وتكسبي فيا اجر كان مش بنت ولدك وانتي عارفه ان اني بنت ولدك حق معملتك وخوفك عليا كله مكانش طبيعي حاسه من زمان ان في حاجة حسا بي دنب اتجهي هداء علاش تعملي فيا هكي علاش هكي درتي معقوله الكرهية هدي كلها ع خاطر ولدك تزوج غصب عنك ضلمتي مراه في شرفها وهيا عمرها مدرت شي غلاط حرمتها حتا من املاها علاش فهمني علااش هكي علاش خلتني نعيش من غير اب سنين هدي كلها متبهدله مرة عندك ومرة عند امي شننن دارت انييي ليك باش دري فها هكييي
زنيب/تبكي تبكي
نجمة/تبكي وخلاص
علي/غير شن درتي يا نجمة في ولدك الله لاتربحك..وشاد راسه
نجمي/مصدوم
محمود/شبح لي مراته ...انتي طالق طالق طالق
زينب/خبطت ع وجها...حي عليا حي ...وطحت ع الارض
ناجية/هيا وبنويتها مصدومين يشحقو وخلاص
علي/وانتي ع دمت روحك يانجمة ...ومشي طلع
عزة/تبكي وتشبح لي جدها...لكي حناي ولا نعرفك خلتي تمر عليا لليلة ماعلم بها لا ربك قريب ضعت قريب خلتني نبيع شرفييي وندير زي امي وهيا طهراء من البليه الي ضلمتيه بها اطلعيييييي اطلعييييي معاش نبي نشفففك ياكدابه..وبدت تعيط
نجمي/جي نبها...خلاص خلاص عزة جرحك عززززة
الممرضه /خشت .... لو سمحتو اطلعة برا اطلعوو...وتشوف في عزة
زينب/تعيط.. اااه ياحليلي هييي
نجمي/عيط علها... اسكتتي اناس تسمع فيكم ااااس
ناجية/تقيم في زينب هيا ولليلة..خلاص يازينب الناس تسمع فيك خلاص
نجمي/يديدش في جده وطلعه وراه لجين
...............................................................
...............................................................
______________________________________

______________________________________

#Jule Akrsoa ℘₰ﮩ℘₰ﮩ℘₰ﮩ✍