"Ayumi," tawag sa 'kin ni Kenzo.
"Problema mo?" Walang-gana kong tanong.
Wala kasi si Kreios, eh. Wala tuloy magandang view sa classroom.
"Ano'ng english ng ang uwak ay hinang-hina sa paglalakad?" Tanong niya. Kumunot naman ang noo ko.
Ano na naman kayang kalokohan gagawin nitong ugok na 'to.
"The crow was weak in walking?" 'Di ako sigurado sa english ko eh, ba't ba.
"T*nga, mali." Aba at tinanga ako nang lintek. Binatukan ko nga.
"Minura kita? Eh, ano ang english no'n?" Tanong ko.
"The wak-wak weak-weak walk-walk." Sabi niya saka malakas na tumawa, napahinga naman ako nang malalim at hindi na siya pinansin. Nagulat na lang ako nang biglang niyang sapuin ang noo ko.
"Ano ba, Kenzo!" Hawi ko sa kamay nya.
"Himala, hindi mo 'yata ako hinahampas." ani Kenzo.
"Ah so, namiss mo mga hampas ko?" Tanong ko. Mabilis naman siyang umiling. "Iyon naman pala, eh, kaya manahimik ka na lang." sabi ko.
Hate na hate ko talaga kapag papalapit ang intramurals. Bakit? Kasi maghapong wala sa room si Kreios, siya kasi ang pambato namin pagdating sa chess. Tapos maghapon din kaming walang klase, eh 'di sobrang boring no'n. Buti sana kung p'wede kaming lumabas kaso hindi, hays.
"Hoy! Tara na sa canteen, tama na 'yang pagmumuni-muni mo r'yan." Tamad kong sinulyapan si Elle bago tumayo.
Sabay ulit kaming tatlong pumunta ng canteen.
"Bruha alert!" Napatingin kami kay Kenzo.
"Pinagsasabi mo? Nasasaniban ka 'yata ng engkanto," saad ni Elle.
"Shunga! Ayon oh 'yong bruha." Tinuro niya ang kinaroroonan nila Czavea 'di kalayuan sa 'min.
"Oh, tapos? Ano gagawin namin d'yan?" Walang-gana kong tanong.
"Ang tamlay mo 'yata, Ayu? Ganyan ba ang epekto ng walang Kreios Eivan sa classroom?" Tinawanan nila ako kaya tinignan ko sila nang masama.
"Saya kayo 'no?" Inirapan ko na lang sila bago naunang maglakad.
Malapit na ako sa counter para sana mag order kaso may impaktang namatid sa 'kin. Mabilis akong tumayo para harapin siya.
"Ano bang problema mo, ha?" Tanong ko.
"Ikaw. Ang sagwa kasing tingnan 'yang pagmumukha mo eh," napataas naman ako ng isa kong kilay.
"Bakit kaya hindi ka tumingin sa salamin nang makita mo kung sinong mas masagwa ang mukha sa atin." ani ko.
"Bigyan mo ako ng salamin." Utos niya. Aba! Maka-utos wagas, ha.
"Ano ako? Utusan? Asa ka." Sabi ko saka tinalikuran siya.
Napangiwi na lang ako nang maramdaman kong hinawakan niya nang mahigpit ang buhok ko.
P*trages! Nasaan ba sina Kenzo?
"Ang ayoko sa lahat ang tinatalikuran ako." Sabi niya saka mas lalong hinigpitan ang pagkakasabunot sa akin.
"Hoy Czavea! Bitawan mo si Ayumi." Dinig kong sabi ni Kenzo.
"Eh, paano kung ayaw ko? May magagawa ka?" Pagmamatigas ni Czavea.
"Baka gusto mong ipa-expel kita." Malamig na sabi ni Kenzo.
Agad namang natigilan si Czavea at nararamdaman kong unti-unti nang lumuluwag ang pagkakahawak niya sa buhok ko. Takot ka pala, eh.
Nang makaalis na sina Czavea ay agad akong nilapitan nina Elle. Tumayo naman na agad ako at inayos ang sarili ko.
BINABASA MO ANG
Make You Mine
Romance[COMPLETED] Naranasan mo na bang magkagusto sa taong hindi ka gusto? 'Yung bang gusto mong umamin kaso hindi mo magawa dahil alam mong una palang ay wala ka nang pag-asa. Siya si Ayumi Clayne Takahashi, isang mabait, maganda, matalino, at kwelang ba...
