طلعات راسها بصدمة فيه وهي تنطق لا شعوريا مع عينيها تحطو فعينيه : المهديي المهدي شافها اوفف تبلونطا لي درجة قرب يسد عينو ويعاود افتحها هي ضحكات وفرحات تاتطلقات الفرحة من عينيها، حيت اكثر انسان تاهو كيرتاح قلبها من مور مراد، المهدي ماصدقش واش هادي رحمة داك الصغيرة لي تزوج صاحبو، هادي كانت طويلة شعرها الزعر مطلوق مسرح، الدجين، السيرڤيت، لدرجة عرفتو بحالي تفلاشا فالعقل، مافهمش، قرب ليها وهو كيشوف فالتربية وهي قابضة على يديها بشوق، هادشي غير شافت صاحب مراد وولد عمو، حيت حسات بلي صافي قربات لمراد، لدرجة بقات كطل من مور المهدي لايبان تاهو .. المهدي : ( بشوية وهو كيشوف فيها وكيشوف فالتربية لسانو باقي ثقيل بحكم مامصدقش ) رحمة ؟ رحمة : اه ههه مراد !!! فين مرااد ؟؟ المهدي : ( كيشوف فالوليد ) شكووو( ثقل فيها بشوية بتردد ) ؟؟ رحمة : ولدي هه ولدنا انا ومراد طه ههادا طه ( دارت عند طه بزربة حيدات الستار عليه وهي تهزو عندو ) نونو ماما ششش صافي صافي ( كطبطب عليه من لتحت وهي دورو مسكين عويناتو حميمرين بالبكا ) هاهو عموو هاهو يااك احبيبو ( مداتوليه وهو يهبط راسو كيضحااااك مامصدقش لدرجة تصدم اواااه واش هادا مراد صغير .. المهدي : ( خشا السوارت فجيبو وهو يمد يدو شدو من تحت كتيفاتو بشوية هازو لعندو مامصدقش ) اواه اش هادا واش ولا عندنا كاباييرو صغير ولا ؟؟ ( طلعو الفوق كيشوف عويناتو الزعيعرين ) الله اللله اييه نتا لي جات معاك اسي مراد شفت الزعر وانا ندوخ .. ضحكات رحمة عويناتها مدمعين وقابضة على يديها عاضا على شفايفها واخيييرا ولدها شاف عائلتو قلبها كيضرب كيضرب وباغا تعرف مراااااد مراااد فييين .. المهدي : ( تكاه عليه حس فشكاال اول مرة غايهز شي بيبي صغير ورجع مدوليه ) تبارك الله اماعندي مايتسالك اختي رحمة هادا لي كاين .. رحمة : ( ضحكات بشوية عينيها كيلمعو بحالي كتسولو عليه على حبيب قلبها على مالك روحها ) مراد !! فيناهو ؟؟ المهدي : ( عرفها مزال ماعارفة والو ) مراد فاسبانيا ولكن راه قطع الطيارة غدا فالصباح ايكون فالمغرب .. رحمة : ( تفافات والابتسامة تلاشات بحالي د لي فرح بلي غايشوفو صدق ماكاينش والصدمة ) فاسبانيااا ؟؟؟ عاد كنت تم انا !! حرك راسو بشوية : كان كيقلب عليك اختي .. ضمات راس طه وباستو من عنقو شعرو زعيييييعر وخفييييف ورطب، بشوية رجعات حطاتو.. المهدي : دابا غانديك لعندي للدار وغدا انشاء الله ايكون مراد هنا .. حركات راسها باه يالاه دارت باش تهز وهو يحبسها بيديها شافت فيه رمش عينيه بمعنى غاخليك، هزليها الرولاكس وحتا ساك تابغات تهزو .. رحمة : ( بحياء ) لا لا غييير خليييه والله خفييف .. المهدي : ختي واش حمقتي نتي راك امانة فرقبتي رتاحيليك .. دار غادي وهو كيشوف فطه خاشي يديه ففمو كيضحااااك ناري مامصدقش مراد والد هاد الزين ورحمة تابعاه من اللور خفيفة فخطواتها مع السبادري، فتح اللوطو وركب جات هي ركبات قدامو تاني تبسااام ناااري تبدلات 180 درجة لدرجة حاس برااسو باغي يشوف وجه مراد نااري واش عرفتي شناهو مرت الكباااييرو .. مشا لدارو الاباغطومون ديالو داكشي تافقو عليه هو ومراد، دخلها عطاليها الفراش، وخلاها ترتاح وخرج بحالو من الدار كاملة محتارم حرمة خوه، عاد رتاحت وحسات بالرااحة، اول حاجة رضعات ولدها ونعساتو وهي دخل للدوش القطاري كينزلو عينيها تاعينيها دمعو بلاما تحس وقلبها كيرتاعش، وصلات لبلادها هي فبلادها بدات كضحك وتسد على فمها والما كيترش عليها من الفوق نازل مع الجسد ديالها الابيض، خرجات بالفوطة تاكاتسمع صوت المهدي مخلي ليها الماكلة برا ومشا .. خرجات كلات ورجعات رضعات طه عاد نعسات كتحس براسها اول نهار غاتنعس مرتاحة، فاقت فالصباح بزربة لبسات دجين فالزرق غامق وتيشرت بيضة، ربطات السبادري وخرجات، مع هي هاديك طلاقات مع المهدي داخل بالفطور وهي تسبقهالو : فاينوا مراد ؟ المهدي : دابا واحد الشوية غاتنزل الطيارة ديالو .. رحمة : بغيت نمشي نطلاقاه تما المهدي : ( علا حجبانو ) مرحبا يالاه .. بسرعة دخلات بدلات لطه وهزاتو فرولاكس وخرجات هزوليها هبطو ركبو وقلعو نيشان للمطار نزلو ومشاو دخلو لداخل الدنيا عامرة بالناس مسافرين مطار الناظور .. رحمة : ( كتشوف فالناس منين كيخرجو ) مناين ايجي ؟ .. اشار ليها بعينو لمن تم زعما بقا هو كيشوف فيها ومبسم كيشوف فطه هاز الرولاكس ديالو فرحاان لخوه، تاكاتسمع الطائرة وصلات، دارت هي كتشوف عاطية ضهرها للمسافرين، تاكيهضر المهدي : رحمة را مراد ... واش عرفتو منين سمعاتها قلبها ضرب ضارت واحد الضورة تادار معاها شعرها الزعر، هو داخل من جهة وهو يحيد النضاضر من عينيه كيشووف، لقطة بالعرض البطييييئ، تسمعات غوتة خلات كولشي ايشووف : مرااااااااااااااااااد ( الدموع قطرو من عينيها ) وهي تقدم غادا كاااااااتجرييييي .. قلبو ضرب صغييييييرتوو، لاااح ساااكو فالجنب وهو يطلق يدو ،، جاااات كتجريي بواحد الجرا كولشي كيشوف، وشعرها من اللور واخد راحتو تاتهزات وهي تنقز دورات رجليها على خصرو تارجعاتو جوج خطوات اللور
القلوب ... العقول ... الارواح ... الهوا ... كولشي توقف ... اه توقف .. اتحي .. اتحي واتحنااا اه اتحناا لهاد العشق .. رفعو القبعات .. العشق صعييب والحب نهار كيتقنن فالقلب ماتمحيه ماتهنا .. كيبقا تم .. كيجمد العقل .. وكيلعب بالمشاعر .. كعشق الشوق .. وكشعلك بالجمر .. النبض كيتعالا، السدر على السدر، العالم تسد، فين هوما ؟ شكون هوما ؟ شكون !!! هو ماشي داك الراجل، لي كيخاف منو الصغير والكبير، داك لي منوض الرعب فالخونة، داك لي قلبو باش اتعطا اترهن اخويا وباش ايعشق اوففف وااهلي، هي ؟ شكون ؟ ماشي هي داك البنت، البريئة ؟ النية ؟ هي عشقااات لي رحمها، وعشقااات لي تبناها ورجعها ملكة على عروش القمة، هي صغيرتو لي منها ماكاين جوج، هي لي بغات بطلها والفارس ديالها، بغات الكاباييرو ديالها، عقلو وقف، صغيرتو، الرحمة ديالو الصغيرة بين يديه، لا مايمكنش، لا وقفو وقفو، قلبو كيضرب، رجولتو كتنبض، عقلو بغا يوقف، اللللله واش دارت فييه، اللللله واتقال بالنبض العريض، كواااتو صغيرتو، فراقها آلموووو، جرحوو، جعروو، خلااه اتوعد ويتوعد بالجحيم، مايبقاش كيعقل، شكون هو، هو رجل عاشق، تحدا قبيلة وماتحطش العين على انثى رجل عاشق، وليس باي رجل، نو حبااس سطووب، الكابااييرو، عشقااتو هو، راجلها، اوففف يا حب قلبها، النار شعلو بالحنين لي تولد فيها، ااااخ وشحال عشقاتك يا رجل، ولدات ولدك وحماتو ورباتو وتقتل على ولدو حيت ولدو قبل مايكون ولدها شافتو دااك النووور الزويين الصغيوور لي فيه ريحة اه الريحة، هاد الريحة لي كتشم دابا، تخشات كتشمممم فريحتو الرجولية، كتقيس لحمو، كتستشعر، النبض من فوسط عروش قلب قلبها تطلق، مراااد تحفرات فالقلب صعييب اخرجها شي حد، ضاامها ومزييييييير عليها واحد التزياار لي ماايمكنش، واش اطلقها واش اخليها والله واخا يقطعوه حي ويرميو روحو للشياطين مايديرهاش، كيزييييير عليها وحتا كيرخف ويشم فالعبيييير بففففف على هاد الريحة دار عليها عزاااء فبيتو، حيت هي ماشي اي رائحة، لا هي رائحة جوهرة قلبو، داك صمام لي كيدير تيك توك هي الحارس ديالو، ارخف ويعاود ازييييييير بحالي عقلو كيستوعب راها رحمة لي بين يديه، رحمييييه رحمييييه بحبك، اسم على مسمى، بعدات شوية وهي تهز يديداتها الصغيورين شافت فعينو، شاافت فعيينو بعويناتها الزورق، عينيها مدمعين، شفايفها كيرتاعشو، شافت فيه، وهي ضحك بشوية كتلمس فحنكو واللحية ديالو وهي تنطق بصوت نبورش مرتاعش انوثي رقيق ومخفوق بدقات قلبها خرج بحال تنهيدة : مرااد كترعد بين عينو وشفايفو حتا حطات فمها على فمو خلاتو ازير عليها
كنشوف بزاف دالبنات كيقراو ولكن ماكاينش تعليقات ماكاينش نجيمات ماكاينش واحد التفاعل مع القصة عليها ماكانتحمسش نزيد نحط اجزاء كثار فعافاكوم كل وحدة تجاوبي فتعليق السبب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
