Hidden Love Story (BL OC) ကို Zin Wai Thuက Support ပေးထားခြင်းဖြစ်ပါတယ်။
Zin Wai Thu ကို ကျေးဇူးတင်ပါတယ်။
___________________________________
ဘောလုံးကွင်းပတ်လည်မှာ အော်သံ
တွေ ဆူညံနေသည်။ ဆောင်းဝင်ခါစ
မနက်ခင်းမို့ မြူတွေရစ်သိုင်းဖြူဖွေး
နေသည့်တိုင် ပြေးလွှားနေသည့် အပြာ
ရိပ်တစ်ခု က ဘုန်းဇင်၏မျက်လုံးထဲမပျောက်သွား။ ဘောလုံးကို ကျွမ်းကျွမ်း
ကျင်ကျင်နှင့် ခြေထဲမှာထားပြီး ကစား
တိုင်း ကွင်းပတ်လည်က ဘောလုံးကဲ့
သို့ ကစားခံချင်သူများကလည်း ဒုနဲ့ဒေး
တနင်္ဂနွေကျောင်းပိတ်ရက်ဟိုဘက်
ကျောင်းဒီဘက်ကျောင်း ချိန်းပွဲကန်ကြ
ပေမဲ့ ပရိသတ်ကတော့ နိုင်ငံပွဲကန်နေကြသလိုကိုအားကြိုးမာန်တက်ပဲ။ သူ
တို့ကျောင်းသူအများစုကတော့ အသင်း
ထက် အရုဏ်ဦး ကို အားပေးဖို့လာကြ
တာပါ။
အရုဏ်ဦး...
သူတို့ကျောင်းရဲ့ ပေါ်ပြူလာ။ ကင်း
ပေါ့။ အားလုံး၏ နှင်းဆီခိုင်။
နာမည်ကြီး ရုပ်ပြတွေ အချစ်ဝတ္ထုတွေ
ထဲကဇာတ်ကောင်တွေ၏ ပြီးပြည့်စုံမှု
က အရုဏ်ဦးဆီမှာ စုံပြုံနေသည်။
သူတို့လို ခပ်ကုပ်ကုပ်နယ်မြို့လေးမှာ အရုဏ်ဦး က ပြည့်ပြည့်စုံစုံမိသားစုမှမင်းသားလေးတစ်ပါးလိုမွေးဖွားလာသူ။ အခုခေတ်နာမည်ကြီးနေသည့် ပုံစံ
၏ စံပြုနမူနာတွေအကုန်လုံးကလည်း
အရုဏ်ဦးတွင်ရှိသည်။ ပိန်သွယ်သွယ်
ခန္ဓာ ၊ ရှည်လျားသော ခြေတံ ၊ ဖြူ
ဝင်းသော အသား ၊ မျက်လုံးမျက်ဖန်
ကောင်းကောင်းနှင့်ရယ်လိုက်တိုင်း
ပါးချိုင့်တစ်ဖက်ခွက်သွားသည်က
တော့ ဘုန်းဇင့် သဘောအကျဆုံးလေး
ပင်။
တိုက်စစ်မှူးလေးက ထောင်တက်လာ
သော ဘောလုံးကို ဆယ်မအပြီးတစ်ဖက်ဂိုးဖမ်းသမားကို ကျော်ကာ
ပိုက်တန်းဖြူဖြူထဲတည့်တည့်မတ်မတ်
ဝင်သွားချိန်မှာတော့ အရုဏ်ပ ပရိသတ်
၏ အော်သံကဆောင်းခိုငှက်တွေတောင် အသိုက်ကနေ ထပြေးလုမ
တတ်။ ဘုန်းဇင်အသံတွေကို မခံနိုင်စွာ
မျက်မှောင်ကျုံ့ ရင်း ချမ်းစေးစေးနှင့်
ပိုက်ထားမိသော ဒူးနှစ်ဖက်ကို ပိုမိုပိုက်
ထားမိသည်။ ပူးကောင်လေးလို ကိုယ့်ကိုယ်ကိုယ်ကျုံ့ဝင်သေးငယ်အောင်လုပ်ထားသော ဘုန်းဇင် နှင့် လက်နှစ်
ဖက်ကို ဘေးဘက်သို့ဆန့်တန်းကာ
ဝံ့ဝံ့ကြွားကြွားကွင်းပတ်ပြေးလွှားနေ
သော အရုဏ်နှင့်ကတော့ မိုးနှင့်မြေ။
နှစ်ဖက်ဘောလုံးအသင်းအနိုင်အရှုံး
နှင့် လောင်းကြေးတို့ရှင်းပြီးသည်အထိ
ဘုန်းဇင်က ခုံတန်းလေးမှာပင်ထိုင်နေမိ
သည်။ မထိုင်လို့လည်းမရလေ။
YOU ARE READING
21's Spring
Random(Unicode + Zawgyi) Memories of each couple in Myanmar Spring Revolution.
