هاي البارتات هديه وانتظروا ثنين بالليل 💛
#بارت١١
ﻓﻲ ﻗﻌﺮ ﺍﻟﺴﺠﻮﻥ ﻭﺟﺪﺗُﻨﻲ
.
.
ﻛﺎﻋﺪ ﺑﺎﻟﻤﻜﺘﺐ ﻭﻳﻪ ﺍﻵﻣﺮ ﻭﺑﺎﻗﻴﻦ ﻋﻠﻰ ﻧﻔﺲ ﺍﻟﻨﻘﺎﺵ
ﻭﺳﻤﻌﻨﻪ ﺻﻮﺕ ﺍﻟﺮﻋﺪ .. ﻭﺑﺪﺍ ﺍﻟﻤﻄﺮ ..
ﻛﻌﺪﻧﺎ ﻧﺸﺮﺏ ﺟﺎﻱ ﻭﻧﺮﺗﺐ ﺷﻐﻠﻨﻪ ﻭﺻﺎﺭﺕ ﺳﺎﻋﻪ ٨
ﺍﺗﺮﺧﺼﺖ ﻭﻃﻠﻌﺖ ﻭﺍﻟﻤﻄﺮ ﻛﻞ ﺷﻮﻳﻪ ﻳﻨﺰﻝ ..
ﻟﻜﻴﺖ ﺍﺣﻤﺪ ﻃﺎﺑﻚ ﺍﻟﺴﻴﺎﺭﻩ ﻭﻛﺎﻋﺪ ﻳﻨﺘﻈﺮ ﺷﻔﺘﻪ ﺭﺍﺩ ﻳﻨﺰﻝ
ﺍﺷﺮﺗﻠﻪ ﻳﻀﻞ ﻣﻜﺎﻧﻪ ﻭﺩﺍﺭﻳﺪ ﺍﻓﺘﺢ ﺍﻟﺒﺎﺏ ﻭﺍﻧﺘﺒﻬﺖ ﻋﻠﻰ
ﺻﻮﺕ ﻭﺭﺍﻳﻪ ﺍﻧﺪﺍﺭﻳﺖ ﻣﺎﻛﻮ ﺷﻲ ..
ﺑﺲ ﺍﻟﺼﻮﺕ ﺑﻌﺪﻩ ﺻﻮﺕ ﺧﺮﺧﺸﻪ ﻣﺪﻳﺖ ﺍﻳﺪﻱ ﻟﻠﺒﺎﺏ
ﻓﺘﺤﺘﻪ ﻭﻋﻴﻨﻲ ﺭﺍﺣﺖ ﻋﻠﻰ ﻣﻜﺎﻥ ﺍﻟﺼﻮﺕ ﻭﺷﻔﺖ ﺷﻲ
ﺍﺳﻮﺩ ﻳﻢ ﺷﺠﺮﻩ ﺻﻐﻴﺮﻩ ﻭﻧﺎﺻﻴﻪ .. ﻃﺒﻜﺖ ﺍﻟﺒﺎﺏ
ﻭﻟﻜﻴﺖ ﺭﺟﻠﻴﻪ ﻣﺎﺧﺬﺗﻨﻲ ﺍﻟﻪ .. ﺩﻧﻜﺖ ﺑﺎﻭﻋﺖ ﻭﻫﻲ
ﺍﺻﻼً ﻇﻠﻤﻪ ﻭﺑﺲ ﺿﻮﺍ ﺍﻟﻼﻳﺘﺎﺕ ﻣﺎﻝ ﺍﻟﺴﻴﺎﺭﻩ
ﺩﻓﺮﺗﻪ ﻫﻴﺞ ﺑﺮﺟﻠﻲ ﻭﺷﻮ ﻫﺬﺍ ﺗﺤﺮﻙ ﺗﺮﺍﺟﻌﺖ ﻭﺟﺎﻥ
ﺗﻄﻠﻊ ﻣﺮﻩ .. ﺩﻗﻘﺖ ﺑﻴﻬﻪ ﻫﺎﻱ ﻫﺒﻪ .. ﺻﺤﺖ ﺑﻴﻬﻪ
- ﻳﻤﺼﺨﻤﻪ ﺷﻌﻨﺪﺝ ﻫﻨﺎﺍﺍﺍ
ﻣﺎﺗﺤﺠﻲ ﺷﻲ ﺑﺲ ﻣﻜﺮﻓﺼﻪ ﻭﺣﺎﺿﻨﻬﺎ ﺭﺟﻠﻴﻬﺎ ﻭﺗﺮﺟﻒ
ﻭﺗﺒﺎﻭﻋﻠﻲ ..
- ﻫﺒﻪ ﺷﻤﻜﻌﺪﺝ ﻫﻨﺎ ﻣﺘﺮﺣﻴﻦ ﻟﺒﻴﺘﺞ ﻟﻮ ﻫﻴﺞ ﻋﺎﺟﺒﺞ ﺍﻟﺴﺠﻦ
ﻳﺎ ﻣﺼﺨﻤﻪ ﻣﺘﺸﻮﻓﻴﻦ ﺍﻟﻤﻄﺮ ﺷﻤﻜﻌﺪﺝ ﺑﻨﺺ ﺍﻟﺸﺎﺭﻉ
ﺟﺎﻭﺑﺘﻨﻲ ﻭﻫﻲ ﺗﺮﺟﻒ ..
- ﺍﺍﺍﻧﻲ ﻣﺎﻋﻨﺪﻱ ﻣﻜﺎﻥ ﺍﺭﻭﺣﻠﻪ
- ﻭﺑﻴﺖ ﺟﺪﺝ
- ﻣﺎﻳﺮﺩﻭﻧﻲ ﻭﺍﻣﻲ ﺍﺟﺘﻲ ﻛﻠﺘﻠﻲ ﻻ ﺗﺮﺟﻌﻴﻦ ﻋﻠﻴﻬﻢ
ﻻﻥ ﻣﺘﺤﻠﻔﻴﻦ ﻳﺬﺑﺤﻮﺝ ﻳﻜﻮﻟﻮﻥ ﻳﺨﺎﻓﻮﻥ ﻋﻠﻰ ﻧﻔﺴﻬﻢ
ﻣﻦ ﺧﺮﻳﺠﻪ ﺳﺠﻮﻥ ﻭﻣﺠﺮﻣﻪ
- ﺍﺳﺘﻐﻔﺮ ﺍﻟﻠﻪ ،، ﻟﻌﺪ ﻣﺎﺗﺮﺣﻴﻦ ﻻﻣﺞ
- ﺍﻣﻲ ﺯﻭﺟﻬﺎ ﻣﺎﻳﻘﺒﻞ ﻭﺍﻧﻲ ﻣﺎﻋﻨﺪﻱ ﻓﻠﻮﺱ ﻣﺎﻧﺪﻝ ﺑﻴﺘﻬﻪ
ﻓﺮﻛﺖ ﻭﺟﻬﻲ ﺑﺎﻳﺪﻱ ﻭﺩﻓﺮﺕ ﺍﻟﺸﺠﺮﻩ ﺍﻟﻲ ﻳﻤﻬﻪ ﻭﺟﻔﻠﺖ ﻫﻴﻪ ﺭﺣﺖ ﺗﻤﺸﻴﺖ ﺷﻮﻳﻪ ﻭﺭﺟﻌﺘﻠﻬﻪ ..
- ﻛﻮﻣﻲ ﻛﻮﻣﻲ
- ﻋﻮﻓﻨﻲ ﺳﻴﺪﻱ ﻋﻔﻴﻪ ﻭﺍﻟﻠﻪ ﻣﺎﺿﻮﺟﻜﻢ ﻫﻨﺎ
- ﺷﺪﺩﺍﺣﺠﻴﻴﻴﻴﻲ ﻛﻮﻭﻭﻣﻲ ﻋﻠﻰ ﺣﻴﻠﺞ
ﻛﺎﻣﺖ ﻭﻣﻼﺑﺴﻬﻪ ﻣﻨﻜﻌﻪ ..
- ﺍﻣﺸﻲ ﻭﺭﺍﻳﻪ
ﺭﺣﺖ ﻟﻠﺴﻴﺎﺭﻩ ﻭﻧﺰﻟﺖ ﺍﺣﻤﺪ ﻣﻨﻬﺎ ﻭﺻﻌﺪﺕ ﺑﺪﺍﻟﻪ
ﻧﺰﻟﺖ ﺍﻟﺠﺎﻣﻪ ﻣﺎﻝ ﺍﻟﺒﺎﺏ ﺍﻟﺜﺎﻧﻲ ﻭﺻﺤﺘﻠﻬﻪ .
- ﺗﻌﺎﺍﻱ ﺻﻌﺪﻱ ﻳﻼﺍ
ﺻﻔﻨﺖ ﺑﻮﺟﻬﻲ ﻭﻋﻄﺖ ﺑﻴﻬﻪ ..
- ﺷﺪﺍﺣﺠﺠﺠﻴﻲ ﺍﺻﻌﺪﺩﺩﺩﻱ
ﺍﺟﺘﻲ ﻓﺘﺤﺖ ﺍﻟﺒﺎﺏ ﻭﺻﻌﺪﺕ ﻭﺑﻌﺪﻫﻪ ﺗﺮﺟﻒ ..
ﺷﻐﻠﺖ ﺍﻟﺘﺪﻓﺌﻪ ﻭﻣﺸﻴﺖ ﺑﺎﻭﻋﺘﻠﻲ ﻭﻫﻲ ﺗﻔﺮﻙ ﺑﺎﺩﻳﻬﺎ
ﻛﺘﻠﻬﻪ
ﺷﺒﻴﺞ ﻣﻀﻴﻌﻪ ﺷﻲ ﺑﻮﺟﻬﻲ
- ﻫﺎﺍ ﻻ
ﺳﻜﺘﺖ ﺑﻌﺪﻳﻦ ﻛﺎﻟﺖ ..
- ﻭﻳﻦ ﺭﺍﻳﺤﻴﻦ
- ﻋﻮﻓﻲ ﻫﺎﻟﺴﻮﺍﻟﻒ ﻫﺴﻪ ﺩﻓﻲ ﻧﻔﺴﺞ ،، ﻭﺍﻟﻠﻪ ﻳﺎﻫﺒﻪ ﻛﺎﻋﺪﻩ
ﺑﻨﺺ ﺍﻟﺸﺎﺭﻉ ﺍﻱ ﺩﻛﻌﺪﻳﻠﺞ ﺟﻮﻩ ﻣﺤﻞ ﺟﻮﻩ ﺻﺨﺎﻡ ﻣﻨﻜﻌﻪ
ﻣﻼﺑﺴﺞ ﻫﻴﺞ ﺑﻠﻪ ﻫﻢ ﺻﺎﺣﻴﻪ ﺍﻧﺘﻲ
- ﺍﻧﻲ ﻣﺎﺍﻋﺮﻑ ﻏﻴﺮ ﻫﺎﻟﻤﻜﺎﻥ ﻭﺍﺧﺎﻑ ﻣﻦ ﺍﻟﻨﺎﺱ
ﺍﻧﻲ ﺻﺎﺣﻴﻪ
ﺑﺎﻭﻋﺘﻠﻬﻪ ﻭﻫﻲ ﺩﻧﻜﺖ ﻣﻬﻀﻮﻣﻪ ﻭﻣﺠﻠﺒﻪ ﺑﺎﻃﺮﺍﻑ ﻣﻼﺑﺴﻬﺎ
ﻭﺍﺻﺎﺑﻌﻬﻪ ﺣﻤﺮ ﺻﺎﻳﺮﺍﺕ ﻭﺧﺸﻤﻬﻪ ﺍﺣﻤﺮ ﻭﻫﻲ ﻭﺷﻮﺍﺭﺑﻬﻪ ﺻﺎﻳﺮﻩ ﻓﻠﻢ ...
ﺍﺧﺬﺗﻬﻪ ﻟﻠﺸﻘﻪ ﻃﺒﻜﺖ ﺍﻟﺴﻴﺎﺭﻩ ﻭﻧﺰﻟﻨﻪ ..
ﻭﺍﻛﻔﻪ ﻭﺗﺒﺎﻭﻉ ﻋﻠﻰ ﺍﻟﻌﻤﺎﺭﻩ ﻭﺗﺮﺟﻊ ﺗﺒﺎﻭﻋﻠﻲ ﻛﺘﻠﻬﻪ ..
- ﻋﻨﺪﻱ ﺷﻘﻪ ﻫﻨﺎ ﺗﻌﺎﻱ ﺑﺎﺗﻲ ﺑﻴﻬﻪ ﺑﻴﻦ ﻣﺎﻧﺸﻮﻓﻠﺞ ﺣﻞ
ﻋﻔﺘﻬﻪ ﻭﻣﺸﻴﺖ ﺻﻌﺪﺕ ﺍﻟﺪﺭﺝ ﻭﻫﻲ ﺧﻄﻮﺍﺗﻬﻪ ﻭﺭﺍﻳﻪ
ﻭﺳﺎﻛﺘﻪ ﺟﺎﻧﺖ ﺍﻟﺸﻘﻪ ﺑﺎﻟﻄﺎﺑﻖ ﺍﻟﺜﺎﻟﺚ ..
ﻃﻠﻌﺖ ﺍﻟﻤﻔﺘﺎﺡ ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻭﺑﻘﻴﺖ ﻻﺯﻡ ﺍﻟﺒﺎﺏ
ﺍﺷﺮﺗﻠﻬﻪ ﻭﻓﺎﺗﺖ ﻭﺳﺪﻳﺖ ﺍﻟﺒﺎﺏ .. ﻫﻲ ﻭﺍﻛﻔﻪ ﺑﻤﻜﺎﻧﻬﻪ
ﻭﻣﺘﺠﺘﻔﻪ ﻣﻦ ﺍﻟﺒﺮﺩ ﻭﻣﻼﺑﺴﻬﺎ ﺗﻨﻜﻂ ﻣﻲ ..
ﺭﺣﺖ ﻟﻠﻐﺮﻓﻪ ﺩﻭﺭﺕ ﺷﻨﻄﻴﻬﻪ ﺑﻠﻪ .. ﻟﻜﻴﺖ ﻣﻨﺸﻔﻪ
ﻣﻤﺴﺘﺨﺪﻣﻬﺎ ﻭﺍﺧﺬﺕ ﺑﺠﺎﻣﺘﻲ ﻭﺭﺣﺖ ﻣﺪﻳﺘﻬﻦ ﺍﻟﻬﻪ
- ﻫﺎﺝ ﺍﺧﺬﻳﻬﻦ ﺭﻭﺣﻲ ﻓﻮﺗﻲ ﺳﺒﺤﻲ ﺍﻛﻮ ﻣﻲ ﺣﺎﺭ
ﻭﺍﻟﺒﺴﻴﻬﻦ ﺍﺣﺴﻦ ﻣﺎﺿﻠﻴﻦ ﻫﻴﺞ
- ﺷﻜﺮﺍً
ﺍﺧﺬﺗﻬﻦ ﻭﺭﺍﺣﺖ ﻟﻠﺤﻤﺎﻡ ﻭﺍﻧﻲ ﺭﺣﺖ ﻟﻤﻴﺖ ﺍﻟﺒﻄﺎﻟﻪ
ﻭﺷﻤﺮﺗﻬﻦ ﺑﺎﻟﺰﺑﺎﻟﻪ ﻓﺘﺤﺖ ﺍﻟﺜﻼﺟﻪ ﻣﺎﻟﻜﻴﺖ ﺍﺷﻴﺎﺀ
ﺗﻨﺄﻛﻞ .. ﺑﺎﻭﻋﺖ ﺍﻟﺠﻮ ﺻﻔﻪ .. ﻧﺰﻟﺖ ﻟﻼﺳﻮﺍﻕ
ﺍﺧﺬﺕ ﺟﺒﻦ ﻭﺣﻠﻮﻳﺎﺕ ﻭﺟﻴﺲ ﺟﺎﻱ ﻭﺻﻨﺪﻭﻙ ﻣﻲ
ﻭﺻﻌﺪﺕ ﻟﻜﻴﺘﻬﻪ ﺑﻌﺪﻫﻪ ﻣﻄﺎﻟﻌﻪ ﻣﻦ ﺍﻟﺤﻤﺎﻡ ..
ﺣﻄﻴﺘﻬﻦ ﺑﺎﻟﺜﻼﺟﻪ .. ﻭﺭﺗﺒﺘﻬﻦ ﻫﻢ ﺯﺣﻤﻪ ﺗﺸﻮﻑ ﺑﻄﺎﻟﻪ
ﺍﻟﺸﺮﺏ ﺗﺮﻭﺡ ﻫﻴﺒﺘﻲ ..
ﻭﻛﻌﺪﺕ ﺑﺎﻟﻐﺮﻓﻪ ﺍﺷﻴﻞ ﻣﻼﺑﺴﻲ .. ﻭﺍﺣﺠﻲ ﻭﻳﻪ ﻧﻔﺴﻲ
ﺑﻠﻪ ﻫﺴﻪ ﺍﻧﻲ ﺷﻮﺩﺍﻧﻲ ﻫﻨﺎﻙ ﻟﻮ ﺻﺎﻋﺪ ﺳﻴﺎﺭﺗﻲ ﻭﻣﺎﺷﻲ
ﻻ ﻻ ﺟﺎﻥ ﻣﺎﺗﺖ ﻟﻠﺼﺒﺢ ﻫﺴﻪ ﺷﺴﻮﻱ ﺑﻴﻬﻪ ﻭﻳﻦ ﺍﻭﺩﻳﻬﻪ
ﻭﺳﻤﻌﺖ ﺑﺎﺏ ﺍﻟﺤﻤﺎﻡ ﺍﻧﻔﺘﺢ ﻃﻠﻌﺖ ﻣﻦ ﺍﻟﻐﺮﻓﻪ ..
ﻭﻃﻜﻴﺘﻬﺎ ﺑﻀﺤﻜﻪ ..
- ﻫﻬﻬﻬﻬﻬﻬﻬﻬﺎﺍﺍﺍﺍﺍﺍﺍﺍﺍﻳﻴﻴﻴﻴﻲ ﻟﺞ ﻫﺎﻱ ﺷﻨﻮﻭﻭ
- ﺷﻨﻮ ﺍﻧﻲ ﻣﻮ ﺑﻜﺪﻙ
ﺟﺎﻧﺖ ﻻﺑﺴﻪ ﺍﻟﺒﻠﻮﺯ ﺿﺎﻳﻌﻪ ﺑﻲ ﻭﻣﺪﺧﻠﺘﻪ ﺑﻨﺺ ﺍﻟﻴﺠﺎﻣﻪ ﻭﺍﻟﺒﺠﺎﻣﻪ ﻻﺯﻣﺘﻬﻪ ﺑﺎﻳﺪﻫﻪ ﻣﻦ ﺍﻟﺨﺼﺮ ﻭﻛﺎﻓﺘﻬﻪ ﻣﻦ ﺟﻮﻩ
ﻭﺍﻟﻤﻨﺸﻔﻪ ﻋﻠﻰ ﺭﺍﺳﻬﺎ .. ﺿﻠﻴﺖ ﺑﺎﻟﻌﺸﺮ ﺩﻗﺎﻳﻖ ﺍﻧﻲ ﺑﺲ
ﺍﺿﺤﻚ ﻭﻫﻲ ﻭﺍﻛﻔﻪ ﺑﻤﻜﺎﻧﻬﺎ ﻭﺗﺴﺤﺐ ﺑﺎﻟﺒﺠﺎﻣﻪ ﻭﺗﺮﻓﻊ ﺑﻴﻬﻪ
ﺍﺷﺮﺍﺗﻬﻪ ﺗﺮﻭﺡ ﻟﻠﻐﺮﻓﻪ ﺭﺍﺡ ﺍﻓﻄﺲ ﺑﻌﺪ ﻣﺎﻛﺪﺭ ﻭﻫﻲ
ﺑﺲ ﺗﺠﺮﺟﺮ ﺑﺎﻟﺒﺠﺎﻣﻪ ﻭﻟﻤﻦ ﺗﺮﻓﻊ ﺍﻳﺪﻫﻪ ﻳﺮﻓﻊ ﺍﻟﺮﺩﺍﻥ
- ﺍﻭﻭﻭﻭﻑ ﻳﺎﺑﻮﻳﻪ ﺷﺎﻟﻜﺎﺭﺛﻪ ﻫﺎﻱ
ﺑﺮﻩ ﺷﻮﻳﻪ ﺭﺣﺖ ﻟﻠﻐﺮﻓﻪ ﺍﻟﺒﺎﺏ ﻣﻔﺘﻮﺣﻪ ﻉ ﺍﻟﻨﺺ ..
ﺩﻓﻌﺘﻪ ﻭﺷﻔﺘﻬﻪ ﻧﺎﻳﻤﻪ ﻋﻠﻰ ﺑﻄﻨﻬﻪ ﻭﺫﺍﺑﻪ ﺍﻟﻤﻨﺸﻔﻪ ﻭﻧﻮﻣﺘﻬﻪ
ﻋﻮﺟﻪ ﺍﻳﺪ ﻣﻨﺎ ﻭﺭﺟﻞ ﻣﻨﺎ .. ﺟﺮﻳﺖ ﺍﻟﻐﻄﻪ ﺣﻄﻴﺘﻪ ﻓﻮﻛﺎﻫﻪ
ﻭﻃﻔﻴﺖ ﺍﻟﻀﻮﺍ ﻭﻃﻠﻌﺖ .. ﺭﺣﺖ ﺳﻮﻳﺘﻠﻲ ﺍﺳﺘﻜﺎﻥ ﺟﺎﻱ
ﻛﻌﺪﺕ ﺍﺷﺮﺏ ﻭﺍﺑﺎﻭﻉ ﺗﻠﻔﺰﻳﻮﻥ .. ﻭﺍﻓﻜﺮ ﺑﻴﻬﻪ ﺷﻠﻮﻥ
ﺍﺧﺬﻫﻪ ﻟﺪﺍﺭ ﺍﻻﻳﺘﺎﻡ .. ﻣﺎﻳﻘﺒﻠﻮﻫﻪ ﺧﺎﻑ ﻻﻥ ﺧﺮﻳﺠﻪ
ﺳﺠﻮﻥ .. ﺍﺣﺎﺟﻲ ﺍﻫﻠﻬﺎ ﻫﺴﻪ ﻳﻜﻮﻟﻮﻥ ﻫﻢ ﺍﻧﺘﻪ ﺷﺪﺧﻠﻚ
ﺍﺧﺬﻫﻪ ﺍﺷﻐﻠﻬﻪ ﻋﻨﺪ ﺍﻣﻲ ﺑﺎﻟﺒﻴﺖ .. ﻣﺎﺗﺴﻮﻩ ﻋﺪﻫﻢ ﺍﺛﻨﻴﻦ
ﻭﺟﻨﺘﻬﻪ ﻣﺎﺗﻨﻔﻊ ﻻ ...
ﻛﻤﺖ ﻃﻔﻴﺖ ﺍﻟﺘﻠﻔﺰﻳﻮﻥ ﻭﺭﺣﺖ ﻟﻠﻐﺮﻓﻪ ﺍﺧﺬﺗﻠﻲ ﻣﺨﺪﻩ
ﻭﻫﻮ ﻣﺎﻛﻮ ﺑﺲ ﺑﻄﺎﻧﻴﻪ ﻭﺣﺪﻩ ﻭﻫﻲ ﻣﺘﻐﻄﻴﻪ ﺑﻴﻬﻪ
ﺭﺣﺖ ﺍﺧﺬﺕ ﺷﺮﺷﻒ ﻣﺎﻝ ﻓﺮﺷﻪ ﻭﺗﻐﻄﻴﺖ ﺑﻲ
ﻭﺍﻟﺼﺒﺢ ﺣﺴﻴﺖ ﻋﻠﻰ ﺻﻮﺕ ﺍﻟﺘﻠﻔﻮﻥ ﺑﺎﻭﻋﺖ ﻫﺬﺍ
ﺳﺠﺎﺩ ﺟﺎﻭﺑﺘﻪ ..
- ﻫﺎﺍ ﺳﺠﺎﺩ
- ﺳﻴﺪﻱ ﺿﻞ ﺑﺎﻟﻲ ﻋﻠﻴﻚ ﺻﺎﺭﺕ ﺍﻟﺘﺴﻌﻪ ﻭﺍﻧﺘﻪ ﻣﺎﻛﻮ
- ﺧﺮﺏ ﺑﺎﻟﺤﻆ ﻧﺎﻳﻢ ﻟﻚ ﻧﺎﻳﻢ ﻳﻼ ﺟﺎﻱ ﺟﺎﻱ
ﺳﺪﻳﺖ ﺍﻟﺨﻂ ﻣﻨﻪ ﻭﻟﺒﺴﺖ ﻣﻼﺑﺴﻲ ﻭﺭﺣﺖ ﻭﺻﻠﺖ ﺍﻟﺒﺎﺏ
ﻭﺗﺬﻛﺮﺗﻬﻪ ﺭﺟﻌﺖ ﺭﺣﺖ ﻓﺘﺤﺖ ﺑﺎﺏ ﺍﻟﻐﺮﻓﻪ ﻭﻟﻜﻴﺘﻬﻪ
ﻣﺒﻴﻦ ﻫﺴﺘﻮﻫﻪ ﻛﺎﻋﺪﻩ ﺑﺲ ﺑﺎﻗﻴﻪ ﻣﺘﻤﺪﺩﻩ ﺣﺠﻴﺖ ﺑﺼﻮﺕ
ﻋﺎﻟﻲ ..
- ﻫﺒﻪ ﺍﺑﻘﻲ ﻻﺗﻄﻠﻌﻴﻦ ﻣﻨﺎ ﺍﺭﺟﻊ ﻣﻦ ﺍﻟﺸﻐﻞ ﻭﻧﺤﺠﻲ
ﻣﻔﻬﻮﻭﻭﻭﻭﻡ
- ﻣﻔﻬﻮﻭﻡ ﺳﻴﺪﻱ
ﻃﻠﻌﺖ ﻭﺭﺣﺖ ﺑﺴﺮﻋﻪ ﻟﻠﺴﻴﺎﺭﻩ ﺷﻐﻠﺖ ﻭﻃﻠﻌﺖ ...
ﺍﻟﻴﻮﻡ ﻛﻠﻪ ﺗﻔﻜﻴﺮﻱ ﻋﺪﻫﻪ ﺗﺎﻟﻲ ﺭﺣﺖ ﺍﺗﺼﻠﺖ ﻋﻠﻰ ﻋﻤﻬﺎ
ﻳﺪﻙ ﻣﺮﺗﻴﻦ ﻭﺍﻟﺜﺎﻟﺜﻪ ﻳﻼ ﺟﺎﻭﺏ ..
- ﺍﻟﺴﻼﻡ ﻋﻠﻴﻜﻢ
- ﻭﻋﻠﻴﻜﻢ ﺍﻟﺴﻼﻡ ﺳﻴﺎﺩﻩ ﺍﻟﻀﺎﺑﻂ
- ﺗﻌﺮﻓﻨﻲ ﺍﺣﺐ ﺍﺣﺠﻲ ﺑﺎﻟﻨﻈﻴﻒ ﻓﻜﻠﻲ ﺑﻨﺘﻜﻢ
ﺷﻌﺪﻫﻪ ﺑﺎﻟﺸﺎﺭﻉ ﻣﻮ ﻋﻤﺎﻣﻬﻪ ﺍﻧﺘﻮ ﻭﻳﻦ ﻏﻴﺮﺗﻜﻢ
- ﻳﺎﺑﻨﺖ ﻋﻤﻲ ﻫﺎﻱ ﻣﺠﺮﻣﻪ ﺍﻧﻲ ﺍﺟﻴﺐ ﻣﺠﺮﻡ ﻭﺍﻛﻌﺪﻩ
ﺑﻴﺘﻲ
- ﺑﻴﺖ ﺟﺪﻫﻪ ﻣﻮﺟﻮﺩ ﻣﺎﺭﺍﻳﺪﻩ ﺑﻴﺘﻚ
- ﺍﻟﻮﺍﻟﺪ ﺑﺎﻉ ﺍﻟﺒﻴﺖ ﻭﺍﺧﺬ ﻣﺎﻫﺮ ﻭﺭﺍﺡ ﻟﻠﻌﻤﺎﺭﻩ ﻛﻌﺪ
- ﺍﻱ ﻣﺘﺎﺧﺬﻭﻫﻪ ﻋﻠﻴﻪ ﺷﺒﻴﻜﻢ ﺍﻧﺘﻮ ﻭﻟﺪ ﺍﻝ .. ﻟﻚ ﻳﺎﺑﻪ ﻫﺎﻱ
ﺻﻐﻴﺮﻩ ﺗﻌﻮﻓﻮﻫﻪ ﺑﺎﻟﺸﺎﺭﻉ ﺍﻧﺘﻮ ﺗﺪﺭﻭﻥ ﺷﺒﻲ ﻣﺒﻲ ﺷﺒﻴﻜﻢ
ﺍﻱ ﻣﺘﻜﻠﻮﻟﻲ ﺷﺒﻴﻜﻢ ﻣﺎﺑﻴﻜﻢ ﺧﻴﺮ ﻳﻠﻤﻬﻪ ﺑﻴﺖ
- ﺍﺣﻨﻪ ﻧﺎﺱ ﺍﺩﻭﺭ ﺭﺍﺣﻪ ﺑﺎﻟﻬﻪ .. ﻳﺎﺑﻴﺖ ﺍﺣﻄﻬﻪ ﻛﻠﻬﻪ
ﻣﺘﺒﺮﻳﻪ ﻣﻨﻬﺎ .. ﻫﻢ ﺳﺎﻋﻪ ﺍﻟﺴﺎﻋﻪ ﻭﺗﺮﻭﺡ ﺗﺬﺑﺤﻠﻬﻪ ﻭﺍﺣﺪ
ﻟﻴﺶ ﺑﻌﺪ ﻳﺘﺄﻣﻨﻠﻬﺎ ﻫﺎﻱ ﻋﻴﻨﻚ ﻋﻴﻨﻚ ﻭﻛﺘﻠﺖ ﺍﻟﻮﻟﺪ ﺍﺫﺍ ﺍﺟﻴﺒﻬﻪ
ﻟﺒﻴﺘﻲ ﺷﻤﺪﺭﻳﻨﻲ ﺷﺘﺴﻮﻱ ﻣﺘﺴﻮﻱ ﻭﻫﻲ ﺍﻟﻠﻪ ﺍﻋﻠﻢ ﺷﺘﻌﻠﻤﺖ
ﺑﻌﺪ ﻣﻦ ﺍﻟﻤﺴﺠﻮﻧﺎﺕ ﺍﻟﻲ ﻳﻤﻬﻪ
ﺍﺑﻦ ﺍﻟﻜﻠﺐ ﻣﻮ ﺍﻧﺘﻪ ﺷﻤﺮﺗﻬﻪ ﺑﺎﻟﺴﺠﻦ ﻣﻮ ﺫﺑﻴﺖ ﻛﻞ ﺗﻬﻤﻪ
ﺑﺮﺍﺳﻬﻪ ﻫﺎﻟﻜﺒﺮ ﻭﻫﻲ ﻻﺣﻮﻝ ﻭﻻ ﻗﻮﻩ
- ﻟﺘﺠﺎﺍﻭﺯ ﺍﻱ ﺍﺣﻨﻪ ﻣﻨﺮﻳﺪﻫﻪ ﺍﻧﺖ ﺷﻜﻮ ﺣﺎﺭﻙ ﺣﻤﺎﻣﻚ
- ﻻﻧﻌﻞ ﺍﺑﻮﻙ ﻳﺎﺑﻮ ﺍﻟﺠﺎﺑﻚ ﻳﺎﻋﺎﺭ ﺣﺮﺍﻡ ﺑﻴﻚ ﺍﻟﺸﺎﺭﺏ
ﺍﺑﻦ ﺍﻟﻜﻠﻠﻠﻠﻠﺐ
ﺳﺪﻳﺖ ﺍﻟﺨﻂ ﺑﻮﺟﻬﻪ ﻭﺷﻤﺮﺕ ﺍﻟﺘﻠﻔﻮﻥ .. ﺷﻨﻮ ﻫﺎﻟﺪﻧﻴﺎ
ﺷﺼﺎﺍﺍﺍﻳﺮ ﺑﻴﻬﻪ ﻫﻴﺞ ﺍﻟﺸﺮﻑ ﻫﻴﻦ ﻳﻨﺸﻤﺮ ﺑﺎﻟﺸﺎﺭﻉ
ﺻﺎﺭﺕ ﺳﺎﻋﻪ ﺍﺭﺑﻌﻪ ﺗﺮﺧﺼﺖ ﻭﻃﻠﻌﺖ ... ﻃﺒﻜﺖ
ﺑﺎﻟﻄﺮﻳﻖ ﻋﻠﻰ ﺍﺑﻮ ﻋﻠﻮﻩ ﻭﺗﺴﻮﻛﺖ ﻣﻨﻪ ﻋﻠﻰ ﻛﻴﻠﻮ ﻛﻴﻠﻮ
ﻭﺭﺣﺖ ﻟﻠﺸﻘﻪ ... ﺻﻌﺪﺕ ﺍﻟﻤﺴﻮﺍﻙ ﻭﻓﺘﺤﺖ ﺍﻟﺒﺎﺏ
ﺣﺠﻴﺖ ﺑﺼﻮﺕ ﻋﺎﻟﻲ ..
- ﺍﺣﻢ ﺍﺣﻢ ﻭﻳﻨﺞ ﻫﺒﻪ
ﻃﻠﻌﺖ ﻣﻦ ﺍﻟﻐﺮﻓﻪ ﻻﺑﺴﻪ ﻣﻼﺑﺴﻬﺎ ﻣﺎﻝ ﺑﺎﺭﺣﻪ ﻭﺷﺎﻟﻬﻪ
ﻭﺍﺟﺘﻲ ﺍﺧﺬﺕ ﺍﻟﻌﻼﻟﻴﻚ ﻣﻨﻲ ﻭﺭﺍﺣﺖ ﻭﺩﺗﻬﻦ ﻟﻠﻤﻄﺒﺦ
ﺭﺣﺖ ﻭﺭﺍﻫﻪ ﻟﻠﻤﻄﺒﺦ ﻓﺘﺤﺖ ﺍﻟﺜﻼﺟﻪ ﻭﻃﻠﻌﺘﻠﻲ ﺑﻄﻞ
ﻣﻲ ﻭﻛﻌﺪﺕ ﺍﺷﺮﺏ ﻭﺍﺑﺎﻭﻋﻠﻬﻪ ﻭﻫﻲ ﺗﺮﺗﺐ ﺑﺎﻟﻤﺴﻮﺍﻙ
- ﺷﻨﻮ ﻣﺒﻴﻦ ﻣﺎﻣﺤﻀﺮﻩ ﺍﻟﻐﺪﺍ
- ﺍﻱ ﻣﺎﺳﻮﻳﺖ ﻻﻥ ﻣﺎﺣﺒﻴﺖ ﺍﺳﺘﺨﺪﻡ ﻏﺮﺍﺽ ﺑﻴﺘﻚ
ﺑﺪﻭﻥ ﺍﺫﻧﻚ ﻛﻠﺖ ﺧﺎﻑ ﺗﻨﺰﻋﺞ ﻣﻦ ﻫﺎﻟﺸﻲ
- ﻻ ﻋﺎﺩﻱ ﻗﺎﺑﻞ ﻣﺘﺮﺩﻳﻦ ﺗﺎﻛﻠﻴﻠﺞ ﻟﻜﻤﻪ
- ﺍﻧﻲ ﺍﻛﻠﺖ ﺑﺴﻜﺖ ﻭﺟﺎﻱ
- ﺑﺲ !!
- ﺍﻱ ﺑﻌﺪ ﻣﺎﺍﺧﺬﺕ ﺷﻲ
- ﻟﺞ ﺍﻧﺘﻲ ﻟﻴﺶ ﻫﻴﺞ
- ﺷﻨﻮ ﺷﺒﻴﻪ
- ﻟﻴﺶ ﻣﻘﻴﺪﻩ ﻧﻔﺴﺞ ﻫﻴﺞ ﻫﺴﻪ ﻗﺎﺑﻞ ﺭﺍﺡ ﺍﺣﺎﺳﺒﺞ ﺍﺫﺍ ﺍﻛﻠﺘﻲ
ﺍﻛﻠﻲ ﻳﺎﺑﻪ ﻫﺬﺍ ﺧﻴﺮ ﻣﻦ ﺍﻟﻠﻪ
- ﻻ ﺷﻜﺮﺍً ﺍﻧﻲ ﺷﺒﻌﺎﻧﻪ ﺍﻟﺤﻤﺪﻟﻠﻪ ،، ﺍﺫﺍ ﺗﺤﺐ ﻫﺴﻪ ﺍﺳﻮﻳﻠﻚ
ﻏﺪﺍ
- ﺍﻱ ﻭﺍﻟﻠﻪ ﺳﻮﻱ ﻻﻥ ﻣﺎﻟﺤﻜﺖ ﺍﻛﻞ ﺑﺎﻟﺸﻐﻞ ،، ﺍﺧﺬﻱ ﺭﺍﺣﺘﺞ ﻻ ﺿﻠﻴﻦ ﻣﺘﻘﻴﺪﻩ ﺑﺸﻲ ﺍﻧﻲ ﺭﺍﺡ ﺍﺳﺒﺢ
ﻋﻔﺘﻬﻪ ﺗﺴﻮﻱ ﺍﻟﻐﺪﺍ ﻭﺍﺧﺬﺕ ﻣﻼﺑﺴﻲ ﻭﺭﺣﺖ ﻟﻠﺤﻤﺎﻡ
ﻃﻮﻟﺖ ﺑﻲ ﺣﺘﻰ ﺗﺎﺧﺬ ﺭﺍﺣﺘﻬﻪ ﺑﺎﻟﻄﺒﺦ ﻣﺎﺗﻨﺤﺮﺝ ﻛﺪﺍﻣﻲ
ﻭﻗﺮﺭﺕ ﺷﺴﻮﻳﻠﻬﻪ ..
ﻃﻠﻌﺖ ﻭﺍﻧﻲ ﺍﻧﺸﻒ ﺑﺸﻌﺮﻱ ﻟﻜﻴﺘﻬﻪ ﺣﺎﻃﻪ ﺍﻟﺼﻴﻨﻴﻪ
ﻭﻣﺴﻮﻳﻪ ﺗﺒﺴﻲ ﻭﺗﻤﻦ ﻭﻣﺎﻋﻮﻥ ﻓﻮﺍﻛﻪ ﻣﺮﺗﺐ ﻭﺯﻻﻃﻪ
ﺩﻭﺭﺕ ﻋﻠﻴﻬﻪ ﻟﻜﻴﺘﻬﻪ ﺑﺎﻟﻤﻄﺒﺦ ﻭﺍﻛﻔﻪ ﻉ ﺍﻟﺴﻨﻚ
ﺭﺣﺖ ﻛﻌﺪﺕ ﺗﺮﺑﻌﺖ ﺑﺎﻟﻜﺎﻉ ﻭﺻﺤﺘﻠﻬﻪ ..
- ﻫﺒﺒﺒﺒﺒﻪ
- ﻧﻌﻢ ﺳﻴﺪﻱ
- ﺗﻌﺎﻱ ﺍﻛﻠﻲ
- ﻻ ﺳﻴﺪﻱ ﺗﺴﻠﻢ ﺍﻛﻞ ﻭﺣﺪﻙ ﺍﻟﻒ ﻋﺎﻓﻴﻪ ،، ﻭﺍﻋﺬﺭﻧﻲ
ﻳﺠﻮﺯ ﻣﻮ ﻣﻦ ﻣﻘﺎﻣﻚ ﺑﺲ ﻫﺬﺍ ﺍﻟﻜﺪﺭﺗﻠﻪ ﻉ ﺍﻟﺴﺮﻳﻊ
بارت١٢
ﻓﻲ ﻗﻌﺮ ﺍﻟﺴﺠﻮﻥ ﻭﺟﺪﺗُﻨﻲ
.
.
ﻣﺎﻛﻤﻠﺖ ﻛﻼﻣﻲ ﻭﻫﻲ ﺷﻬﻜﺖ ﻭﺣﻄﺖ ﺍﻳﺪﻫﻪ ﻋﻠﻰ ﺣﻠﻜﻬﻪ
ﻭﺍﻟﺪﻣﻮﻉ ﺗﺘﺠﺎﺭﻯ ﻭﻛﺎﻣﺖ ﺗﺮﺟﻒ ﻭﻭﻛﻔﺖ ﺑﻌﻴﺪ ﻋﻨﻲ
ﻭﻛﺎﻟﺖ ..
- ﻻ ﻻ ﻻﺍ ﺍﻧﺘﻪ ﻣﻮ ﻣﺜﻠﻬﻢ ﻻﺍﺍ
ﺭﺍﺣﺖ ﺭﻛﻀﺖ ﻟﻠﻐﺮﻓﻪ ﻭﻗﻔﻠﺖ ﺍﻟﺒﺎﺏ ﻭﺍﺳﻤﻌﻬﻪ ﺗﺒﺠﻲ
ﺑﺤﺮﻛﻪ ﺭﺣﺖ ﻭﺭﺍﻫﺎ ﻭﺩﻛﻴﺖ ﺍﻟﺒﺎﺏ ﻭﻫﻲ ﻣﺎﺗﺮﺩ ﻋﻠﻴﻪ
ﺑﺲ ﺗﺒﺠﻲ ..
- ﻫﺒﻪ ﺍﻓﺘﺤﻲ ﺍﻟﺒﺎﺏ ﻣﺎﺳﻮﻳﻠﺞ ﺷﻲ ﺻﺪﻛﻴﻨﻲ ... ﺍﺣﺎﺟﻴﻴﻴﺞ
ﻫﺒﺒﺒﺒﺒﺒﺒﺒﻪ ﺍﻓﺘﺤﻲ ﻟﺘﺨﻠﻴﻨﻲ ﺍﻓﻘﺪ ﺍﻋﺼﺎﺑﻲ
- ﻣﺎﺍﺍ ﻣﺎﺍ ﻣﺎﻓﺘﺤﻠﻚ ﺭﻭﻭﻭﺡ ﻋﻮﻓﻨﻲ ﻓﺪﻭﺍ ﻋﻮﻭﻭﻭﻓﻨﻲ
- ﻫﺒﻪ ﺩﺍﻛﻠﺞ ﻓﺘﺤﻲ ﺧﻠﻲ ﺍﺗﻔﺎﻫﻢ ﻭﻳﺎﺝ ﻣﺎﺫﻳﺞ ﺷﺒﻴﻴﻴﺞ
ﻫﺒﺒﺒﺒﺒﺒﺒﻪ ﻭﻳﺎﺍﺍﺍﻣﻦ ﺩﺍﺍﺣﺠﻲ ﺍﻓﺘﺤﺤﺤﺤﺤﺤﺤﻴﻴﻴﻴﻴﻴﻲ
ﺿﺮﺑﺖ ﺍﻟﺒﺎﺏ ﺑﻘﻮﻩ ﺑﺎﻳﺪﻱ ﻭﻫﻲ ﻋﺎﻃﺖ
- ﻛﺘﻠﺞ ﺍﻓﺘﺤﺤﻲ ﺍﻟﺒﺎﺏ
ﻣﺎﻛﻮ ﺻﻮﺗﻬﺎ ﺍﺧﺘﻔﻰ ﺭﺟﻌﺖ ﺍﺩﻙ ﻭﺍﺻﻴﺢ ﻭﻣﺎﻛﻮ ﻛﻠﺖ
ﺑﺲ ﻻ ﺻﺎﺭ ﺑﻴﻬﻪ ﻣﺜﻞ ﻫﺬﻳﺞ ﺍﻟﻤﺮﻩ
ﺭﺟﻌﺖ ﺍﺩﻙ ﺑﺎﻟﺒﺎﺏ ﻭﻣﺎﻛﻮ ﺍﻱ ﺻﻮﺕ .. ﻗﺮﺭﺕ ﺍﻛﺴﺮﻩ
ﻭﺩﻓﺮﺗﻪ ﺩﻓﺮﺗﻴﻦ ﺍﻟﺜﺎﻟﺜﻪ ﺍﻧﻔﺘﺢ ..
ﻭﻛﻔﺖ ﻣﺼﺪﻭﻡ ﻛﺪﺍﻣﻬﻪ ﻭﻫﻲ ﻣﺜﻞ ﺍﻟﻮﺭﻛﻪ ﺍﻟﺬﺍﺑﻠﻪ ﻋﻠﻰ
ﺍﻟﻜﺎﻉ ﻣﺸﻤﻮﺭﻩ .. ﺭﺣﺖ ﺷﻠﺘﻬﻪ ﻭﺣﻄﻴﺘﻬﻪ ﻉ ﺍﻟﺴﺮﻳﺮ
ﻭﺭﺣﺖ ﺟﺒﺖ ﻋﺼﻴﺮ ﻭﺷﻜﺮ ﻭﺣﻄﻴﺘﻪ ﺑﺤﻠﻜﻬﻪ ﻭﺿﻠﻴﺖ
ﺍﻓﺮﻙ ﺑﺎﻳﺪﻫﻪ ﻭﻫﻲ ﻓﺎﻗﺪﻩ ... ﺭﺟﻌﺖ ﺷﺮﺑﺘﻬﻪ ﻋﺼﻴﺮ
ﺑﻠﻌﺘﻪ ﺑﺲ ﻣﺎﻛﻌﺪﺕ ﻋﻔﺘﻬﻪ ﻋﻠﻰ ﻫﺎﻟﻨﻮﻣﻪ ﻭﻛﻤﺖ ﺿﻠﻴﺖ
ﺍﻟﻮﺏ ﺍﺭﻭﺡ ﻭﺍﺟﻲ ﺑﺎﻟﻐﺮﻓﻪ ﺍﻓﺘﺮ ﻣﻨﺎ ﻭﻣﻨﺎ ﻭﺍﻓﺮﻙ ﺑﻮﺟﻬﻲ
ﺍﺭﻳﺪ ﺷﻲ ﻳﻮﺧﺮ ﻫﺎﻻﻋﺼﺎﺍﺍﺏ ﻣﺎﻛﻮ
ﺷﻔﺘﻬﻪ ﺗﺤﺮﻛﺖ ﻭﻓﺘﺤﺖ ﻋﻴﻮﻧﻬﻪ ﻟﻜﺘﻨﻲ ﻓﻮﻙ ﺭﺍﺳﻬﺎ
ﺭﺃﺳﺎً ﻭﺧﺮﺕ ﻭﻏﻄﺖ ﻭﺟﻬﻬﺎ ﻭﻛﺎﻟﺖ ..
- ﻋﻮﻓﻨﻲ ﻭﺍﻟﻠﻪ ﺍﻃﻠﻊ ﻣﻦ ﺍﻟﺸﻘﻪ ﻫﺴﻪ ﻭﻣﺎﺷﻮﻓﻚ ﻭﺟﻬﻲ
ﺑﻌﺪ ﻭﺍﻟﻠﻪ ﻛﻠﺸﻲ ﻣﺎﺭﻳﺪ ﻻ ﺑﻴﺖ ﻭﻻ ﺷﻐﻞ ﻭﺍﻟﻠﻪ ﻣﺎﺭﻳﺪ
- ﺍﻫﺪﺋﻲ ﻭ ﻭﺧﺮﻱ ﺍﻳﺪﺝ ،،، ﺷﺪﺩﺍﺣﺠﻲ ﻫﺒﺒﺒﻪ ﻫﺎﻱ ﻣﻦ
ﺷﻮﻛﺖ ﺻﺎﻳﺮﻩ ﺗﻌﺎﻧﺪﻳﻦ ﺷﻮ ﺍﺭﻓﻌﻲ ﺭﺍﺳﺞ ﺩﺷﻮﻑ
ﺭﻓﻌﺖ ﺭﺍﺳﻬﻪ ﻭﺗﺒﺎﻭﻋﻠﻲ ﺑﺤﺬﺭ .. ﻭﺍﻧﻲ ﻭﺍﻛﻒ ﻭﻣﺨﻠﻲ
ﺍﻳﺪﻱ ﻭﺭﻩ ﻇﻬﺮﻱ ﻭﻛﺘﻠﻬﻪ ..
- ﺑﻠﻪ ﻫﺬﺍ ﻋﻘﻠﺞ ﺍﻟﻤﺠﻴﻢ ﺷﻮﻛﺖ ﺗﺸﻐﻠﻲ .. ﻳﻌﻨﻲ ﺍﻧﺘﻲ
ﺷﺒﻴﺞ ﺧﺒﻠﻪ ﺍﻧﺘﻲ ﺧﺒﻠﻪ .. ﻟﻮ ﺍﺭﻳﺪ ﻫﺎﻟﺴﻮﺍﻟﻒ ﺍﻛﻌﺪ ﺍﺧﺬ
ﺭﺃﻳﺞ ﻣﺜﻼً ﺟﺎﻥ ﺳﻮﻳﺖ ﺍﻟﻒ ﻃﺮﻳﻘﻪ ﻭﺍﺧﺬ ﺍﻟﻲ ﺍﺭﻳﺪﻩ
ﺑﺮﺃﻳﺞ ﻫﺬﺍ ﻣﻨﻈﺮ ﻭﺍﺣﺪ ﻣﻐﺘﺼﺐ ﻭﻛﺎﻋﺪ ﻫﻴﺞ ﺗﺒﺎﻭﻋﻴﻠﻲﺀ
ﻭﺧﻠﻴﺘﻴﻨﻲ ﺍﻛﺴﺮ ﺑﺎﺏ ﻏﺮﻓﺘﻲ ﻣﻦ ﺧﻮﻓﻲ ﻋﻠﻴﺞ ﻳﺎﺛﻮﻟﻪ
- ﻫﺎ
- ﻭﺟﻌﺎﺍ ﻟﺘﺼﻴﺮﻳﻦ ﻏﺒﻴﻪ ﺍﻓﻬﻤﻲ .. ﺍﻧﻲ ﻣﺤﻘﻖ ﺷﻨﻮﻭﻭﻭ
ﻣﺤﻘﻖ ﺗﻔﻬﻤﻴﻦ ﻟﻮ ﺍﻓﻬﻤﺞ ﻳﻌﻨﻲ ﺷﻨﻮ .. ﺍﺩﺭﻱ ﻣﺘﻔﻬﻤﻴﻦ
ﻓﺨﻠﻲ ﺑﺎﻟﺞ ﺍﻧﻲ ﺑﺤﻜﻢ ﺷﻐﻠﻲ ﻣﺎﺍﺛﻖ ﻫﺎﻱ ﻭﺣﺪﻩ .. ﺍﺛﻨﻴﻦ
ﺍﻧﻲ ﺍﺧﺘﺒﺮ ﺍﻟﻤﻘﺎﺑﻞ ﺣﺘﻰ ﺍﻋﺮﻑ ﻃﻴﻨﺘﻪ ﻭﺗﺒﻴﻨﻠﻲ ﺍﻧﺞ
ﺍﺛﻮﻝ ﻣﻦ ﺍﻟﺜﻮﻝ ﻭﺑﻨﻴﻪ ﻓﺎﻫﻴﻪ .. ﺍﻧﻲ ﺭﺩﺕ ﺍﺷﻮﻑ ﺍﻟﺴﺠﻦ
ﻏﻴﺮﺝ !! ﺳﻮﺍﺝ ﻣﺜﻞ ﺍﻟﻲ ﺧﻠﻴﺘﺞ ﻭﻳﺎﻫﻦ ؟؟ ﺻﺮﺗﻲ
ﺻﺎﺣﺒﻪ ﺧﺒﺮﻩ ﺑﺎﻟﺴﻮﺍﻟﻒ ﺍﻟﻤﻜﺴﺮﻩ .. ﻟﻮ ﺑﻘﻴﺘﻲ ﻫﺒﻪ
ﺍﻟﻲ ﺭﺩﺗﻲ ﺗﺤﺎﻓﻈﻴﻦ ﻋﻠﻴﻬﻪ ؟؟؟؟
- ﻭﻫﺴﻪ ﺍﻧﻲ ﺷﻨﻮ
- ﺩﺷﻮﻑ ﺑﻠﻪ ﻭﻳﻜﻠﻚ ﻟﻴﺶ ﺗﻄﻠﻊ ﻋﻦ ﻃﻮﺭﻙ .. ﻟﺞ ﻫﻮ
ﻫﺬﺍ ﺳﺆﺍﻟﺞ ﻭﺣﺪﻩ ﻳﻜﻔﻲ .. ﺻﺪﻛﺘﻲ ﻣﻦ ﻛﻠﺘﻲ ﺍﻧﻲ ﺣﺘﻰ
ﺭﺩ ﻋﻠﻰ ﺍﻟﺤﺠﻲ ﺍﻟﻤﻮﺯﻳﻦ ﻣﺎﻋﺮﻑ ﺍﺭﺩ
- ﺍﻱ
- ﻫﺒﻪ ﻳﺎﺑﻪ ﺍﺳﻤﻌﻴﻨﻲ ﺍﻧﻲ ﺭﺍﻳﺪ ﺍﺑﻘﻴﺞ ﻫﻨﺎ ﻭﺍﻟﻲ ﺣﺠﻴﺘﻪ
ﻛﻠﻪ ﺣﺘﻰ ﺍﺧﺘﺒﺮﺝ ﻭﺍﺷﻮﻓﺞ ﺗﺴﺘﺎﻫﻠﻴﻦ ﺍﺻﻴﺮ ﺯﻳﻦ ﻭﻳﺎﺝ
ﺗﺴﺘﺎﻫﻠﻴﻦ ﺃﺍﻣﻨﺞ ﻋﻠﻰ ﺑﻴﺘﻲ .. ﻭﺛﻮﻟﺞ ﻭﻭﻛﻌﺘﺞ ﻛﻔﺖ ﻭﻭﻓﺖ
ﺛﺒﺘﻴﻠﻲ ﺍﻥ ﺑﻌﺪﺝ ﺧﺎﻡ ﺍﺑﻴﺾ ﻭﺣﺮﺍﻡ ﺗﻀﻴﻌﻴﻦ ﺑﺎﻟﺸﻮﺍﺭﻉ
ﻭﺗﺎﻟﻲ ﻣﺘﺎﻟﻲ ﻏﺼﺒﺎً ﻣﺎﻋﻠﻴﺞ ﺗﻀﻴﻌﻴﻦ ﺍﻟﺘﻌﺒﺘﻲ ﻋﻠﻴﻪ ﻛﻠﻪ
- ﻳﻌﻨﻲ ﻫﺴﻪ ﺍﻧﺘﻪ ﻣﻮ ﻣﺜﻠﻬﻢ ﻣﻮ
- ﺑﻜﻴﻔﺞ ﺍﻧﺘﻲ ﺷﺘﺸﻮﻓﻴﻦ
- ﺍﻧﺘﻪ ﺣﺒﺎﺏ ،، ﺍﻗﺼﺪ ﺯﻳﻦ ،، ﺍﻧﻲ ﻭﻳﻦ ﺍﺭﻭﺡ ﻫﺴﻪ
- ﺍﺭﺟﻌﻲ ﻧﺎﻣﻲ ﺍﺣﺴﻨﻠﺞ
- ﻻ ﻻ ﻻﺯﻡ ﺍﻃﻠﻊ ﺧﺎﻑ ﺗﻀﻠﻢ
- ﺍﻟﻠﻪ ﺍﻻﻛﺒﺮ ﻟﺞ ﺷﻬﺎﻟﺪﻣﺎﻍ ﻟﺨﺎﻃﺮ ﻣﺤﻤﺪ .. ﺍﻱ ﻣﻮ ﻛﺘﻠﺞ
ﺍﺑﻘﻴﺞ ﻫﻨﺎ ﻣﻮ ﺻﺎﺭﻟﻲ ﺳﺎﻋﻪ ﺷﺴﺮﺑﺖ ﻟﻌﺪ
- ﻻ ﻳﻌﻨﻲ ﺻﺪﻙ ﺗﺤﺠﻲ
- ﺍﻱ ﺻﺪﻙ ﺻﺪﻙ
- ﺯﻳﻦ ﻟﻴﺶ ﻳﻌﻨﻲ ﻫﻴﺢ ﺑﺪﻭﻥ ﻣﻘﺎﺑﻞ ﻭﻻ ﺷﻲ ﺑﺲ ﻫﻴﺞ
- ﺍﻱ ﺑﺲ ﻫﻴﺞ
- ﻭﺷﺴﻮﻱ ﻫﻨﺎ ﺍﻧﻲ ﺷﻠﻮﻥ ﻣﻮ ﻫﻮ ﺑﻴﺘﻚ ﺍﻧﻲ ﺑﺼﻔﺘﻲ ﺷﻨﻮ
ﺍﻛﻌﺪ ﻫﻨﺎ ﻭﺗﺮﻩ ﻣﺎﻋﻨﺪﻱ ﻓﻠﻮﺱ ﻣﺎﻝ ﺍﻳﺠﺎﺭ ﺍﻭ ﺷﻲ ﻭﺍﻟﻠﻪ
- ﻫﻬﻬﻬﻬﻬﻪ ﺍﺍﺍﺍﺥ ﻳﺎﺑﻮﻳﻪ ﻳﺎ ﺷﻼﻉ ﻛﻠﺒﻲ ﻳﺎﺍﺑﻮﻳﻪ
ﻟﺞ ﻫﺴﻪ ﺍﻧﻲ ﻋﺎﺗﺐ ﻋﻠﻴﺞ ﺭﺍﻳﺪ ﻣﻦ ﻓﻠﻮﺳﺞ ﻟﺞ ﻻﺗﺨﻠﻴﻨﻲ
ﺍﺻﺐ ﻧﺎﺭ ﺍﻟﻠﻪ ﺑﻴﺞ ﺍﻛﻌﺪﻱ ﻭﺳﻜﺘﻲ .. ﻣﻮ ﺗﻌﺮﻓﻴﻦ ﺗﻄﺒﺨﻴﻦ
- ﺍﻱ ﺍﻋﺮﻑ
- ﻭﺗﻨﻈﻔﻴﻦ ﻭﺗﻐﺴﻠﻴﻦ ﻣﻼﺑﺲ
- ﺍﻱ ﺍﻱ
- ﺍﻱ ﺳﻮﻳﻬﻦ ﻛﻞ ﻳﻮﻣﻴﻪ ﻭﻛﺎﻓﻲ ﻣﺎﺭﻳﺪ ﺷﻲ ﺑﻌﺪ
- ﻭﻟﺸﻮﻛﺖ ﻫﻴﺞ ﺍﺑﻘﻰ
- ﻟﺤﺪ ﻣﺎ ﺍﻟﻠﻪ ﻳﻔﺮﺟﻬﻪ ﻫﺴﻪ ﺷﻤﺪﺭﻳﻨﻲ ﻟﺸﻮﻛﺖ .. ﻫﺒﻪ
ﺍﻧﻲ ﺍﺫﺍ ﺍﺑﻘﻰ ﺑﻌﺪ ﺩﻗﻴﻘﻪ ﻟﻮ ﺍﻧﺠﻠﻂ ﻟﻮ ﺍﺷﻚ ﻫﺪﻭﻣﻲ
ﺷﺘﺴﻮﻳﻦ ﺳﻮﻱ
ﻋﻔﺘﻬﻪ ﻭﻃﻠﻌﺖ ﻛﻌﺪﺕ ﺑﺎﻻﺳﺘﻘﺒﺎﻝ .. ﻳﺎ ﺑﻮﻳﻪ ﺷﻠﻮﻥ
ﺩﻣﺎﻍ ﺍﺩﺭﻱ ﺍﺳﺘﻴﻌﺎﺏ ﻣﺎﻛﻮﻭ ﺍﺟﺎﻭﺑﻬﻪ ﻣﺜﻞ ﺍﻟﺠﻬﺎﻝ
ﻣﻦ ﻃﻠﺢ ﺣﻀﺞ ﻋﻠﻰ ﻫﺎﻟﻌﻘﻞ ﺍﻟﺸﺎﻳﻠﺘﻪ ..
ﺟﺮﻳﺖ ﺍﻟﻤﺨﺪﻩ ﻭﻏﻄﻴﺖ ﺭﺍﺳﻲ ﻭﺍﺧﺬﺗﻠﻲ ﻏﻔﻮﻩ ..
ﺳﻄﺮﺗﻨﻲ ﺍﻟﻤﻠﻌﻮﻧﻪ ..
ﺣﺴﻴﺖ ﻋﻠﻰ ﺍﺣﺪ ﻳﻤﻲ ﻓﺘﺤﺖ ﻋﻴﻮﻧﻲ ﺑﺴﺮﻋﻪ ﻭﻟﻜﻴﺘﻬﻪ
ﺩﺗﻐﻄﻴﻨﻲ .. ﺍﻧﻲ ﺟﺮﻳﺖ ﺍﻟﻐﻄﻪ ﺍﻛﺜﺮ ﻭﻏﻄﻴﺖ ﺭﺍﺳﻲ
ﻭﺍﻧﺪﺍﺭﻳﺖ ﻭﻛﻤﻠﺖ ﺍﻟﻨﻮﻣﻪ ...
ﻛﻌﺪﺕ ﻋﻠﻰ ﺻﻮﺗﻬﻪ ﻭﻫﻲ ﺗﺼﻴﺤﻠﻲ ..
- ﺳﻴﺪﻱ ﺳﻴﺪﺩﺩﻱ
- ﻫﺎﺍﺍﺍﺍﺍ
- ﺍﻛﻌﺪ ﻣﻴﺼﻴﺮ ﺑﻌﺪ ﻧﻮﻡ
- ﻟﻴﻴﺶ
- ﻭﻛﺖ ﺍﻟﻤﻐﺮﺑﻴﻪ ﻫﺴﻪ
ﺍﻧﺪﺍﺭﻳﺖ ﻭﺑﺎﻭﻋﺖ ﻉ ﺍﻟﺴﺎﻋﻪ ﺏ ٦ ﻭﻧﺺ .. ﺻﺮﺕ
ﺍﻣﺪﺩ ﺑﺠﺴﻤﻲ ﻭﻛﻌﺪﺕ ﻭﺍﻧﻲ ﺍﻓﺮﻙ ﺑﻌﻴﻮﻧﻲ ﻭﺍﺭﺗﺐ
ﺷﻌﺮﻱ .. ﺟﺎﻥ ﺗﺴﺄﻟﻨﻲ ..
- ﺳﻴﺪﻱ ﻣﺎﻛﻮ ﻓﺪ ﺗﺮﺑﻪ ﻫﻨﺎ ؟؟
ﺍﺟﺎﻧﻲ ﺳﺆﺍﻟﻬﻪ ﻣﺜﻞ ﺍﻟﺼﺎﻋﻘﻪ ﻋﻠﻰ ﺭﺍﺳﻲ ﺻﻔﻨﺖ ﺑﻮﺟﻬﻪ
ﻭﺣﺮﺕ ﺷﺠﺎﻭﺑﻬﻪ ..
- ﺩﻭﺭﻱ ﻣﺎﺩﺭﻱ ﻭﻳﻨﻬﻦ
- ﻣﺎﺷﻲ
ﺿﻠﺖ ﺗﺤﻮﻡ ﺗﻜﻠﺐ ﺑﻜﻞ ﻣﻜﺎﻥ .. ﻭﺍﻧﻲ ﺑﻌﺪﻧﻲ ﻋﻠﻰ ﻛﻌﺪﺗﻲ
ﻭﺻﺤﺘﻠﻬﻪ ..
- ﻫﺒﺒﺒﺒﻪ ﺷﺒﻴﺞ ﻧﺒﺸﺘﻲ ﺍﻟﻤﻜﺎﻥ
- ﺳﻴﺪﻱ ﻳﻌﻨﻲ ﺷﻠﻮﻥ ﻭﺍﺣﺪ ﻳﺼﻠﻲ ﻫﺴﻪ ﺍﺫﺍ ﻣﺎﻛﻮ ﺗﺮﺑﻪ
- ﺍﻱ ﻻ ﺗﺼﻠﻴﻦ
ﻛﻠﺘﻬﻪ ﻭﺍﻧﻲ ﺍﻣﺸﻲ ﻟﻠﻤﻐﺴﻠﻪ ﻭﻫﻲ ﻓﺘﺤﺖ ﺣﻠﻜﻬﻪ ﻭﺻﻔﻨﺖ
- ﺷﺒﻴﻴﺞ
- ﺷﻠﻮﻥ ﺷﻠﻮﻭﻭﻥ ﻳﻌﻨﻲ ﺍﺫﺍ ﻣﺎﺍﺻﻠﻲ ﺷﻜﻮ ﻋﺎﻳﺸﻪ
- ﻫﺴﻪ ﻗﺎﺑﻞ ﺗﻤﻮﺗﻴﻦ ﻳﻌﻨﻲ ﺍﺫﺍ ﻣﺼﻠﻴﺘﻲ
- ﻫﻮ ﺍﺫﺍ ﺍﻧﻲ ﺑﻌﻴﺪﻩ ﻋﻦ ﺭﺑﻲ ﺍﻛﻴﺪ ﻣﻴﺘﻪ ﻻﻥ ﺍﻟﺤﻴﺎﻩ ﻫﻮ
ﻛﺎﻟﻬﺎ ﺳﺒﺤﺎﻧﻪ .. ﻛﺎﻝ ﺧﻠﻘﺘﻬﻢ ﻟﻴﻌﺒﺪﻭﻧﻲ .. ﺍﺫﺍ ﻣﺎﺍﻋﺒﺪﻩ
ﺷﻜﻮ ﺩﺍﺍﻋﻴﺶ ﻭﻭﻳﻦ ﺍﻟﺤﻴﺎﻩ !!
- ﺭﺍﺡ ﺍﻧﺰﻝ ﺍﺟﻴﺒﻠﺞ
ﻋﻔﺘﻬﻪ ﻭﻧﺰﻟﺖ ﻟﻠﻤﺤﻞ .. ﻭﻛﻼﻣﻬﻪ ﺑﺎﻟﻲ .. ﻳﻌﻨﻲ ﻣﻌﻘﻮﻝ
ﺍﻟﺤﻴﺎﻩ ﺑﺎﻟﺼﻼﻩ ﻫﻴﺞ ﺯﻳﻨﻪ ﻭﺣﻠﻮﻩ ﻣﺜﻞ ﻣﺪﺗﻮﺻﻔﻬﻪ !!
ﻃﻠﺒﺖ ﻣﻦ ﺍﺑﻮ ﺍﻟﻤﺤﻞ ﺗﺮﺏ ﻭﻣﺎﻛﻮ ﻋﻨﺪﻩ ﻋﺎﺩ ﺍﻧﻄﺎﻧﻲ
ﺗﺮﺑﺘﻪ ﺍﻟﻲ ﻳﺼﻠﻲ ﻋﻠﻴﻬﻪ ﺍﺧﺬﺗﻬﻪ ﻭﻛﻠﺖ ..
- ﻫﺎﻱ ﺣﺘﻰ ﺍﺑﻮ ﺍﻟﻤﺤﻞ ﻫﻢ ﺗﺮﺑﺘﻪ ﻭﻳﺎﻩ !!
ﺻﻌﺪﺕ ﺍﻧﻄﻴﺘﻬﻪ ﻭﺭﺣﺖ ﺷﻐﻠﺖ ﺍﻟﺘﻠﻔﺰﻳﻮﻥ ﻭﺿﻠﻴﺖ
ﺍﻛﻠﺐ ﺑﺎﻟﻘﻨﻮﺍﺕ ﻭﻃﻠﻌﺘﻠﻲ ﻓﻠﻢ ﺍﺟﻨﺒﻲ ﻭﺿﻠﻴﺖ ﺍﺑﺎﻭﻉ
ﺍﺧﺬﻧﻲ ﺍﻟﻮﺍﻫﺲ ﺑﻲ ﻟﺤﺪ ﻣﺎﺣﺴﻴﺖ ﻋﻠﻴﻬﻪ ﻭﻫﻲ ﺗﺤﻂ
ﺻﻴﻨﻴﻪ ﺍﻟﻌﺸﻪ .. ﺑﺎﻭﻋﺘﻠﻬﻪ ﺑﺎﺳﺘﻐﺮﺍﺏ ..
- ﻫﺎﻱ ﺷﻮﻛﺖ ﺳﻮﻳﺘﻲ
- ﻧﺺ ﺣﻀﺮﺗﻪ ﻣﻦ ﺟﻨﺖ ﻧﺎﻳﻢ ﻭﻧﺺ ﻫﺴﻪ ﻛﻤﻠﺘﻪ
ﺻﺎﺭﺕ ﺑﺜﻤﺎﻧﻴﻪ ﻣﺎ ﺣﺐ ﺍﺍﺧﺮ ﺍﻛﻠﻚ
- ﺍﻱ ﺯﻳﻦ ﺗﺴﻮﻳﻦ ﻳﻼ ﺗﻌﺎﻱ ﺍﻛﻠﻲ
- ﺳﻴﺪﻱ ﺑﻨﻔﺴﻲ ﺍﺳﺄﻟﻚ ﺷﻲ ﺑﺲ ﻣﺘﺮﺩﺩﻩ ﻣﺎﺭﻳﺪ ﺍﺧﺮﺏ
ﻣﺰﺍﺟﻚ
ﻫﻮ ﺷﻮﺷﺘﻲ ﺑﻌﺪ ﺑﺴﺆﺍﻟﺞ ﻓﻜﻤﻠﻴﻬﻪ ﻭﺳﺄﻟﻲ
- ﻻﺍ ﻫﺎﻫﻴﻪ ﻧﺄﺟﻠﻪ ﺍﺣﺴﻦ
- ﻻ ﻻ ﺍﺣﺠﻲ ﺭﺍﺡ ﺍﺿﺒﻂ ﺍﻋﺼﺎﺑﻲ ﻻﻥ ﺍﻛﻮ ﺷﻮﺭﺑﻪ
ﻭﺍﻧﻲ ﺍﺣﺒﻬﻪ ﻓﻜﻮﻟﻲ
- ﺍﻧﺘﻪ ﻟﻴﺶ ﻣﺎ ﺗﻀﻮﺝ ﻣﻨﻲ .. ﺭﻏﻢ ﺍﻧﻲ ﻏﺮﻳﺒﻪ ﻭﺟﺎﻳﻪ
ﻣﻦ ﻣﻜﺎﻥ ﻣﻮ ﺯﻳﻦ ﺑﺲ ﺍﻧﺘﻪ ﺧﻠﻴﺘﻨﻲ ﺍﺳﺘﺨﺪﻡ ﻣﻼﺑﺴﻚ
ﻭﻓﺮﺍﺷﻚ ﻭﺣﺘﻰ ﺷﺎﺭﻛﺘﻨﻲ ﺍﻛﻠﻚ ﺑﺪﻭﻥ ﻣﺎ ﺗﻜﺮﻩ ﻫﺎﻟﺸﻲ
ﺻﻔﻨﺖ ﺑﺴﺆﺍﻟﻬﻪ ﻭﺻﺤﻴﺢ ﺍﻧﻲ ﻣﺎ ﺍﺷﺎﺭﻙ ﺍﻛﻠﻲ ﻭﺧﺼﻮﺻﻴﺎﺗﻲ ﻭﻳﻪ ﺍﺣﺪ ﺍﻻ ﺭﻧﺎ ﻗﺒﻞ ﺑﺤﻜﻤﻪ ﺯﻭﺟﺘﻲ
ﺑﺲ ﺍﻟﻐﺮﻳﺐ ﺍﺑﺪ ﻛﻠﻬﻢ ﺗﻠﻌﺐ ﻧﻔﺴﻲ ﻣﻨﻬﻢ ﻭﺍﺭﻭﺡ ﺑﺮﺍﻫﻢ
ﺍﻋﻘﻢ ﻭﺍﻏﺴﻞ
- ﺍﻛﻮﻥ ﺻﺮﻳﺢ ﻭﻳﺎﺝ .. ﺍﻧﻲ ﻣﺎﻣﺴﻮﻳﻬﻪ ﻗﺒﻞ ﺑﺲ
ﻫﺴﻪ ﻟﻴﺶ ﻭﺷﻨﻮ ﺍﻟﺴﺒﺐ ﺑﺎﻟﺬﺍﺕ ﻣﺎﺩﺭﻱ .. ﻳﺠﻮﺯ
ﻻﻧﺞ ﺑﻨﻴﻪ ﻧﻈﻴﻔﻪ ﺍﻧﻲ ﺍﻛﺮﻩ ﺑﻨﺎﺕ ﺍﻟﺸﻮﺍﺭﻉ ﻭﻟﻮ ﺟﻨﺘﻲ
ﻣﺜﻠﻬﻦ ﺟﺎﻥ ﻟﻌﺒﺖ ﺑﻴﺞ ﻟﻌﺐ ﺑﺲ ﻫﺎﻱ ﺻﻔﻪ ﺑﻴﺞ ﻧﻘﺬﺗﺞ
- ﺷﻜﺮﺍً
- ﻟﻴﺶ ﺷﻜﺮﺍ .
- ﻻﻥ ﺟﺎﻭﺑﺘﻨﻲ ﺑﺪﻭﻥ ﻣﺎﺗﻀﻮﺝ
- ﻫﻬﻪ ﺩﻛﻠﻲ ﺍﻛﻠﻲ ﻭﺍﻟﻠﻪ ﻋﻠﻴﺞ ﻃﻠﻌﺎﺕ ﻳﺎ ﻫﺒﻪ ﻣﺪﺭﻱ
ﺷﻨﻮ ﻃﻴﻨﺘﺞ ﺍﻧﺘﻲ
ﺿﻠﻴﻨﻪ ﻧﺎﻛﻞ ﻭﺍﻧﺪﻣﺠﻨﻪ ﺑﺎﻟﻔﻠﻢ ﻭﺑﺎﻭﻋﺖ ﺍﻟﺼﻴﻨﻴﻪ ﻣﺴﺤﺘﻬﻪ
ﻣﺎﺑﻘﻴﺖ ﺷﻲ ﻭﻫﻲ ﻻﺯﻣﻪ ﺻﻤﻮﻧﻪ ﻭﺻﺎﻓﻨﻪ ﺑﺎﻟﺘﻠﻔﺰﻳﻮﻥ
- ﻟﺞ ﻫﺒﻪ
- ﻫﺎ ﻫﺎ
- ﻣﺘﺎﻛﻠﻴﻦ ﻛﺎﺿﻴﺘﻬﻪ ﺻﻔﻨﻪ
- ﺍﻱ ﻫﺴﻪ
- ﺍﻧﻲ ﻣﻤﺒﻘﻴﻠﻬﻪ ﺷﻲ ﻭﻫﻲ ﻛﻀﺘﻬﻪ ﺧﻴﺎﺭ ﻭﺍﻧﻲ ﻛﺎﻋﺪ
ﻭﺍﺿﺤﻚ ﻋﻠﻴﻬﻪ ﺗﺎﻛﻞ ﻣﻦ ﺧﻮﻓﻬﺎ ﻣﻨﻲ
ﻛﺎﻣﺖ ﺷﺎﻟﺖ ﺍﻟﺼﻴﻨﻴﻪ ﻭﺟﺎﺑﺘﻠﻲ ﺍﻟﺠﺎﻱ ﻭﺭﺍﺣﺖ ﻟﻠﻤﻄﺒﺦ
ﺍﻧﻲ ﺟﺮﻳﺖ ﺍﻟﺘﻠﻔﻮﻥ ﻭﺩﺯﻳﺖ ﺭﺳﺎﻟﻪ ﻟﺮﻧﺎ ..
- ﺍﻧﻄﻲ ﺍﻟﺘﻠﻔﻮﻥ ﻟﺠﻬﺎﺩ ﺍﺭﻳﺪ ﺍﺣﺎﺟﻲ
ﺩﺯﺗﻠﻲ -.. ﻭﺍﻡ ﺟﻬﺎﺩ ﻣﺎﺗﺮﻳﺪﻫﻪ
- ﻣﺎﺗﻨﻌﻴﻠﻲ ﺷﻲ .. ﺗﻨﻄﻴﻨﻪ ﻟﻮ ﺷﻠﻮﻥ
ﺷﻮﻳﻪ ﻭﺍﺟﺎﻧﻲ ﺍﻻﺗﺼﺎﻝ ﻣﻨﻬﻪ ﻓﺘﺤﺖ ﺧﻂ ﻭﻃﻠﻌﻠﻲ ﺻﻮﺕ
ﺟﻬﺎﺩ ﺍﺑﻨﻲ .. ﺟﺎﻭﺑﺘﻪ ﻣﺘﻠﻬﻒ ﻋﻠﻴﻪ ..
ﻭﺿﻠﻴﺖ ﺍﺳﻮﻟﻒ ﻭﻳﺎﻩ ﻭﻫﻮ ﻛﻠﻤﺎﺗﻪ ﻧﺼﻬﻪ ﻫﻨﺪﻱ ﻣﺪﺭﻱ
ﻓﺮﻧﺴﻲ ﻭﻣﺮﺗﻀﻰ ﻣﻜﻀﻴﻬﺎ .. ﻫﺎﺍ ﻭﺍﻟﻮ ﺑﺎﺑﻪ ..
ﺍﺟﺎﻧﻲ ﺻﻮﺕ ﺭﻧﺎ ..
- ﻋﻤﺎﺍﺩ ﺧﻠﻲ ﻧﺤﺠﻲ ﻓﺪﻭﻩ ﺍﺭﻭﺣﻠﻚ
- ﺷﻜﻮ ﺷﻌﻨﺪﺝ
- ﻋﻤﺎﺩ ﻟﺸﻮﻛﺖ ﺍﺿﻞ ﻫﻴﺞ ﻣﻜﺎﻓﻲ ﻫﺎﻱ ﺍﻟﺸﻬﻮﺭ
ﻭﺍﻟﻠﻪ ﻣﺸﺘﺎﻗﺘﻠﻚ ﻭ ..
- ﺧﻠﻲ ﻳﻔﻴﺪﺝ ﻫﺎﻟﺤﺠﻲ .. ﻳﻤﻜﻦ ﺑﺎﺟﺮ ﺍﺩﺯ ﻉ ﺍﻟﺠﻬﺎﻝ
ﺣﻀﺮﻳﻬﻢ .. ﻳﻼﺍ ﻣﻊ ﺍﻟﺴﻼﻣﻪ
ﺳﺪﻳﺖ ﺍﻟﺨﻂ ﺑﻮﺟﻬﻪ .. ﻭﻟﻜﻴﺖ ﻫﺒﻪ ﻭﺍﻛﻔﻪ ﻳﻢ ﺍﻟﺒﺎﺏ
- ﻫﺎ ﺧﻴﺮﺝ
- ﺍﻧﻲ ﻣﺎﺟﻨﺖ ﺍﺗﺼﻨﺖ ﺗﺮﻯ ﺑﺲ ﺩﺍﻛﻮﻟﻚ ﺍﻥ ﺍﻟﺰﺍﻫﻲ
ﻭﺍﻟﺘﺎﻳﺖ ﺧﻠﺼﺎﻧﻴﻦ ﻭﺍﺭﻳﺪ ﺍﻧﻈﻒ ﺍﻟﻤﻄﺒﺦ
- ﺯﻳﻦ ﺯﻳﻦ ﻓﺪ ﺷﻮﻳﻪ ﺍﻧﺰﻝ ﺍﺟﻴﺐ
- ﻣﺎﺷﻲ ﻭ ﻭﻭ ﺟﻼﻓﻪ ﻫﻢ ﺑﺲ ﻫﻴﺞ ﺑﻌﺪ ﻣﺎﺍﻃﻠﺐ ﺷﻲ ﻭﺍﻟﻠﻪ
ﻛﺎﻟﺘﻬﻪ ﻭﺭﺍﺣﺖ ﺭﻛﻀﻪ ﻟﻠﻤﻄﺒﺦ .. ﺿﺤﻜﺖ ﻋﻠﻴﻬﻪ
ﻫﺎﻱ ﻫﻴﺞ ﺍﻧﻲ ﺍﺧﻮﻑ ﺣﺘﻰ ﺑﺎﻟﺠﻼﻓﻪ ﺗﺨﺎﻑ !!
ﻧﺰﻟﺖ ﻟﻠﻤﺤﻞ ﻭﺍﺷﺘﺮﻳﺘﻬﻦ ﻭﺍﺧﺬﺕ ﻛﺮﺯﺍﺕ ﻭﺷﻐﻼﺕ
ﺗﻌﻠﻮﻟﻪ ﻭﻛﻴﻤﺮ ﻭﻣﺮﺑﻰ ﻟﻠﺮﻳﻮﻙ ﻭﺻﻌﺪﺕ ..
ﺍﻭﻝ ﻣﺎﻓﺘﺤﺖ ﺍﻟﺒﺎﺏ ﺍﺟﺘﻲ ﺍﺧﺬﺕ ﻣﻨﻲ ﺍﻟﻌﻼﻛﻪ
ﻭﻛﺎﻟﺖ ..
- ﻫﺬﻧﻲ ﺭﺍﺡ ﺍﺑﻘﻴﻬﻦ ﺍﻟﻚ ﻫﻨﺎ ﻻﻥ ﺑﺎﻟﻤﻄﺒﺦ ﺩﺍﺍﻧﻈﻒ
- ﻣﺎﺷﻲ ﺧﻠﻴﻬﻦ ﻉ ﺍﻟﻄﺒﻠﻪ ﻭﺭﻭﺣﻲ ﻛﻤﻠﻲ ﺷﻐﻠﺞ
- ﻣﺎﺷﻲ
- ﺍﻛﻠﺞ ﻫﺒﻪ
- ﻫﺎ،، ﺍﺍ ﻧﻌﻢ ﺳﻴﺪﻱ
- ﻫﺎﻱ ﺭﺍﺡ ﺗﺸﺘﻐﻠﻴﻦ ﺑﺎﻟﺠﺒﻪ !!
- ﻫﻮ ﺍﻱ ﻳﻌﻨﻲ ﻣﺎﻛﺪﺭ ﺍﻧﺰﻋﻬﻪ
- ﻟﻴﺶ ﻣﺘﻨﺰﻋﻴﻬﻪ ﻣﺴﺘﺤﻴﻪ ﻟﻮ ﺷﻨﻮ
- ﻻ ﺑﺲ ﻫﻴﺞ ﻣﺮﺗﺎﺣﻪ ﻣﺎﺗﺎﺛﺮ ﺑﺸﻐﻠﻲ
- ﺩﻧﺰﻋﻴﻬﻪ ﻣﻦ ﺍﻟﺼﺒﺢ ﻣﻠﻔﻠﻔﻪ ﻧﻔﺴﺞ ﺑﻴﻬﻪ ﻟﺘﺨﺎﻓﻴﻦ ﺑﺎﻟﻲ
ﻣﻮ ﻳﻤﺞ ﺭﺍﺡ ﺍﺿﻞ ﻣﻜﺎﺑﻞ ﺍﻟﺘﻠﻔﺰﻳﻮﻥ ﻣﺎﻟﻲ ﺩﺧﻞ ﺑﻴﺞ
- ﻻ ﻭﺍﻟﻠﻪ ﻣﻮ ﻫﻴﺞ ﺑﺲ ﻣﻮ ﻣﺎﺭﻳﺪ ﻣﻼﺑﺴﻲ ﺍﻟﺠﻮﻩ ﺗﺘﻮﺳﺦ
ﻣﺎﻋﻨﺪﻱ ﻏﻴﺮﻫﻦ .. ﺧﻠﻲ ﺍﻟﺠﺒﻪ ﺍﻛﺪﺭ ﺍﻏﺴﻠﻬﻪ ﺑﺲ ﻫﺬﻧﻲ
ﺷﻠﺒﺲ ﺑﺪﺍﻟﻬﻦ
- ﺑﻜﻴﻔﺞ ﺳﻮﻱ ﺍﻟﻲ ﻳﺮﻳﺤﺞ
ﺭﺣﺖ ﻛﻌﺪﺕ ﻉ ﺍﻟﻘﻨﻔﻪ ﻭﻣﺪﺩ ﺭﺟﻠﻴﻪ ﻉ ﺍﻟﻄﺒﻠﻪ ﻭﻳﻤﻲ
ﺍﻟﻜﺮﺯﺍﺕ ﻭﺍﻟﺒﺒﺴﻲ ﻭﻛﺎﺿﻴﻬﻪ ﺍﻓﻼﻡ ﻣﺪﺭﻱ ﺷﺠﺎﻧﻲ ﺍﻟﻴﻮﻡ
ﻭﻳﺎﻫﻦ .. ﻭﻣﺮﺗﺎﺡ ﺑﺎﻟﻲ ﻣﺎﻛﻮ ﺍﺗﺼﺎﻻﺕ ﻛﻞ ﺷﻮﻳﻪ ..
ﻟﻨﺺ ﺍﻟﻠﻴﻞ ﺍﺟﺘﻲ ﻫﺒﻪ ﻭﻛﺎﻓﻪ ﺭﺩﺍﻧﺎﺗﻬﻪ ﻭﺍﻧﺘﺠﺖ ﻋﻠﻰ ﺍﻟﺒﺎﺏ
ﺑﺘﻌﺐ ..
- ﺳﻴﺪﻱ ﺗﺮﻩ ﻏﺮﻓﺘﻚ ﻫﻢ ﻧﻈﻔﺘﻬﻪ ﺗﻜﺪﺭ ﺗﻨﺎﻡ ﺑﻴﻬﻪ ﺭﺗﺒﺘﻬﻪ
- ﻭﺍﻧﺘﻲ ﻭﻳﻦ ﺗﻨﺎﻣﻴﻦ
- ﺍﻧﻲ ﻫﻨﺎ ﺍﻧﺎﻡ
- ﺯﻳﻦ ﺯﻳﻦ ﺩﺧﻠﻲ ﻳﺨﻠﺺ ﻫﺎﻟﻔﻠﻢ ﻭﺍﻛﻮﻡ
- ﻣﺎﺷﻲ .. ﺭﺍﺡ ﺍﺳﺒﺢ ﻫﺴﻪ
ﺍﺷﺮﺗﻠﻬﻪ ﺗﺮﻭﺡ ﻭﻛﻤﻠﺖ ﺍﻟﻔﻠﻢ ﻭﺭﺣﺖ ﻟﻠﻐﺮﻓﻪ ﻟﻜﻴﺘﻬﻪ ﺗﻠﻤﻊ
ﻭﻛﻠﺸﻲ ﺑﻨﻈﺎﻡ ﻭﻣﺮﺗﺐ ﻓﺘﺤﺖ ﺍﻟﻜﻨﺘﻮﺭ ﺍﻟﻤﻼﺑﺲ ﻣﺼﻔﻄﻪ
ﻭﺍﻟﺰﻱ ﻣﺎﻟﺘﻲ ﻣﻌﻠﻚ ﻭﻧﻈﻴﻒ .. ﺭﺣﺖ ﻟﻠﻤﻄﺒﺦ ﻳﻠﻬﺚ
ﺍﺷﻮﻓﻬﻪ ﻟﻴﺶ ﺷﻜﻠﻬﻪ ﻃﺎﻟﻌﻪ ﻣﻦ ﺣﺮﺏ ﻃﻠﻌﺖ ﻣﺘﻌﺎﺭﻛﻪ
ﻭﻳﻪ ﺍﻟﺴﻴﺮﺍﻣﻴﻚ ﺑﺎﻟﺠﻠﻒ ...
ﺩﺍﺭﺟﻊ ﻟﻠﻐﺮﻓﻪ ﻭﻫﻲ ﻃﻠﻌﺖ ﻣﻦ ﺍﻟﺤﻤﺎﻡ .. ﻫﻢ ﻻﺑﺴﻪ ﺟﺒﺘﻬﻪ
ﻭﺣﺎﻃﻪ ﺍﻟﻤﻨﺸﻔﻪ ﻋﻠﻰ ﺭﺍﺳﻬﻪ ﻋﻘﺪﺕ ﺣﻮﺍﺟﺒﻲ ﻭﺑﺎﻭﻋﺘﻠﻬﻪ
ﻣﻦ ﻓﻮﻙ ﻟﻴﺠﻮﻩ ﻭﺑﻌﺪﻳﻦ ﺍﻧﺘﺒﻬﺖ .. ﺍﻥ ﺭﺟﻠﻬﺎ ﻣﺒﻴﻨﻪ
ﻣﻦ ﺍﻟﻔﺘﺤﻪ ﻣﺎﻝ ﺍﻟﺪﻛﻢ ﺍﻟﺠﻮﻩ ﻳﻌﻨﻲ ﻻﺑﺴﺘﻬﻪ ﻭﺣﺪﻫﻪ
ﺿﺤﻜﺖ ﻭﺭﺣﺖ ﻟﻠﻐﺮﻓﻪ ﺳﺪﻳﺖ ﺍﻟﺒﺎﺏ ﻭﺭﺣﺖ ﺗﻤﺪﺩﺕ
ﻭﻫﻢ ﺭﺟﻌﺖ ﺿﺤﻜﺖ ﻋﻠﻰ ﺣﺎﻟﻬﻪ .. ﻫﺎﻟﺒﻨﻴﻪ ﻭﺣﺪﻫﺎ ﻓﻠﻢ
ﺭﺍﺩﻟﻪ ﻣﻠﻴﻮﻥ ﺳﺎﻋﻪ ﺩﻳﻨﻔﻬﻢ
