Uni
အရာအားလုံးကို အဆက်အသွယ်ဖြတ်ကာ Ommaဝယ်ထားသည့် အပန်းဖြေစံအိမ်လေးသို့ ရောက်နေသည်မှာ တစ်ပတ်ခန့်ပင် ရှိနေပြီဖြစ်သည်။
ဒီအတောအတွင်း သူ့ကိုမည်သူမျှလဲ လာမရှာကြ။လာမရှာအောင်လည်းပဲ သူ Omma ကို သူရှိသည့်နေရာကို မည်သူ့ကိုမျှ မပြောဖို့ မှာထားခဲ့သည်မဟုတ်ပါလား။
အင်တာနက်မှ သတင်းလေးဘာလေးကြည့်ရအောင်လဲ ဖုန်းကပါမလာခဲ့။
သူတစ်ပတ်အတွင်း သူတို့ဖြစ်ခဲ့သည့် ပြသနာကို အများကြီးစဉ်းစားဖြစ်ခဲ့သည်။
ဘာပဲဖြစ်ဖြစ် သူ Sehunnie ကို သဘောကျတာကတော့ အသေအချာပင်။
Sehunnie ကလဲ သူ့ကို သဘောကျသည်ဟု မှတ်ထင်မိသည်။
သို့သော် ဖြစ်ခဲ့သည် ပြသနာကလဲ မျက်နှာလွဲပြု၍မရ။
ထိုနေ့က သူ Sehunnie ကိုရှင်းပြခွင့်မပြုခဲ့မိတာ အတော်လေး နောင်တရမိသည်။
တစ်ပတ်တောင်ကြာသွားပြီ ဆိုတော့ သူ Sehunnie ကို စိတ်ဆိုးနေတာတောင် ပြေချင်သလိုလိုပင် ဖြစ်နေပြီ။
Sehunnie ကို အများကြီးလဲ သတိရနေမိသည်။အဆိုးလေးကတော့ အခါတိုင်းကျ Omma ဆီက လိုချင်တာရှိတိုင်း ကပ်ချွဲပြီးတောင်းနေကျကို အခုကျတော့ သူရှိတဲ့နေရာကို Omma ကို အတင်းမေးပြီးတောင်မလာ။
Sehunnie ကသူ့ကို တကယ်သဘောမကျလို့များလားဟု တွေးမိတော့ ဝမ်းနည်းလာသည်။
သူ Sehunnie ကိုသွားတွေ့သင့်လား..
မဖြစ်ဘူး Kim Junmyeon စိတ်ထိန်းစမ်းပါ....
အာ မထိန်းနိုင်ဘူး သူ Sehunnie ကို အရမ်းသတိရတယ်။တွေ့ချင်တယ်။
ဘာပဲဖြစ်ဖြစ် Sehunnie ကိုသွားတွေ့လို့ အပြစ်ရှိတယ်ဆိုရင်တောင် Oh Sehunကို တစ်ခါလောက်ဖြစ်ဖြစ်တွေ့ပြီး ငရဲသွားပါ့မယ်။
**********
ခန္ဓာကိုယ် တစ်ခုလုံးကို အကျပွပွ၊ဘောင်းဘီပွပွထဲတွင် စုံစုံမြုပ်နေအောင်လုပ်ပြီး သူ Sehunnieတိုက်ခန်းသို့လာခဲ့သည်။
တိုက်ခန်းရောက်တော့ တံခါးက ပိတ်ထားလေသည်။
အခန်း password သိနေသဖြင့် ကိုယ့်ဘာကို ဖွင့်ပြီးဝင်ရန် ဆုံးဖြတ်လိုက်သည်။သို့သော် သူ password များပြောင်းလိုက်ပြီလား။
ကြောက်ကြောက်လန့်လန့်နှင့်ပင် 052291 ဟူ၍ နှိပ်လိုက်သည်။
ဂျောက်!
ဟာ ပွင့်သွားပြီ...
ပျော်လိုက်တာ ခုထိမပြောင်းသေးဘူးပဲ..
ဒါဆို Sehunnie ကသူ့ကို ချစ်သေးတယ်ဆိုတဲ့ သဘောပေါ့နော်.....
အခန်းထဲဝင်လိုက်တော့ ရှုပ်ပွနေသည်ကိုတွေ့ရသည်။
ဆိုဂျူ ပုလင်းခွံတွေ၊ဘီယာဘူးခွံေတွ၊မုန့်အိတ်ခွံအချို့ရယ်၊စာရွက်တွေရယ်။
ပြီးတော့ ဆိုဖာတွေကလဲ မှောက်လို့မှောက်။အိပ်ခန်းထဲဝင်ကြည့်တော့လဲ ခေါင်းအုန်းတွေက အောက်ကျလို့ကျ။
စောင်တွေကလဲ အောက်တွင်ပြန့်ကျဲနေသည်။
Oh Sehun တကယ်ပဲ ဘယ်လိုတွေတောင်ဖြစ်နေတာလဲ။
မသိရင် အသဲကွဲသွားတာ ကိုယ်မဟုတ်ဘဲ သူပင်ဖြစ်နေသလိုလို။
အမြင်မတော်သည်နှင့် စောင်တွေခေါက်ပြီး ခေါင်းအုန်းတွေ သူ့နေရာသူပြန်ထားလိုက်သည်။
အိပ်ခန်းထဲမှာတောင် ဘီယာဘူးခွံတွေ တွေ့နေရသည်။သောက်လက်စ အကျန်ဘူးတွေရော။
Oh Sehun ဘာမှမလုပ်ဘဲ အရက်ပဲသောက်နေတာလား။
ပြန်လာမှတွေ့မယ် နားရွက်ကို နာနာေလးဆွဲပစ်အုန်းမယ်။
အိပ်ခန်းထဲ ရှင်းပြီးသွားသည်နှင့် အပြင်သို့ ထွက်ရှင်းရပြန်သည်။
ကိုယ့်မှာတော့ သူ့ကိုသတိရလို့ စိတ်လျှော့ကာ လိုက်လာပါတယ်ဆို အခုတော့ အမှိုက်ရှင်းဖို့လိုက်လာသလို ဖြစ်နေသည်။
နာရီဝက်လောက်ကြာသွားတော့ အခန်းက ရှင်းသင့်သလောက်ရှင်းသွားပြီဖြစ်သည်။
သူလဲ မောသဖြင့် ဆိုဖာပေါ်တွင်လှဲလိုက်သည်။
Sehunnie ကလဲ အခုထိပြန်မလာသေး။
တိုက်ခန်းမလာပဲ အိမ်များပြန်သွားတာလား။
drama ပြနေဆဲချိန်ဖြစ်သဖြင့် Sehunnie လဲ အလုပ်ရှုပ်နေပေလိမ့်မည်။
dating news ကိစ္စရော ဘယ်လိုဖြစ်သွားပြီလဲမသိ။
သိချင်သော်လဲ သိလဲမသိရဲပြန်။
အတည်သာဆို....
စိတ်ညစ်ညစ်နှင့် Sehunnie ကုတင်ပေါ်တွင်သာ အိပ်ရင်းစောင့်ရန် ဆုံးဖြတ်လိုက်ပြီး အိပ်ခန်းထဲသို့ဝင်ခဲ့သည်။
