The writer: Anosha Alriany✍🏻
#عكس_تيار✨
حلقه 4
خشيت ومزال مارفعت عيوني فيه قدمتله
انا بصوت واطي..تفضل
ايهم..احم زيد فضلك
كنت حاسه بنضراته فيا قدمت لعزو وقمعزت تلاه
عزو..خوذو راحتكم
طلع عزو وانا مزالت منزله راسي وساكته
أيهم..ميس كيف حالك
انا هنا رفعت راسي وبحتت فيه وقعدت نبحت فيه وساكته
أيهم ضحك بشويا ضحكه بسيطه وحط ايده ع لحيته..شن قصتك ماقالوليش انك بكوشه
انا بصوت واطي..انا تمام وانت كيف حالك
أيهم..الحمدالله؛
قعدت ساكته وشابكه ايديا بعضهن ونعصر فيهن
أيهم..احم باه شن شروطك
انا بحتت فيه..احكى انت قبل
أيهم..كان تبي تكملي تعليمك انا مش معارض معارض ع حاجه وحده والي هيا شغل والبس حتى هو مش فارض عليك عبايا بس لبس طويل وكيف ماتعرفي انا شقتي فوق هلي كان قالولك الحمدالله شقه كامله ناقصها بس بنت الحلال وطبعاً انا نشتغل ف مصرف وعندي محل لروحي الحمدالله مستوره
طول ماهو يحكي وانا نسمع ونهز ف راسي
أيهم..وانتي شن شروطك
انا..كنت شارطه قريتي بس انت مش معارض
أيهم..نحن هكي متفقين تمام يعني
انا جيت بنصبي
أيهم..كان صار نصيب انا مانبيش نطول ف عرس يعني بعد امتحاناتك ف عطله نص سنه
انا..اه كيف مافيش وقت
أيهم..يعني نفهم من كلامك موافقه
انا سكتت
أيهم..باه تمام
صبيت طلعت وخشله عزو اول ماخشيت
رشا..شن صار
رحاب..شن شكله سمح ولاشين
ريهام..شن قال شن قال
رحاب..لا شن شكله قبل
رشا..تي احكي
انا قمعزت ع كرسي و ابتسمت
رشا..عن جد وجك احكي
انا..شكله يابنات باين راجل بكل يهبل عررريض وطويل شويا مش بكل بكل شعره اسود وهكي ف لون كستنائي ولحيته نفس شي مرسومه رسم عيونه كبااار ورموشه كثيفات وخشمه واقف هكي كيف نوصفه حاد وحواجبه مرسومات بس باين ع وجه جديا هكي
رحاب..محلاه شكله حلو
ريهام..شن قالك
رشا..يعني هو احلى منك
انا قعدت نحكيلهن شن صار معايا
ريهام..وانتي شنو
خشت علينا ماما
ماما..ها بشريني خوك عاحبه ويشكر فيه
انا..موافقه
ريهام..لوووووووولللييييي
انا..راجي شن يرد
ماما..موافق قالها لخوك
انا..بسرعه هذي
ماما..راجل قال مستعجل
عزو خش علينا مبتسم..ها شنو
ماما..عطيه موافقه بكرا
عزو..مبروك ان شاء الله بهناك
انا تحشمت وخشيت لدار
ريهام..ههه توا انا نجيب منها اخبار
خشت عليا ريهام
ريهام..ها شنو ميسو متريحه وعاجبك موضوع
انا..ريهام خايفه نندم
ريهام..وليش تندمي
انا..هكي حسيته يخوف
ريهام..من اي ناحيه
انا..شخصيته وملامحه جديا خايفه والله صاح متريحه بس خايفه واجد
ريهام..بعدين أيهم كبير واكيده عاقل يعني هو مش تصرفاته تصرفات مراهق
انا..وحتى فرق بينا واجد
ريهام..مش واجد بالعكس فرق حلو بينكم والله في حاجات انتي مش عارفتيهن مزالتي صغيره لازم تعرفي كيف تكسبيه لكي كيف تمصي غضبه كيف تهديه كيف تخليه يحبك حاجات واجده لازم انتي تعرفيهن قبل لا تجوزي أيهم
انا..كيف نعرفهن انا
ريهام..اول حاجه انتي تمام موافقه كل شي تمام
انا ابتسمت..تمام؛؛بس ياهوما قال يبي عرس توا
ريهام..مزال ف وقت شهر قدامنا قاعده انا ورشا وماما ورحاب غير تكملن امتحانات وماتكوني الا راضيه
انا تنهدت..خفت من توا
ريهام..اسمعي كلامي بس انتي؛؛خلاص نمشي نشوفهن برا ونخليك تقري
انا..تمام باه"
