Heeey✨✨
وليد:صح 😣 نرمال نشوفلك محامي شاطر والسيد مادامو عايش ماش راح تكون العقوبة كبيرة بالصح لازم تكون قضية دفاع عن النفس وتتحبس مدة عام ولا ست شهور ونتا رتاحت
مهدي:تعجبني مين تخمم بمخك
وليد:وي الواحد لازم يخمم بمخو ماش قلبو
مهدي:يااودي نتا تخمم بترمتك ماش بقلبك
وليد:صحا وصفاء
مهدي:اليوم خطبتها ههه
وليد:وتخليها
مهدي:راح نرجعلها راهي تاعي دوك واحد مايديها عليا مين نرجع نتزوجها العرس ومانديروش نديها ديراكث
وليد:مپريسي لدرجة ماديرش العرس
مهدي:نڨسر ندير عرس نعرض ليه الدنيا الكل حتى القطوطة والكلااب عرس الدزاير كاامل تسمع بيه نتاا مريييض راني حفيت باه حطيتلها الخاتم هاذاااك
وليد:جرجرتك تجرجيرة صحيحة
مهدي:والله
بعد مرور يوم:
بعد المغرب قاعد مع صحابو تحت نفس الشجرة يتفكر فالأيام الزينة مطلع راسو للبالكون ويتبسم وصحابو يضحكو عليه سمع صوت محالو التبسيمة صوت طوموبيل لابوبيس دور وليد شاف فيه بالزربة لقاه ناض وحط الكاسكاط وفوقها الكاپيش
ياسين:واش صاري مهدي
وليد:ابري نحكيلكم
مهدي:محتاجكم فحاجة للمرة اللخرة
كمال:يالرب واش صااري
مهدي:عاونوني نطلع عل البالكون
ناضو بلا مايكترو الهدرة حطولو يديهم باه يطلع عليهم دخل للبالكون ودور ليهم
مهدي:غطيو عليا شوية
وليد:اتهنا
رجعو لتحت الشجرة وكما هو متوقع اللوطو تاع لاپوليس حبست قدامهم وهبطو منها زوج بوليسيا
البوليسي1:السلام عليكم
الكليكة:وعليكم السلام..
جبد الريدو ودخل لقاها ماكانش فشمبرتها قعد على سريرها ورفد وسادتها شم فيها وحط راسو عليها
مهدي:سمحيلي صفاء
هز دبدوب كان على لاطابل دو نوي ويتبسم
مهدي:مزالها بهلولة
شاف المذكرة تاعها رفدها وفتحها
"ربما لم يسبق وأن شعرت بالرضا بهاذا القدر اشعر أنني امتلكت العالم بأسره اليوم لبست خاتم العمر باسم وتين القلب ..الحمد لله الذي بنعمته تتم الصالحات "
تزير قلبو يافرحة ماتمت راح ينكدها عليها رفد الستيلو وكتب ...
طواها وردها لبلاصتها شوية سمع صوتها طالعة فالدروج تخبا ورا الباب حب يتأكد بلي هي غير شافها من شق الباب خرج وهي نقزت بالخلعة حط يدو على فمها قبل ماتعيط متوقع ردة فعلها حلت عينيها على وسعهم غير عرفتو تنهدت وشراتلو ينحي يدو نحاه وبعد عليها شوية
صفاء:مهدي...
مهدي:عوينات مهدي
صفاء:خلعتني
مهدي:فيا ولا فيك عمري
كان يهدر بحنانة زايدة وصوت مبحاح يذوب
صفاء:خير بالصح هبلتت كون يشوفو...
ماخلاهاش تكمل جبدها وغرسها بين ضلوعو زير عليها حست عضامها تكسرو غبرت فصدرو ريحتو رهوجتها
صفاء تحكي:
ماكنتش متفكرة شحال فات الوقت وحنا على نفس الوضعية ماحبش يتحرك غير صوت تنهيداتو ونفسو لي حرقلي رقبتي نستنا فيه يبادر ويهدر باسكو رانا فعشر دقائق على الأقل وهو محضني ومازال ماهدر
صفاء:مهدي..
مهدي:نحبك ❤️
صفاء:حتى أنا بالصح واش صرا
مهدي:اسمعيني و ماتتحركيش خليك هاكا ووعديني بلي بلاصتي تقعد نفسها فقلبك بعد واش راح نقول
صفاء:طبعا حاجة ماراح تتبدل
مهدي:نهار هاذاك لي فيه قرب ليك هذاك الرخيس متفكرتيه؟
صفاء:مايتنساش اصلا
مهدي:صاحا تتفكري بلي خليتينا ندابزو وخرجتي ...
قاعدة غير نسمع ونأيد فيه مانيش باغية نخلي مخي يروح لبعيد حابة نقعد إيجابية مانيش حابة نسمع عقلي واش راه يقول الإحتمالات لي راه يقول فيهم مانيش حابة نصدقهم
مهدي:جبدلي موس
غمضت عينيا فاضو الدموع لي كانو متراكمين على رموشي وقعدت نسيي نكتم صوت الشهقة لي فيا
مهدي:كان لازم نديفوندي على روحي نحيتلو الموس وضربتو ...
خرج صوت شهقتي لي كنت كاتمتها بيدي
مهدي:طاح ومين مسيت نبضو لقيتو حابس ..
كبشت بيديا فتريكوه وزيرت عليهم وزدت غرست راسي فصدرو نكتم فشهقاتي
مهدي:كنت كل يوم نحب نقلك ونخاف نخسرك نخاف نطيح من عينك أما كاين حاجة ..
صفاء:امم
مهدي:ماماتش
جبدت روحي ورجعتلي الروح شوية وشفت فيه بعينيا الحمورة
صفاء:يعني؟ ماش راح تتحبس بزاف ؟
مهدي:ايه راح نتعاقب مدة ونرجعلك
صفاء:بسبتي ..
مهدي:صفاء ماحكيتلكش باش تلومي روحك
صفاء:ههههههههه بسبتي أنا أنا لي وصلتك لهاد الحالة أنا سباب كلشي
مد يدو يحطو على كتفي رجعت للور وعينيا مثبتين مع الأرض ونهدر بهستيريا
صفاء:مهدي واش درت أنااا كون ماش انا راك هاني ماتحرڨ ماتتحبس وتحرق كبدة يماك أنااا لي وصلتك هنااا اناااا ..
مهدي:صفاااء اسكتي يسمعووك وبركااي ماتجهلييي فيااا ماش نتي السبة انا حبيت وكون يرجع الزمان ندير نفس الشي انا حبيتك ووعدت روحي ندير كلش على جالك مادامني حبيت معنتها نضحي خلاصت الهدرة مانيش ناادم ريحي روحك ومانيش نلوم فييك خلااص هاكاا عمري؟ رجعي لعقلك
صفاء:أنااا واش درت فيك مهديييي
راح غلق الباب خاف يسمعو صوتي مع انو كانت ماما برا الدار غير بابا وكان راقد
شفت فيه نلوم فروحي ونهدر بهستيرياا شفتو بدا يتقلق عروقو بارزين فكو يتحرك ثالمون يلز على سنانو
صفاء:مهدي مالازمش تتحبس نتا لازم تقعد معاي ومالازمش تبكي عايلتك عليك نتاا مالازمش تتحبس
قرب وحكم وجهي بين يديه ويشوف فعينيا
مهدي:ماقلتلكش باش تلومي روحك شوفي واجد نهد الدنيا هاذي على جال باش ماتقيسكش النسمة نعرفك أرزن من هاكا كانت مقدرة وصرات مكتوب ربي راح نتحبس عام ولا ونرجعلك نتزوجوو وننساو كلش فات
ماتبكيش عينيك
قرب باسني من عينيا ومسحلي دموعي وحضني بحنانة
ويمسح على شعري منداك نحسو بابا منين يولي حنين ڨاع هاكا ومطول بالو معايا رجعت لعقلي وسييت نقوي روحي تبسمت وجبدت شوية عليه وحكمتو من يديه
صفاء:مهدي .نحبك ❤️
مهدي:هاذا واش حبيت نسمع مين جيت تعجبيني مين تكبري عقلك
حط يدو على خدي وتبسملي بحنانة
شاف مع يدي ورفدها يشوف مع الخاتم
مهدي:ياويلك ويا سواد ليلك تنساي مسؤولية هاذ الخاتم راكي تاع مهدي حتى وكون نموت اقعدي مستحفضة على مسؤوليتو كون نقعد 10 سنين فالحبس ماتتزوجيش نتي تاع مهدي يا نديك يانديك بالاكي تزغد عينك وتشوفي فكاش واحد من غيري بالاكي.
شاف فوجهي لقاني نبكي فاق على روحو
مهدي:ص..فااء ماتبكيش نشالله راح نرجع بخير ومانطولش الغيبة
صفاء:راح نتوحشك واش يصبرني على فراقك
مهدي:علابالي تقدريلها
قربت منو وطلعت على راس رجليا وبستو من خدو وزدت من خدو التاني حابة نشبع منو ماشبعتش منو ومن ريحتو ضحك عليا وحكم وجهي وباسني من خدودي ومن جبهتي ومن نيفي ومن عينيا وشاف مع شواربي وزاد مع عينيا وباسني منهم وهدر بصوت مخدر
مهدي:عمريي لازم نروح
صفاء:زيد شوية
مهدي:لابوليس راهي لتحت
صفاء:🥺🥺🥺حرام عليهم اووف واش هاذ الدنياا ياربي شحاال ساامطة علاه يدوك علااه ياخي ماماتش ياخي كنت ناوي دافع على روحك علااه
مهدي:عينيا كبري عقلك
راح جهة لاكوافوز وهز ريحتي ورش منها فظهر يدو
وشمها وغمض عينيه
مهدي:نقدر نديها؟
صفاء:اديها بالصح بشرط
مهدي:لي هو
رحت اونفاص فيه ونشوف مع قشو لابس ثريكو وفوقو فاسث هزيت الثريكو نشوف اسكو لابس تحتو نسيت روحي كامل قابلتني الطابليطة لي فكرشو عاودت هبطتو بالخف
صفاء:انسا
نحا الفاسث وزاد الثريكو دورت عينيا فهمني بلا مانهدر
صفاء:مهدي ماكالاه ماكش لابس يضربك الريح اصلا شعرك مازالو مشمخ من الدوش دوك تمرض
عاود لبس الفاسث ومدلي ثريكوه تبسمت وشميت فيه ريحتو لي يدير مع ريحة الجال دوش ممزوجة بشوية ريحة تاع الدخان هاذا مايبقالي بعدو ريحتو برك....
مهدي:البراسلي باه تتفكريني والثريكو باه تشمي ريحتي والخاتم باه تعرفي بلاصتك
صفاء:نحبك ❤️
مهدي:ههههه نعشق فدين مك ايا اتهلايلي فروحك عمري وماتبكيش عينيك
قويت روحي باه نجمع الإبتسامة هاذيك وتبسمتلو خرج للبالكون خرجت وراه هبطت راسي شفت لابوليس تزير قلبي عليه دموعي على رموشي
صفاء:مهدي ايا اخرج على الباب بابا راقد مايفيقش
مهدي:صاحا
هبطنا بالعقل باه مانوضوش بابا رحت تأكت بلي راقد ورجعتلو نشوف فيه بعينين مدمعين ماشبعتش منو ومانيش حابة نفارقو
صفاء:ماتطولش الغيبة مهدي
مهدي:نشالله عمري صبري ميمتي وخياتي ياك
هبطت راسي وهبطو دمعات
صفاء:راح يلوموني ويقولو انا سبابك ماش راح نقدر نواجههم
مهدي:ماتقوليلهمش ..قوليلهم حكاية تاع زطلة فرات
صفاء:ااوف مهدي كيفاه تقدر تكون هااك تقبل تتوسخ سمعتك وتزعف والديك علاجالي؟
مهدي: صفاء أني قلتلك بلي نحبك ❤️وندير اي حاجة على جالك المهم نشوفك مرتاحة مايهمونيش العواقب
قربت حضنتو بالخفيف وهدرت
صفاء:مستحيل. راح نحكيلهم كلش صح راح تكون صعيبة بالصح راح تفوت نشالله
مهدي:نعرف عايلتي متعقلة وراح تتقبل الحكاية كان كاش ماقالولك ولا زعفووك مين نخرج قوليلي ههه
صفاء:ههههه ربي يرجعك سالم مهدي تهلا فروحك
مهدي:ادعيلي معاك
صفاء:راني ندعيلك قبل روحي بلا ماتوصيني
حكملي يدي وزير عليها
مهدي:عيش عمري اياا باي
صفاء:ب..باي
غمض عينيه يطمن فيا وطلق يدي راح ودا قلبي وعقلي وروحي معاه حسيت الدنيا ظلامت فعينيا سمااطة تقتل غصة قاتلتني قلبي يوجع طاحو دموعي شلاال نبكي بالسكات كان ماشي وهدر بلا مايدور
مهدي:قلتلك مااتبكييش
مافهمتش كفاه فاق عملي تشاو بيديه وراح بلا مايدور
غلقت الباب وطحت فالأرض باغية نفيق ونلقاه منام 💔💔ياا ماما عيشك ارواحي صحييني وقوليلي بنتي لي شفتيه ڨاع منام يااربي صبرني على فراقوو ااه قلبي يتعصر نلوم فروحي الف مرة على لي خرجت وحدي داك النهار كون ماش الرحمة تاع ربي نقتل روحي ونهني ضميري
قويت روحي ونضت طلعت لبيتي قبل مايسمع بابا غلقت الباب ورحت جهة البالكون شفت البوليسي يحطلو فليمينوث سيبون القوة لي قعدتلي وراحت مع المنظر يااربي أنا السبااب باش يروح ويخليني أنا السباب فدمعة عايلتوو كان عايش هاني وفرحان فحيااتو مايعرفش معنى الهم دخلت حيااتو قلبتها على راسها
