ARGUE
HINDI na namin napansin ang oras dahil sa tagal nang pagkikwentuhan namin sa sala. sumilip ako sa bintana nakita ko na palubog na ang araw. mabilis ko rin itong isinara nang makakita ako ng ilang zombies na naglalakad tila ba hindi alam kung saan pupunta.
Panay parinig ng iba sa kanila na snacks daw. kakabigay ko nga lang ng snacks sa kanila isang oras pa lang ang nakakalipas. tapos nanghihingi ulit sila at hindi ko sila pinayagan. sinabi ko nang nagtitipid kami dahil hindi kami pwede maubusan ng makakain.
Bumalik ako sa sala.
"May mga kaibigan talaga tayong pangit ka bonding. tulad ni Safier at Mico, example ng mga pangit kabonding." Turo ni Troy sa dalawa.
Nakahiga kasi si Mico sa sofa habang nakaunan naman ang ulo sa hita ng kasintahan. napangiwi ako at tumabi nalang kay Shazi na nakaupo sa tiles. nag indian sit ako at isinandal ang ulo sa balikat ng katabi ko.
Pito lang kami sa sala dahil nagpapahinga ang iba sa kwarto.
"Kailan pala tayo hahanap ng gas na gagamitin para sa bus?" tanong ni Jester.
"Mamaya siguro." sagot ko.
Hindi parin lumalabas si Matreus hanggang ngayon. hinatiran naman ito ni Andrea ng pagkain hindi ako sure kung kinain nga niya.
"Kailan kaya matatapos ito? kakatapos lang ng covid isang taon palang tayong nakalaya ulit." napailing si White.
Napakibit balikat ako. "Ganito pala feeling ng may thrill ang buhay." natatawang sabi ko.
Dati iniisip ko kung paano pag nagka zombie apocalypse. tinatanong ko pa sarili ko noon kung makakaya ko ba? feeling ko kasi ako ang unang mamamatay dahil hindi ko alam ang gagawin. baka himatayin lang ako kapag nagkatotoo nga.
Tignan mo nga naman, buhay na buhay pa ako.
"Kalat sa facebook ko dati na huwag daw mag pa vaccine kasi magiging zombie ka daw." natatawa naman na sabi ni Safier.
Natawa narin ako dahil naalala ko iyon.
"Same. baka ito na nga iyon? sa tingin niyo may kinalaman iyon sa nangyayari ngayon?"
Umiling si Mico. "Pakiramdam ko hindi."
"Full vaccinated naman ako pero normal parin ako."
Agad na umangal si Troy sa sinabi ni Shazi. "Hindi mo sure doon sa 'normal ka'."
Ano pa nga ba? asahan ko na sasagot si Shazi dahil hindi nga ito nagpapatalo.
"Hindi ko talaga makita ang dahilan ni Andrea para magkagusto siya sayo. pangit na nga ugali mo pati pa mukha mo."
Tumatango na sumanayon ako sa pangbabara ni Shazi. "Love is blind."
Binato kami nito ng unan ng sofa. bakas ang pagkainis sa mukha nito.
"Ilang beses ko bang sasabihin sa inyo na friends lang kami. si Andrea kababatang kaibigan ko iyon. kapatid ang tingin ko sa kaniya at hindi ko siya kayang tignan ng mas higit pa doon." ngayon ka lang nakitang nagseryoso si Troy.
Makikita sa itsura niya kung gaano siya kaseryoso sa sinabi niya. ibig sabihin talaga kapatid ang tingin niya kay Andrea.
Naawa naman agad ang puso ko sa para kay Andrea. kahit hindi niyon sabihin na may gusto siya sa kaibigan, halata talaga sa kilos niya.
"Seryoso?" Tanong ko. nagbabakasakali ako na may mahanap na pagkabalisa sa mukha niya.
"Wala." seryosong sagot niya.
"Hindi naman sa nanghihimasok ako. pero tingin mo si Andrea kaya kaibigan o kapatid lang ang turing sa'yo?" Tanong sa kaniya ni Mico.
Hindi makapaniwala ang mukha nito habang nakatingin kay Mico.
"Syempre naman." bagot na sagot nito.
Mukhang inis na inis na talaga siya. Isa lang ang masasabi ko sa kaniya napalaki niyang manhid.
"Pero lahat gagawin mo para hindi siya masaktan?" Tanong naman ni Safier.
Ginigisa na namin si Troy kaya masaya ito. wala kasi siyang ibang ginawa kundi ang inisin kaming lahat. It's our turn to shine!
"Oo." walang pag aalinlangang sagot nito.
"Paano kung ikaw na pala ang nananakit sa kaniya?" Dugsong ni White.
Tumawa si Troy. "Bakit ko naman siya sasaktan?"
"What if lang!" sigaw ko sa kaniya. "What if ikaw na ang nakakapanakit sa kaniya. anong gagawin mo?"
"Hindi mangyayari iyan."
Binatukan siya ni Jester. "Paano nga lang!"
"Bakit ko naman siya sasaktan?" Asar na talaga ito. halata na sa itsura eh, nagagalit na talaga.
"Kasi manhid ka." walang emosyon na sabi ni Shazi.
"Hindi ako manhid. lahat ng nakikita ko na ginagawa niya para sakin ay ginagawa niya dahil bestfriend niya ako. komportable lang talaga siya sa akin."
"Malala ka na." umiiling na sabi ni White.
"Mas malala sila Kio." bato niya pa.
Nangunot ang noo ko sa pagtataka. wala namang malala kay Framine at Kio. parehas silang indenial base sa pagmamatyag ko doon sa dalawa.
Mas malala parin silang dalawa. na friendzone na tapos nakapatid zone pa.
May mas sasaklap pa ba doon?
"Dati may crush ako sa school ang manhid nun. todo papansin na ako doon at hinihintay ko na ligawan ako pero ang manhid talaga. kung alam ko lang na mangyayari itong zombie apocalypse na ito? sana ako nalang nang ligaw sa kaniya! sayang! " kwento ni Shazi. napapitik pa ang daliri nito na parang sobra ang panghihinayang.
"James!" pagtawag ni Mico mula sa likuran ko.
Napalingon kami sa gawing likuran ko. nakita ko si James na kakalabas lang ng pinto. may dala itong gitara habang papalapit sa amin.
"Saan mo nakuha iyan?" nagtatakang nakatingin ako sa gitara na hawak niya.
"Baka sa labas." Ngumiti siya nang samaan ko siya ng tingin dahil sa isinagot niya. "Syempre joke lang. nakita ko sa kwarto namin."
Dalawa kasi ang kwarto sa apartment na ito. sa pinasukan nila Framine at Kio kanina doon silang mga lalaki at sa katabing kwarto naman niyon ay ang kwarto namin mga babae. kung saan natagpuan namin ni Matreus yung zombie na nakagapos.
Bumangon si Mico sa pagkakahiga at kinuha ang gitara na inabot sa kaniya ng kaibigan. ipinatong niya ang gitara sa hita at nagsimula ng mag strumming.
"Sana all may boyfriend na magaling kumanta." napangiti si Safier dahil sa sinabi ko.
Sana all talaga.
"Magaling din naman ako ah? sample gusto mo?"
Nginiwian ko si Troy. "No. Thanks."
"Mahilig talaga tumugtog si Mico sa mga club pang patanggal stress niya daw." kwento ni Safier.
"Grupo sila taga gitara lang talaga si Mico pero iba ang vocalist nila." dagdag naman ni James.
