- انت متخلف اي القرف دا علي الصبح؟!
- شكرا دا من ذوقك ... علفكره كنت هعتذر ليكي حالاً بس يظهر انك متستاهليش الاعتذار.
- ابو اشكالك يخي علي الصبح استغفر الله العظيم يارب كانت نقصاك هي مش كفايا اني متأخره خلقه
- لا حول ولا قوة الا بالله ربنا يهديكي يا اختي وعالعموم انا اسف لو كنتي شايفه اني غلطان ... عن اذنك
سابها ومشي وهي دخلت كليتها
- اي يبنتي كنتي فين دا كله ومالك قالبه وشك علي الصبح كده؟!
- مفيش يستي حصل موقف بايخ مع شخص متخلف فهو دا اللي اخرني
- هتفضلي تتخانقي فخلق الله كده لحد امتي وخاصة فـ الشباب
- الله وانا مالي هما اللي متخلفين ومعندهمش دم ولا احساس ويستاهلوا
- يمريم افهمي بقا مش كل الناس زييه انسيييه بقا انسيه بدل ما انتي بتضيعي كده مش شايفه حالتك وحياتك عامله ازاي فووووقي يمريم محدش هينفعك وركزي في دراستك ومستقبلك وحياتك بدل ما تندمي علي اللي هيروح منك خدتي اي من دا كله غير الوجع والكسره وللأسف غضب ربنا منك فوووقي بالله عليكي فين مريم بتاع زمان اللي كان الكل بيشهد بأدبها واخلاقها واسلوبها وتعاملها فين مريم اللي البنات كلها والامهات كانوا بيتمنوا بناتهم تبقا زيك فين مريم الطموحه المؤمنه الملتزمه البشوشه المبتسمه فين دا كله علفكره محدش بيخسر غير نفسك وانتي حره بقا ... يلا المحاضره هتبدأ
- عايزه اقعد لوحدي من فضلك
- حاضر هدخل احضر المحاضره وهسجلهالك لاني عارفه انك حتي لو حضرتيها مش هتركزي لانك متشتته دلوقتي ... بتمني تعيدي ترتيب حياتك وتفكري فكلامي وتفتكري حياتك قبل كده وتقارني بين مريم دي ومريم دي وشوفي انهي اللي ربنا هيبقا مبسوط منها وراضي عليها مع السلامه استودعك الله الذي لا تضيع ودائعه
- بدئت تشوف كل حياتها سيناريو قدام عنيها وعرفت قد اي انها اتغيرت 180 درجه بل للاسوء فضلت تعيط لحد ما تعبت لقت الكل بيبص عليها وكأنهم عايزين يعرفوا بتعيط ليه ... طلعت من الكليه ووصلت بيتها جريت اتوضت وصلت ركعتين توبه لله ودعت ربها بأن يغفر لها كل ما مضي وان لا يبعدها عن طريقه ويثبتها علي الصراط المستقيم فضلت تبكي علي سجادة الصلاه لحد ما نامت وصحيت علي صلاة العصر قامت اتوضت وصلته وهي مبسوطه اووي بالاحساس اللي جواها وكأن فيه حاجه بتشدها لطريقها القديم للطريق المُحب الي الله ... يووه زمان اسماء هتنفخني علي اني سبتها وروحت من غير ما اعرفها حتي اما اروح اكلمها
- السلام عليكم ورحمة الله وبركاته
- ابتسمت بصدمه ويهدي من يشاء انه هو القدير كنت متأكده وواثقه في ربنا انك هتتغيري بس بصراحه مكنتش متخيله بالسرعه دي ربنا يثبتك يحببتي ويجعل هدفك هو الفردوس يارب العالمين
- بأستغراب يارب ، بس انتي عرفتي ازاي دا كله انا لسه مقولتلكيش حاجه
بأبتسامه حببتي احنا مش عشرة يوم ولا اتنين احنا عشرة عمر وانا حاسه بيكي اولاً يستي اول ما رنيتي افشيتي السلام ثانياً انك رنيتي عليا ودي محصلتش ولا مره من بعد تغيرك ثالثاً صوتك كان كله فرحه وحماس وحب نفس صوت مريم القديمه بالظبط
- ومريم القديمه قررت ترجع واحسن من الاول كمان
- يفرحة قلبي بمريومتي حبيبتي وحبيبت قلب رسول الله
رجعت لحياتها بل واحسن كمان بفضل ركعتين توبه ونيه صادقه
اتخطبت مريم سنه بعد الالتزام بضوابط الخطوبه من الطرفين والنهارده كتب كتابها
- تسمحيلي اقولك حاجه
- اتفضل
- انا مبسوط اووي النهارده انتي كنتي حلم بالنسبالي ومش مصدق ان ربنا حققهولي من وانتي فالثانويه وانا بتمني وبدعي ربنا بيكي 6 سنين بدعي بيكي فكل سجده بركعها 6 سنين قلبي مش شايف غيرك حتي بعد ما اتغيرتي وبقيتي وحده تانيه مفكرتش اني ابطل دعاء كان فيه حاجه دايماً جوايا بتقولي انك هترجعي لمريم بتاعت زمان وكنت بدعي ربنا يرجعك فأقرب وقت عشان اجي اتقدملك لحد ما فعلا لقيتك بتتغيري ورجعتي احسن من الاول كمان ساعتها مترردتش لحظه اني اجي اتقدم عدت سنه خطوبه وانا كاتم اللي فقلبي ليكي لحد ما تبقي حلالي والحمدلله بفضل ربنا اديني قولتهولك مريم انا بحبك اووي اوعديني انك متتغيريش تاني ونكون لبعض النص التاني اللي الحياه متمشيش من غيره اوعديني نحاول ونجاهد لحد ما نجتمع في الفردوس الاعلي بإذن الله
- بدموع وفرحه اوعدك اوعدك يا اجمل عوض من ربنا جالي
by: eman heshmat😇💚
--------------------------------------
عقبالكوا يبنويت لما ربنا يرزقكوا بدموع الفرحه وبالحب الحلال
سبيلي تعليق قمر كده🥺💚
