"ခင်"

အပိုင်း(၁၄)

"ခင် ဘယ်တွေသွားချင်သေးလဲ"

+

" ဘုရားဘေးမှာ ဈေးဆိုင်တွေ တွေ့ခဲ့တယ်ကွယ်မောင်....အဲ့ဒါသွားကြည့်ကြမလား"

+

"ရတာပေါ့မောင့်မိန်းကလေးရဲ့"

+

မောင့်ကို မချစ်မိဖို့ မောင်မရှိဘဲနေနိုင်အောင်နေဖို့ ခင်အများဆုံး တွေးခဲ့ပါသေးတယ်လေ။ သို့ရာတွင်လည်း မောင့်ဆီမှာကျဆုံးရပြန်သည်။ မောင့်မိန်းကလေးရယ်" ဆိုတဲ့စကားတစ်ခွန်းနဲ့တင် ခင့်အဖို့ ရင်အေးရသည်။

+

"ခင်!အဲ့တာဘာမုန့်လဲ"

+

"ဒါလား..... ဒါကို မုန့်လင်မယားလို့ခေါ်တယ်လေမောင်"

+

"......"

+

မောင်သည် ထိုအရာကိုစိုက်ကြည့်၍နေသည်။ ‌သိရသည့်အကြောင်းတွေအရမောင့်မိဘတွေဟာ ဘိလပ်ပြန်တွေကိုမှအထင်ကြီးလေးစားနေသည်မလို့အဆင့်အတန်းခွဲခြားတတ်တာမလို့ မောင်ဟာ ထိုနာမည် ထိုမုန့်တွေမြင်ရတာထူးဆန်းနေလိမ့်မည်ထင်ပါသည်။

+

"မောင်စားကြည့်ချင်သလား"

+

ခေါင်းကိုတဆက်ဆက်ညိမ့်ပြသည့်မောင်ဟာ အလွန်ချစ်ချင်စရာကောင်းနေ၏။ခပ်ပြုံးပြုံးကြည့်ကာချစ်ရသည့်မောင့်အလိုကျ "မုန့်လင်မယား"ဝယ်ပေးရမည်လေ။

+

"ဒါကိုမုန့်လင်မယားလို့ဘာလို့ခေါ်သလဲခင်"

+

"ဒီမှာလေ မောင်ရယ် တစ်ခြမ်း ကပဲပြုတ်တွေပါတယ်လေ ဒီဘက်တစ်ခြမ်းတော့မပါဘူးပေါ့ကွယ် "

+

မောင်ဟာခင်ပြောသမျှကိုငြိမ်ငြိမ်ကလေးနားထောင်နေသည်။

+

"ဒါဖြင့် ဒီနှခုကို ပေါင်းမှမုန့်တစ်ခုရတာပေါ့မောင်ရဲ့...ဒါကြောင့်မုန့်လင်မယားလို့ခေါ်တာ"

+

"မောင်တို့လိုပေါ့နော် "

+

"မောင့်!"

+

"မောင်ကအလုပ်တွေကြိုးစားပြီး ခင့်ကိုလက်ထပ်ယူမှာမောင့်မိန်းကလေးရဲ့"

+

"မောင့်အပြောတည်ပါစေလေ"

+

"ခင်မောင့်အိမ်လိုက်လည်မလား "

+

"မောင့်အိမ်ဘယ်မလဲ ခင်မသိရသေးဘဲကိုး....လိုက်ရမှာပေါ့မောင်ရယ်"

+

မောင့်အိမ်ရှိရာနေရာသို့မောင်နှင့်အတူသွားမည်။ခင်သိချင်ပါ၏ မောင်ဆိုသောထိုမိန်းကလေးသည် မည်သို့နေထိုင်ခဲ့သည်ကို။

+

"ဒါ မောင့်အိမ်ပဲလေ မောင်အိမ်ခွဲနေနေတာ"

+

ခြံထဲဝင်ကာစမြက်ခင်းပြင်ခပ်စိမ်းစိမ်း တစ်ခုကစီးကြိုသည်။။အပြင်ဘက်က ခုံတန်းယားကလေးရှိသည်။ ထိုနေရာတွင် မောင်ထိုင်နေကြဖြစ်မည် ။ပန်းအိုးလေးတစ်အိုးရှိနေသည်လေ။
အိမ်ကတော့ ကျွန်းဖြင့်ဆောက်ထားသည့်
နှစ်ထပ်အိမ်။ ခင့်အိမ်ထက်တော့ သေးနေလိမ့်မည် သို့သော်ညားမောင့်တစ်ယောက်ထဲအဖို့ လုံလောက်သောအိမ်ပင်။

+

"လာ မောင့်အချစ်ကလေး"

+

ခင့်ကိုနာမည်ဘယ်နှမျိုး မောင်ပေးထားသလဲကွယ် တစ်ခါခေါ်တိုင်းရင်ထိပ်လိုက်တာ။

+

"မောင်ဒီမှာနေတာမကြာသေးတော့ဘာမှသိပ်ပြီး အသုံးလိုတာမရှိသေးဘူး"

+

"မောင်ထမင်း ကဘယ်မှာစားသလဲ"

+

"အပြင်က ဝယ်စားလိုက်တယ်လေမောင်မှဒါတွေမချက်တတ်တာ"

+

"ဒါဖြင့် ‌ခင့်အိမ်မှာ လာစားလှည့် "

+

"အဲ့ဒီလိုလုပ်လို့ရသလား"

+

"ရတာပေါ့မောင်ရယ် ‌ခင့်ချစ်ရသူကို တော့အပြင်စာမစားစေချင်ပါဘူး"

+

"မောင်...အိမ်ရှေ့မှာကားသံ ကြားတယ်
ဘယ်သူလာသလဲမသိဘူး"

+

အင်းမောင့်အမေပါလေ ။မောင့်ကိုအိမ်ပြန်လာဖို့ခေါ်သည်ထင်မိသည်။အိမ်ထဲအဝင်ခင့်ကိုမြင်သည်နှင့်ပြောင်းလဲခက်ထန်လာသောမျက်နှာထားကိုကြည့်လျှင်ခင်သိဖို့ကောင်းပါပြီ။

+

"သမီး!"

+

"သမီးရယ်နင့်ကို ဒီမိန်းမနဲ့မပတ်သတ်ပါနဲ့ဆိုနေ ဒီမိန်းမ သတင်းတွေ သမီးမသိလို့လား ‌ဟိုယောကျာ်းနဲ့အသံထွက်ဒီယောကျာ်းနဲ့အသံထွက်"

+

"ငါ့သမီးနုနုထွဋ်ထွဋ်လေးကိုရော မိန်းမချင်းဘာတွေမြှူဆွယ်ထားသလဲမသိပါဘူးတော်"

+

"ခင့်ကိုအဲ့သလိုမပြောနဲ့အမေ "

+

မောင်ဟာခင့်အရှေ့မှကာလျက် ဝင်ပြောသည်။

+

"မောင် ခင့်ကိုချစ်တယ် အခုအချိန်မှာ
ကိုယ့်ဘဝကိုကိုယ်ရပ်တည်နေပြီ "
"အမေ မောင့်အချစ်ရေးကိုဝင်မစွတ်ဖက်ပါနဲ့ခင့်ကိုလည်း အဲ့သလိုမပုတ်ခတ်နဲ့ မောင်မကြိုက်ဘူး"

+