One Hundred Days To Love Him [ Completed ] BOOK 1

Chapter 40

CHAPTER 40

Kendra's P.O,V

Ilang araw na din ang lumipas at sobrang daming nagbago. Bakasyon na namin sa AIS kaya balik ako sa paglilinis ng mansion at kuwarto ni Kendrick.

Sa mga lumipas na araw ay nag-isang buwan na ang relasyon namin pero...

Ako lang yata ang nakakaalala. Hindi naman masakit. Parang kagat lang ng langgam.

Umiyak ako ng ilang baldeng luha kagabi kaya heto at mugto ang mga mata ko ngayon. Kung bakit lang naman ako umiyak?

Kasalanan 'tong lahat ni Ali slash BasNgit slash Kendrick slash Amo ko.

Ramdam na ramdam at kitang kita ko kung paano siya umiwas sa akin. Ni hindi niya man lang ako tinitingnan o kinakausap kahit nasa mansion kami. Dito rin nakatira si Mrs. Marcova at panay utos.

Ayos naman kami ni BasNgit, e. Naipaliwanag niya sa akin ang lahat kung bakit siya natatakot sabihin sa mommy niya na girlfriend niya ako ay dahil ayaw niya lang daw na may kung anong sabihin na hindi maganda sa akin ang mommy niya sa oras na malaman nito ang relasyon namin.

Pumayag akong itago 'yon. Pero hindi ko na talaga kaya kasi panay iwas siya sa akin. Nanlalamig din siya. Hindi ko nga alam kung may 'kami' pa ba dahil ilang araw na siyang gano'n. Wala rin siyang sinasabi. Kapag gusto ko naman siyang makausap, gumagawa siya ng paraan para maiwasan at malayuan ako.

Pagod na rin akong mag-isip at manghula kung ano ba ang nagawa ko o may nagawa ba akong mali para iwasan niya ako ng gano'n gano'n na lang.

Hindi niya man lang ba naiisip na nasasaktan ako sa ginagawa niya? Sinabi niya sa akin nang paulit ulit na hindi siya gagawa ng bagay na alam niyang ikasasakit ko pero ano 'tong ginagawa niya?

1 month na lang at gagraduate na siya. Nawawalan na rin ako ng gana mag aral at parang ayoko ng ituloy ang pag aaral ko sa AIS. Hayst.

Abala ako sa paglilinis ng garden nila nang bigla akong sampalin ng kung sino.

Napaupo ako sa sobrang lakas ng sumampal sa akin. Para pa akong nabingi. Shutang?! Sino 'yon?!

Hinarap ko ang sumampal sa akin at nanlaki ang mga mata nang makita ang galit na mukha ni Mrs. Marcova sa harapan ko. Sobrang sama ng tingin niya sa akin na para bang gusto niya pa akong sampalin ulit.

Bakit kaya? Ano bang nagawa ko?!

"You bitch, how dare you!" galit niyang bulyaw.

"A-Ano pong---" Muli niya akong sinampal.

"Akala mo hindi ko alam?! Malandi ka! Anak ko pa talaga ang lalandiin mo ha?! Kaya pala. Kaya pala gano'n na lang ang pagprotekta sa'yo ng anak ko kasi girlfriend ka pala niya!"

Para akong binuhusan ng malamig na tubig nang marinig ang sinabi niya.

A-Anong---paano niya nalaman 'yon?

Sinabi ba sa kanya ni Kendrick? Pero, bakit niya naman gagawin 'yon?

"You're a gold digger! And to tell your frankly, I don't really like you from the very beginning. You and my son, don't match at all so don't even think about making my son as your boyfriend!" sigaw niya pa.