Unicode
ဖုန့်ကျင်က သူ့အရှေ့က အငွေ့တထောင်းထောင်းထနေတဲ့ ရေနွေးခွက်ကိုကြည့်လိုက်တယ်။ အထဲမှာက အစိမ်းရောင် လက်ဖက်ခြောက်လေးတွေရှိတယ်။ သူက မသောက်ရသေးပေမဲ့လို့ ရေနွေးရဲ့အနံ့သင်းသင်းလေးကို ရနေပြီ။
ညနေစာစားပြီးသွားတော့ မိန်းမလှလေးက ခွက်သေးသေးလေးကို မလိုက်တာကို သူကကြည့်နေလိုက်တယ်။ ဘယ်လောက်တောင် အံ့ဖွယ်ကောင်းတဲ့မြင်ကွင်းလဲ။ တစ်ကယ်လို့ မိန်းမလှလေးရဲ့အပြုအမူတွေက ကျက်သရေရှိပြီး ရင်ထဲထိစေမယ်ဆိုရင် ဒီလိုမျိုးရေနွေးခွက်ကိုမြှောက်လိုက်တာကတောင် အံ့ဩဖို့ကောင်းတဲ့ မြင်ကွင်းဖြစ်နေပြီလေ။ သူ့ရဲ့ချုံယီကျောက်က ရေနွေးကြမ်းလုပ်တဲ့နေရာမှာ အရည်အချင်းရှိတယ်ဆိုတာကို အခုမှ သူပထမဆုံးသိရခြင်းဖြစ်တယ်။ သူမအရည်အချင်းက နည်းနည်းတော့ လစ်ဟနေပေမဲ့လို့ အနည်းဆုံးတော့ လက်ဖက်ခြောက်ကိုဖျော်နေတဲ့ သူမရဲ့အပြုအမူနဲ့သောက်နေတဲ့ အပြုအမူတို့က ကြည့်တဲ့သူရဲ့ မျက်လုံးကို အရမ်းပဓာသဖြစ်စေတယ်။
သူက ရေနွေးကြမ်းခွက်ကို မြှောက်လိုက်ပြီး တစ်ငုံသောက်လိုက်တယ်။ လက်ဖက်ခြောက်နံ့က သူ့ပါးစပ်ထဲမှာ စွဲသွားတယ်။ ဖုန့်ကျင်ကပြုံးလိုက်ပြီး ကျွမ်းလောင်ယန်ကို ကြည့်လိုက်တယ်။ " ချစ်ကိုယ်လုပ်တော် ဖျော်ပေးတဲ့ ရေနွေးကြမ်းက တစ်ကယ့်ကိုစွဲမက်တဲ့အရသာရှိတာပဲ။ ဒီရေနွေးကြမ်းကို မိန်းမလှရေနွေးကြမ်းလို့ခေါ်ဖို့ ထိုက်တန်ပါပေတယ်။ "
ကျွမ်းလောင်ယန်က ပြတင်းပေါက်က မိုးကျသံကို နားထောင်နေခဲ့တယ်။ သူမကပြုံးလိုက်ပြီး " အရှင်မင်းကြီးက ဖင်ချဲ့ကိုစနေတော့တာပဲ။ မိုးရွာတာ ရက်ပေါင်းများစွာ ရှိနေပြီ။ ဒါက နွေရာသီမိုးခေါင်တာအတွက် အစားထိုးပေးတယ်လို့ ယူဆလို့ရတာပေါ့။ အဲ့ဒီ့တော့ စပါးပင်တွေပြောင်းစိုက်ဖို့ ရေအလုံအလောက်မရှိတော့မှာကို စိုးရိမ်ဖို့ မလိုတော့ဘူးလေ။ "
ဖုန့်ကျင်က ရေနွေးခွက်ကိုချလိုက်တယ်။ သူ့နှုတ်ခမ်းပေါ်မှာ ညင်သာတဲ့အပြုံးတစ်ခု ပေါ်လာခဲ့တယ်။ " ချစ်ကိုယ်လုပ်တော်က လယ်ယာစိုက်ပျိုးရေးကိုလဲ သိတာလား။ "
YOU ARE READING
တော်ဝင်ကိုယ်လုပ်တော်တစ်ယောက်ရဲ့အလုပ်
Historical FictionEnglish name - The Job of an Imperial concubine Ep- 117+4extras This is not my story, just a translation. Credit to the original author and eng translator, Sleepchaser. If you want to read eng version, you can check this link; https://www.novelupda...
