Unang Araw ng Panliligaw: Bulaklak at Telepono
IMELDA'S POV:
Maaga akong nagising, alas kuwatro pa lang dahil nakasanayan ko na nang dahil sa trabaho ko. Nakasanayan ko na din kasi ang magro-rosary pagkagising ko pa lang.
Pagkatapos kong nagrorosaryo at nag-aayos sa bed ko ay nagtungo ako sa kusina kung saan nagluluto ng para umagahan namin si Manang Nena, isa sa mga kasambahay dito sa bahay. Siya ang tiga-luto.
"Oh, ma'am Meldy? gutom na ka na ba? teka lang, tatapusin ko muna ito." sabi niya habang nagluluto ng sunny side up eggs.
"Ah hindi pa po. Nandito ako dahil gusto ko po kayong tulungan, tapos naman na ako sa pagrorosaryo, tulungan na ho kita." nakangiting sabi ko.
Hahawakan ko na sana ang kawali para tutulong sa pagluluto nang nagsalita siya. "Ay nako, ikawng bata ka talaga, huwag na. Salamat sa kagustuhan mong tumulong pero ako na dito at bumalik ka na sa kwarto mo para maligo at magbihis, hindi ba't may trabaho ka at kailangan mong maaga na pumasok?" sabi ni Manang Nena.
Ito talagang si Manang Nena... every time i tried to help doing the house chores ay palagi niya lang akong hindi pinapayagan. Andami pang reasons na ibibigay, kadalasang irarason niya ay baka daw mapano pa ang makinis ko na kutis.
Kaya kwarto ko nalang ang palagi kong nililinis. Kahit sobrang linis na ng kwarto ko ay naglilinis pa din ako dahil sa boredom.
"Pero Manang, maaga pa naman kaya okay lang. Tulungan ko na ho kayo---"
"Hep hep hep hep... bitawan mo 'yan. Ikawng mabait pero makulit na bata ka talaga... sige na, maligo ka na doon. Baka madumihan mo pa iyang puti na bestidang pangtulog mo. Gusto mo bang mahihirapan si Inda na maglaba diyan?" sabi nito kaya bumontong hinga na lamang ako.
I give up, napakaprotective ng mga tao sa bahay na ito sa akin. But nakakatuwa nga at the same time, dahil kahit wala man akong nobyo, ay maraming nagfefeeling nobyo sa akin, the way they care and protect me kasi eh.
At tsaka ano ba naman ang magagawa ko, eh ayaw ko naman na mahihirapan ang labandera namin na si Manang Inda.
"Sige po, bababa nalang po ako kapag tapos na ako. Salamat Manang." nakangiting sabi ko bago umalis at bumalik sa kwarto ko.
I took a bath, nagbihis sa uniporme ko, at nag-ayos. I was about to wear my heels nang napatigil ako, sandali kong tinignan ang sapatos ko na katabi sa heels ko, 'yung isinuot ko kahapon, at ngumiti na parang baliw.
Natatawa ako... naalala ko ang congressman na hindi kataasan ang height. Tumingkayad pa talaga siya kahapon ha...
"Ang cu--" napatigil ako sa kakangiti at tinakpan ang bibig ko after akong nabalik sa katinuan.
Anong cute Imelda? walang cute. Walang cute, okay?
"Baliw ka na talaga self." sabi ko habang sinampal-sampal ang magkabilang pisngi ko para magising ako.
Nananaginip pa ata ako eh. Gising Imelda, gising!
Napailing na lamang ako, isinuot ang flat shoes that i wore yesterday instead of the one that has heels bago kinuha ang bag ko at lumabas sa kwarto para bumaba na at mag-umagahan.
"Good morning, Paz and Daniel." bati ko sa kanila.
Maaga ata sila ngayon. Kadalasan kasi ay mas maaga pa ako sa kanila kaya kadalasan ay ako lang ang mag-isa na magb-breakfast dito.
"Oh, good morning single-beautiful lady. Umupo ka na at kumain." nakangiting sabi ni Paz na mapang-asar, nakangiting umiling nalang ako at umupo.
...
"Thank you, Paz, Daniel!" pagpapasalamat ko sa kanila after nakababa sa sasakyan nila.
Kapag kasi nakasabay kami sa pagbreakfast at pagaalis sa bahay ay sasabayin nila ako o ihahatid ako dito sa workplace ko. Kapag hindi naman ay nagcocommute ako, meron namang driver at isa pang kotse para maghatid-sundo sa akin pero ayoko namang abalahin pa si manong driver.
Kaya mas prefer ko ang magcommute na lang, kahit na nakakapagod minsan. Exercise na rin kasi sa katawan.
Bumukas ang pinto sa opisina ko at pumasok si Roda na katrabaho ko.
"May naghahanap na naman sayo na delivery man, Imelda Romualdez daw." sabi nito. "Kuya, dito po." pagtawag nito.
Pumasok naman ang delivery man na may hawak na bouquet of flowers and a box of chocolate. "From Mr. Luis Marquez po. Papirma nalang po dito sa resibo, Ma'am." sabi ng delivery man after ibinigay niya sa akin ang dala niya. Pinipirmahan ko naman iyon at nagpaalam ito bago umalis.
"Kay raming bulaklak. Araw-araw na lang may delivery man na pumupunta dito dahil araw-araw nagpapadala sayo ang mga manliligaw mo ng mga bulaklak. Parang hardin o di kaya'y parang flower shop na itong opisina mo. Ang haba talaga ng hair mo, Meldy." kinikilig na sabi Roda.
"Mahaba naman talaga ang buhok ko. At tsaka mabuti lang din 'to at may maihahalad ako na mga magagandang bulaklak na ito sa simbahan." sabi ko. Inilagay ko ang bulaklak sa tabi ng iba pang bulaklak na natanggap ko kahapon.
Ihahalad ko kasi ang mga bulaklak na ipinamigay sa akin sa altar ng simbahan dahil sayang naman kung hahayaan ko lang malanta ang mga ito sa opisina ko o sa kwarto ko.
Ang batch ng mga natanggap ko kahapon lang talaga ang hindi ko pa naihatid sa simbahan dahil diba may lakad kami kahapon. Sa sobrang excited ko na makita si papa ay nakalimutan ko na ang mga bulaklak.
"Ano ba kasi Meldy... sa dinami-dami ng nakapila sayo ay wala ka pa rin bang napipili? 'yung ibang manliligaw mo ay halos eleven years nang nanligaw sayo... mga doktor, politiko, engineer, abogado, artista... puro may kaya at ang gugwapo pa, pero wala ka pa rin bang napili na sagutin kahit isa?" sabi ni Roda at umiling-iling.
"Ang oa mo naman sa eleven years nang nanligaw... oo, Roda, may hitsura sila at puro may kaya, pero sadyang ayoko muna talagang umibig. Wala pa akong nakita na karapat-dapat talaga sa akin." sabi ko.
Yes, i have high standards. Pero bukod sa rason na iyon, ay talagang ayoko muna sa pag-ibig.
I got hurt and traumatized with my last relationship. He dropped me like a hot potato. Tho, i am also thankful na nangyari iyon, nakapag-isip ako at naputol ang ugnayan namin, because i just realized na mababa pala ang standards ko when i dated him. Ibinaba ko nang sobra-sobra ang standards ko just for him. Sobrang baba pala ng standards ko noon sa kanya.
Hay nako, i don't want to talk about that man na.
May kumatok kaya binuksan iyon ni Roda.
"Eh anong tipo ng lalaki ba ang gustong-gusto mo talaga ha?" patuloy na tanong nito. Napaka kulit at chismosa talaga ni Roda, kahit may tao na kakarating lang dito ay hindi parin mapigilan ang tanongin ako tungkol sa love life ko.
