بعد شهر العسل عادت مي الي دراستها مره اخري بعد أن وعدت اخيها ان لا يأثر الزواج على تقديرها وتظل من الأوائل
في اليوم الأول لها دخلت الي الجامعه ووقفت مع زميلتها تنتظر موعد المحاضره
سها : اهلا اهلا بالعروسه حمد الله على السلامه اخيرا جيتي الكليه الدراسه بدأت من اسبوع
هاجر : مبروك يا مي الجواز
مي : الله يبارك فيكي والله يا بت يا سها نازله بالعافيه
سها : ايوه يا عم سي آدم بيغير عليكي
مي :زياده على الازم بس سيبك انتي اخيرا سابني ارجع الكليه كتبتم كل المحاضرات اللي فاتت
سها : طبعا
هاجر : نفسي اعرف ازاي بتلاقي وقت تذاكري مع بيتك والطبيخ والراجل
مي : لسه حجرب بس انا ماما متوفيه من زمان ومتعوده اقوم بشغل البيت من قبل متجوز مفيش جديد
سها : عليها محشي ورق عنب حكايه
هاجر :خلاص انا عازمه نفسي عندكم يلا المحاضره بدات
مي : تنورينا يا هاجر يلا بينا
عادت مي الي بيتها أعدت الغذاء وظلت تنتظر آدم الذي سافر الي الصعيد منذ عده ايام لزياره عمه المريض كانت تفتقده بشده فهي لم ترى النوم منذ سفره تعودت ان تنام بين احضانه وجفاها النوم ظلت تفكر فيه طوال الليل
جلست تنتظره بعد أن ارتدت منامه حريريه حمراء وعليها الروب وقفت في الشباك تنتظره حتى وجدته يدخل الشارع شاورت اليه ليشاور لها ويدخل الورشه يسلم على ابيه
آدم : ازيك يا حاج عامل معاك الشغل ايه
سعيد : اهلا اهلا يا آدم عمك عامل ايه
آدم : عمل العمليه وخرج
سعيد : طيب يلا اطلع لمراتك رايح شويه زمانها وحشاك
آدم بابتسامه : اوي يا حاج بس امي حتزعل
سعيد : امك راحت عند الدكتور مع رحمه
خرج من الورشه وصعد بسرعه الي شقته ليفتح بابه ويدخل لتجري مي وتحتضنه وهو يحملها ويدور بيها
مي : وحشتني وحشتني اوي
آدم و هو يقبل وجهها
آدم : انتي وحشتيني اكتر
مي : يلا خد شوار عقبال محط الغذاء
آدم : لا انا عايز انام تعبان جدا منمتش من يوم مسافرت
مي : ليه معندهمش سرير
آدم : لا مش بعرف انام وانتي بعيده عني خدت انام في حضنك
مي : وانا كمان والله منمت من ساعه مسافرت
فحملها الي غرفتهما وهو يقبلها
في ايطاليا
قام فريد من النوم مبكرا
وجلس بجوار فرح يلمس وجهها بورده وهي نائمه وكلما حاولت أن تبعد الورده يضعها مره اخري حتى صحيت
فرح : ممكن تسيبني انام شويه
فريد : لا اتفضلي قومي مفيش نوم قومي يلا نروح الشركه
فرح : لا انا عايزه انام
فريد : يلا بينا قومي بطلي دلع
فرح : قومت ممكن اعرف رايحه الشركه اعمل ايه
فريد : دي شركتك ولازم تمسكيها معايا
فرح: انت موجود
فريد : وانتي معايا تساعديني في كل حاجه افردي انا جري لي حاجه متعرفيش تكملي
وضعت فرح يدها على فمه
فرح : متقولش كده ربنا يخليك لينا
قبل يدها على فمه
فريد : الأعمار بيد الله بس لازم تعرفي تديري شركتك يلا مستنيكي تحت
نزلت فرح لتجد فريد ينتظرها ركبت بجواره ووصلت الي شركتها نزلت لتجد لها مكتب بجوار مكتبه لا يقل فخامه عن مكتبه
فرح : زوقك حلو اوي
فريد : عجبك
فرح : اوي ربنا يخليك ليا
دخل كل منهما مكتبه بعد أن اعطي فريد ملف لفرح حاسبات تراجعها كما علمها في مصر
جلست تعمل وهي سعيده فقد كانت تشعر بالملل وهي تجلس وحدها في الفيلا
احتاجت ملف ذهبت إلى غرفه فريد لم تجد وقفت على كرسي تحضر الملف كادت ان تقع عندما تحرك الكرسي اسفلها دخل فريد ليجد الكرسي يكاد يقع فمسكها بسرعه من خصرها ونزل بها إلى الأرض
فريد : ممكن اعرف كنت بتعملي ايه فوق
فرح : بدور على ملف شركه عمي
فريد : مش هنا لو بصيتي على المكتب كنتي لقيتيه
فرح : طيب ممكن تبعد عني
فريد : لا طبعا انتي جيتي عندي برجليكي
وقبلها على عنقها
فرح : عيب كده ممكن حد يدخل
فريد : وايه يعني انتي مراتي وهنا عندهم حريه زياده عن الازوم
فرح : لينا بيت يا فريد
فريد : يبقى يلا بينا
فرح : الحقني يا فريد حاسه بدوار جامد
مسكها فريد بسرعه ثم حملها بين ذراعيه الي الاريكه وجرى احضر لها عصير ساعدها على شربه
فريد : انتي كلتي الصبح
فرح : ايوه بس لسه جعانه
فريد : طيب فوقي وتعالى ناكل عايزه تكلي ايه
فرح : محشي
فريد : يا لهوي اجيبه منين ده
فرح؛ : نفسي فيه
فريد : يلا بينا طيب
اتصل فريد بمطعم مصري واحضر لها اكل مصري ثم رجعوا الي البيت ثم ذهب إلى الطبيب
فرح : انا كويسه نروح لسه للدكتور
فريد؛ معلش عايز اطمن عليكي
دخلت للطبيب الذي أكد حملها وسط سعادتها جدا
فريد
بعد عامين
في صباح إحدى الايام قامت مي بروتينها اليومي أعدت الإفطار وصحت آدم لتذهب إلى الجامعه ويذهب هو الي ورشه ابيه يعمل مثل كل يوم مر عامين منذ زواجهما اخر يوم لها في الامتحانات وتنتهي من الجامعه تتخرج
سها : اخيرا يا ناس
اما فرح قامت من نومها على صوت طفلها وهو يداعب وجهها
فرح : حرام عليك يا فادي نفسي انام شويه روح صحي بابي
فريد : بقى كده طيب ماشي
فرح : معلش يا خويا نفسي انام حبه
فريد : عيب عليكي اللي يخلف الأشكال دي ينام
كان فادي يقفز فوق السرير وفوقهما
فرح : فاكر نفسه سوبر مان
فادي : انا نان نان
وكانت القفزه التاليه على صدر فريد
ضحكت فرح عاليا
فريد : ماشي يا فادي ان مربيتك
فرح : ابقى قبلني
عادت مي من الجامعه لتعد عشاء رومانسي على اضواد الشموع فهي منذ شهر تهمل آدم لتستذكر دروسها واليوم إنتهت الامتحانات قررت أن تعيد ذكريات شهر العسل
دخل آدم ليجد الشموع تضيئ المكان وهي مستلقي على الانتريه ترتدي قميص نوم حريري وينساب شعرها الطويل خلفها
آدم : ليلتنا فل يا جدعان
وتوجه إليها يحملها بين يديه
مي : انت مش جعان
آدم : جعان اوي اوي عايز اكلك
طفي الشموع وهو يمر بجوارها ودخل غرفته يقبلها ويضيعا في عالمهما الخاص
بعد اسبوع سافر آدم ومي الي ايطاليا كما اعتادا كل عام يبعث فريد لهما التذاكر لينعم برفقه اخته
كانت تركب بجواره الطائره وهي خائفه أثناء صعودها
ادم : ايه ده يا مي مش اول مره تركبي طياره
مي : بس قلبي بيقع في رجليا وهي طالعه
آدم : تعالى ليضمها اليه ويضع راسها على صدره
جاءت المضيفه تضع المشروبات لتبتسم وتسال
المضيفه : انتم عروسه وعريس
آدم : لا احنا متجوزين بقالنا ثلاث سنين
المضيفه : اللي يشوفكوا يقول عرسان يا بختكوا
وابتسمت ومشيت
مي : مالها دي بتقر علينا ولا ايه خمسه في عينها
وخمسين بايديها
آدم : ايه يا مي اتجنيتي
مي : مش شايف البت بتقول ايه
آدم : حقك عليا خلاص
نزلوا في مطار روما ليجدوا فريد وفرح ومعهم فادي ينتظرهما
جرت مي لتحضن فريد ثم فرح ثم تحمل فادي عاليا
بينما احتضن آدم فريد
فريد : وحشتني يا وحش اوي
آدم : انت اكتر والله
فريد : يلا بينا
وصل إلى الفيلا نزل الكل من السياره
فريد : نورتم ايطاليا كلها
جلس آدم يلعب مع فارس كان يركب فوق ظهره ويمشي به
نظرت فرح الي مي
فرح : آدم حنين قوي مش تتشتروا بقى وجيبوا نونو
مي؛ انشاء الله انا خلصت امتحانات خلاص وبقيت فاضيه
فرح : انتي بتخدي موانع حمل
مي : لا طبعا بس ربنا ماردش لسه وصراحه مكنش عندي وقت ادور ورا السبب
فرح : و حليمه سكتت ليكي
مي : انا في حالي وهي في حالها ولما بنتجمع في المناسبات بس اسمع كلمتين اطلعهم من الناحيه التانيه.
جلس الجميع حول مائده العشاء
فريد : عامل ايه في شغلك فتحت مكتب هندسي
آدم : لا والله لسه بشتغل مع بابا في الورشه
فريد : طيب انا عايز ادخل معاك شريك شوف مكتب حلو في مكان شيك وانا وانت وعلى نبقى شركه
آدم : يا ريت بس انت هنا في ايطاليا
فريد : انت تدير مش انا
آدم : طول عمرك صاحب جدع
فريد : ايوه والله انا صاحب عمرك يا عم عيب عليك
ايه رايكم يا جماعه نكمل القصه في شهر رمضان ولا نستني بعد شهر رمضان وانزل بارت كل يوم اكون كملتها يا ريت اسمع رايكم علشان اقرر اعمل ايه
أنت تقرأ
لو أننا لم نفترق
Romanceكان كل حياتها تعيش من أجله حتى جاءت لحظه حاسمة تخلي عنها وافترقا لكن الايام جمعتهم فهل تستطيع الغفران
