الليالي مع الحوريه
البارت (( 56 ))
#للكاتبه_ريم_نايف
انستا -kri.v2
تصويت 🤍🫀.
ـــــــــــــــــــــــــــــــــــ
للـهم صلِ عـلى محـمد وال محـمد 🤍🫀.
الـ مو هلا الـ منك هلا ترجعـني شاب
وكل سوالـفهم سوالــف زايـده ،،
عينـي أحطها بصورتك كاروك أصير
وأبچي وارجف رجفة المتواعده ،،
تلومني من اركض لمن وحدك تصير
أسـأل أمك شنهي گلب الوالـده
احمد الحرجاني
طلب زغيروني قبل لاتقرون، اريد تعلقون بين الفقرات رجاءا لان اكو مشكله بالواتباد لعندي،
ف ياريت تعلقون ❤️،
مـرن يـومين بهـدوى، وهاذا لهـدوى الذي يسـبق العاصفـه ،
رمد،
بين علاهن وبين جمره،
وحده اروحلها لفجر وحده لعصر،
تانيت علاهن اطيب خاطر احلن سالفتها، وعطلتني عن سالفتي ويا جمـره،
ماخليت احد يدري بعلاهن عدي، وصيت منعم يوصي اهله مايجيبون طاري لااحد،
واهلـها مامنهم لاحس ولاخبـر وسمعت يگولون بته متخربطا بالمستـشفى علـى ابـوها،
كل همـي احل سالفتها وارد احل سالفتي الطالت،
شنهي لاوين اضل عله هل حاله وي جمره لزوم احطها بيتي،
لچـن ابوي معاند وكل ماحاچي يرتفع ضغطه وتخربط،
.
🚫🚫 ممكن حيكون كلام يخـوف هنـا،
فـ الي تخافون، مشـو البارت لحد علامة 🚫🚫.
مـهرا،
امـددا عله فراشي بحجرة عمتي، والليله لليلة سلوى،ومنعم موش يـمي، وبالليتي انام بالمضيف، چي علاهن بالحجـره،
ضليت اتگلب عل افـراش احس هكـو شي ينغزني بالفـراش، گمت گلبت الفـراش، هم نفس لشي،
هكو وغزه قويه كل ماا اتمدد،
ضليت اتگلب اريد انام ماگـدر، لحجره هدوى،
گمت احس هكـو نفس قريب علـيه كلش،
اتلفت محد يمي،
لجن النفس يلفح بذاني وكلش قريب،
گعدت ونتجيت عل حايط، واتلفت باركان لحجره خايفـه،
حسيت هكو ايد تتلمسني، لچن ماشوف شـي،
صرخت،
وعله صوت صرخـتي گعدت علاهن
- ها ديه شمالج ؟
ضليت اتلمس بنفسي وابجي - هكو شي احس احد هنا
- صلِ على محمد هاذا اكيد جاثوم
- انه گاعده منين يجيني الجاثوم ؟
🚫🚫
- تعااي هنا يمـي خـل اقـرا عليج معوذات
رحت يمها وانه اتلفت بالحجره، وخايفه
جانت حافضه معوذات ضلت تقراهن عليه ،
ماگعدت اله لصبح، عله ندهت علاهن
- گومي حبيبه هاذا رجلج
گعدت واسمعه يصيح - مهررا
گمت شلت بالبوص وطلعت ،
حين الشافني تبسم - صباح لخير بويه شدعوه هل نوم هاذا والدلال ؟
بتسمت - صباح الخيرات
- جوعاان ميت جوع صبيلي ريوگ
عاينت لشمس طالـعه - جا شنهي بعدك مامتريگ ؟
- تريكت ويا العمال وهساع ارد اتريك وياج شنهي طلبيني ؟
ضحكت - لايابه موش تدلل ،
طلعت سلوى من لمطبخ تمسح بديها - ها بعـد وكت جاا ضليتي للعصر
خزرها منعم -
- شنهي جاا كاايله شي تخوزر بيه، بانيله بيت وانه ضاله اخدم بيها وبعمالها هاي الله يرضاها عبادا
- سلوى تسكتين لاتشوفين شي ماايسرج
- اي جا انه مخليني بس للتكفخ وهيا الها دلال
عصب - سلووووى كلت كاافي
حطيت منعم لزغيروني بالگاع ولتفتت علي بدون مارد عله حجيها - شتريد اسويلك ريوگ ؟
حجه بعصبيه - كلشي حتلو تبن
عاينت علي وجن اگله بعيوني "عليش معصب علي "
رخت ملامحه من نضرتي وتنهد - سويلي اي شي يعجبج
- ماشي
تعديت منيمها ولاجني اشوفها ولاهتميتلها،
ورحت للمطبـخ،
🚫🚫.مررها ان كنت تخاف
سلگت بيض وحطيت طماطه شوي،
دايرا وجهـي عن الباب ،شفت خيال بالحايط احد واگف بالباب كلش ضخم توقتا منعم،
من لتفتت ماشفت احد، ضليت ادور بعيوني بخوف بين جدران المطبخ ،جفلتني سلوى وهي اطب،
وعيونها عليه ،ضلت واگفه بالباب واديها مجتفتهن ومرجعتهن لصدرها، ومرتجيه عله بااب لمطبخ،
جانت بوجها بتسامه صفح، وعيـونها حمـر، سرت بجسمي رجفه،
ودرت وجهي وانه اتنافض من لخوف،
حجت بصوت خشن موو صوتها لطبيعي - ماراح اخليج تتهنين بي هاذا وعد
لتفتت عليـها بسرعه ماشفتها،
ضليت اتراجف من الخـوف،
صوتـها عيونـها كلامـها كله غريب،
شنهي لااسوي يو حاجيت منعم ماضن يصدگني،
وانه بنفسي مامصدگه روحي، شلون هيج يصير،
بعدها نضرة ذاك ليوم عارضه جادامي انوب هل مره صوت ونبرا،
كل ماذكر صوتها وشكلها تنزل دمعتي من الخوف،
فزيت من هيست واحد حط ايدا علي وصرخت،
🚫🚫
،
منعم مستغرب - شنهي شمالج
حضنته وضليت ابجي.
لفاني بين ادي وضل يسئل - گليلي يضوه عيوني عليش تبچين ؟
- منعم خايفه
- منين شنهي المخوفج
رفعت راسي واريد اگلـه، لني اشوفنها ورا تهز براسه وتحچي بصوت خشن - ماراح يصدگج
