هز راسو غزرلهم..عينيه وساعت وهو يسال فيهم
-وين بش تمشي
غزرتلو ميسونشادة الضحكة بالسيف ..شاخت عليه كيفاه دخل بعضو
دارتلو ...خدوج ....وهزت حاجبها
-يا وليدي مالا ناويين بش تجيو كي الضيفان في ملاك اختك ..ماو ..يلزمك ..تجيو..قبل بنهيرات
نفخ بتوتر.وحك لحييتو
-اي قبل بنهيرات ..مش قبل بجمعتين تهبط لتونس ...وزيد انا ما نجمش نخلي الخدمة توا ...في الوقت هذا عندي برشا خدمة..وما نجمش نهملها.يا امي....
-مالا تسبقك هي لتونس وانتي اخلط كي تركح اومور خدمتك
-شنيا تسبقني هذي يا امي ...وعلاش ..ماشية هي ..تو كي..نجي لتونس ...نهزها..معايا
-لا يا وليدي وه كيفاه ...يلزمها تجي قبل ..وزيد .مرتك حبلة..خليها..معانا..نتلهاو بيها..وانت ..تلها..في ..خدمتك
هبط راسو..وحك ..رقبتو..ومسح علا وجهو..بعصب...حركة..يعمللها..كي يبدا فاد...ومتوتر...
هز راسو ..غزرلريما ..بعينين ذابلين ..كانو..يقلها..خليك..ما..تمشيش..عينين يتراجاو ..فاها...خاطر..يعرف.. روحو..ما. يصبرش عليها..ويتوحشها...
تي هي بين ايديه..وهو..يبدا ...متوحشها...ومش شابع منها..خلي كان ..تمشي،.لتونس جملا...
دارت ...ياسمين..وخزرتلها
-ميسون.ضاهرين فينا بش نعملو جو
تبسمت بالسيف ...مسكينة..
ايمن..قطعة..منها..وما تنجمش تبعد عليه جمعتين ..كاملين..وفي نفس الوقت ..ما تنجمش ..تكسر..بخاطر..حماتها....وياسمين....
...
يمشي ويجي ..في بيت النوم ...وهي متربعة..عالفرش تغزرلو ..وعينيه..تخبلت...ضاهر..متوتر..ومش عاجبو..الوضع
نفخت في قصتها..وخزرتلو..
-ايمن..خبلتلي عينيا والله
تلفتلها..حط ايديه ..في مكاتبو...هز حاجبو..وغزرلها..
-انتي تحب تمشي ....
هزت راسها....وغزرتلو ...
-مش حكاية ..نحب..والا ما نحبش ايمن..اما.هذا ملاك اختك ..يلزمني ...نمشي..انت ..عندك..خدمة.انا نعوضك
نفخ بالقوي ..وقربلها....
-بربي كيفاه وانت حبلة..تي نعرفك ..ماتنجمش تتلها بروحك ...معناها..تستخايلني ..بش نخليك ..تمشي لغادي....وانت في الحالة هذي ..لا وزيد بش تخليني ..
هزت اكتافها...وغزرتلو
-ايمن..منيش ماشية..لغابة..راني..ماشية..لداركم....وزيد امك ..مش..بش نكسرو بخاطرها.
قعد حذاها في الفرش ...
حك لحييتو..وغزرلها في عينيه..
-اممم وانا ..نرمال تخليني..ميسون
تبسمت ..وقربتلو..تعدي في ايديها علا لحييتو....
تنهدت. وقتلو
-مش بيدي..يا روح ميسون
-اممم مالا ما تمشيش ...نتوحشك انا
-حتا انا...
بدا يقربلهااكثر...وانفاسهم ..تخلطت.....
-خليك ...
-تعرفني نحب نقعد اما ...
قص عليها كي حط شفايفو ..علا شفايفها...وحس بسخانتهم...
حطت ايديها علا رقبتو ..وبدات تبوس فيه ...
الريتم ..قوت ..وولاو ..يلهثو..الزوز...هبط راسو...ومزال مغمض عينيه
-معناها ...مافماش حل ...
عملتلو براسها لا ...
-malheureusement
-اممم ..وانا كيفاه نعمل ..كيفاه نصبر عليك...جمعتين....
-ما نعرش انا ..بيدي ..ما نعرش ....
،..............
...
قاعدين ..يفطرو ...خدوج ..توكل..في ميسون..وتعلفلها..وهي مسكينة..بش تتفلق ..من كثر..الماكلة...
وياسمين تضحك عليها
-يا امي ..بالشوية ...سايس عليها ...تقول جاموس مش عبد
-اي امي خديجة..واله حمداله .شبعت
عطاتها الماء تشرب فيها
-لا بنيتي ..يا غلبة..بلزمك ..تتغذا مليح..وتقوي بدنك..بالقدا ......
عندك روح اخرى تاكل ..معاك راو .....
....
دخل ايمن ...ورما المفاتح عالطاولة
-عالسلامة..يا جماعة
-عالسلامة ..وليدي ..اي ايجا افطر
-لا ما عينيش ...نحب نعمل ..دوش ...
دخل لبيتو ومازاد حتا كلمة...ضاهر ...فاد..ومتيقر...راسهم..تكسر...وريقهم
نشف البارح ..بش نجمو..يقنعوه..بش يخليها تمشي.....
راسو ..كاسح...ما ركحلهم ..كان بالسيف ..وما وافق ..كان خاطر،...ياسمين..ولات ..تمخط..وتبكي...وحلت مناحة ،،،.
ما اصح راسو...
غزرتلو..وتنهدت....
قامت..مشاتلو...تلقاه لاف منشفة...في وسطو....يفركس علا حوايجو....
كالعادة...بدنو...ديما..مسيطر ..عليها..تبسمت،...وحدها..
كي رات ..صدرو...هبطت ...راسها...وشبكت..صوابعها.....
وقدمتلو ...
-ايمن...
واقف في الدرسينغ...يجبد في حوايجو..وعاطيها..بضهرو...
جات وراه طلعت علا تراتش صوابعها..وباستو ..من كتفو...هبط راسو ..وتلفتلها...بويسك..هو اطول منها...
ضحكلها....وباسها..من..خدها.
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
