Liars Go To Bed (SPG) (Ongoing)

Chapter 13

Lola's POV

"H-ha?" iyon lang talaga ang kaya kong sabihin pagkatapos kong marinig ang mga sinabi ni JD mula sa kabilang linya. Sa totoo lang, hindi pa nagpoproseso sa utak ko ang mga sinabi niya. Wala rin sa loob na napabangon ako mula sa aking pagkakalublob sa tub matapos kong marinig ang mga sinabi niya. Nagririgodon na naman itong puso ko.

"Where are you?" bigla ay pag-iiba niya ng usapan.

Napalunok ako ng laway at napahawak sa dibdib. "N-nasa bahay. Bakit mo natanong?"

"Liar. Wala ka rito sa condo mo. Nasaan ka?" mabilis na sagot nito na ikinalaglag ng panga ko.

"A-ano? Teka, paano mo nalaman? N-nasa condo ka ba ngayon?" Teka saglit. Paano niya natunton ang address ko? Wala naman akong natatandaan na may binigay akong address sa kanya. Come to think of it, hinatid niya ako dati sa tapat ng condominium building pero dahil sa preoccupied ang isip ko ay hindi ko na iyon tinanong pa. Bakit parang ang bilis naman yata ng lahat ng pangyayari? Bakit biglang nagkakaganito ang kumag na 'to? Ano na naman bang gusto niya?

"Kailangan kitang makausap. I should've asked you first bago ako pumunta rito. I am completely embarrassed. Pinagtitinginan na ako ng mga tao rito..." aniya sabay narinig ko mula sa background ang maingay na tilian ng mga babae.

Natampal ko ang noo ko at mariing napapikit. Gosh! Bakit nangyayari ito sa akin? Kung kailan naman kailangan ko ng beauty rest ay saka naman nanggugulo itong si Mr. Vhajayna! Ang weird talaga nitong si JD. Galit na galit siya kanina at bigla-biglang manghahalik at sasabihing palabas lang ang lahat, tapos ngayon gusto niyang makipagkita?

Bwisit talaga!

Napahinga ako nang malalim at saka naglakas-loob na tumugon sa kanyang tanong. "Give me 40 minutes..."

*****

Madaling madali ako na mag-ayos ng sarili ko. Mabuti na lang at marami pa akong damit dito sa mansyon kung kaya't nakapagpalit ako kaagad at sumakay sa kotse ko. Kahit na ayaw ko pa munang mag-drive ay pinaharurot ko na ang sasakyan pabalik sa aking Condo Unit.

Pagkarating doon sa building ay hindi nga nagsisinungaling si JD nang madatnan ko na halos mapuno na ang buong lobby ng mga hindi magkamayaw na fans.

Halos hindi na sila makontrol ng mga empleyado sa pagdagsa. Mabuti na lang at naka-disguise ako ngayon. Simple lang ang suot ko ngayon at nagsuot din ng black shades. Napakuyom na lang ako ng kamao at unti-unting napapikit habang nagpipigil ng galit.

Ang unit ko ay sa 7th floor pa. Kung gagamit naman ako ng elevator ay madali akong mapapansin ng mga fans ni JD. Shuta talaga! Balak ba niya akong pahirapan?

No choice ako kundi ang dumaan sa emergency staircase. Kahit na simple ang suot ko ay naka-heels pa rin ako. Magsisinungaling ako kung sasabihin ko na hindi ako maiiyak habang paakyat ng hagdan. First floor pa lang ay ngalay na ngalay na ako sa pag-akyat. Ini-imagine ko na ang malakas na pagbatok ko kay JD kapag nakita ko siya.

"Humanda ka talaga sa 'kin, JD!" hiyaw ko habang papaakyat.

3rd floor.

4th floor.

5th floor.

6th floor.

Pagkarating sa 7th, mabilis akong lumabas ng emergency room. Hindi ko namalayan na may kung ano na pala na humila sa akin. Muntik pa akong mapahiyaw ngunit may isang kamay pa na nagtakip ng bibig ko. Bago ako matangay ng kung sinong tao na ito ay nahagip pa ng mga mata ko ang dagsaang tao sa harap ng condo unit ko. That's when I realized that there are doors closed at my face.