يبقي الوضع على ما هو عليه لحد مافي يوم والد مريم بعت لـ حج محمد انه عايزه في مكتبه
حج محمد : تحت امرك يا بيه بعتلي انك عايزني !
مندور : اه ياعم محمد كنت عايز اسالك على الشيخ اللي قلتلي عليه عندكوا دا ! عشان نشوف لو كده نروحله
حج محمد اتوتر : الصراحه يا بيه انا كمان كنت عايز اقولك على حاجه ومتردد بس لازم اقولك
مندور : خير ياعم محمد قلقتني !
حج محمد : سامية مراتي كانت بتروح للشيخ دا عشان يشوف بنتي وتحمل وكده وانا مكنتش اعرف المهم وهى راحه تبشره بحملها شافت …. شافت وبدا يقطع في الكلام
مندور بقلق : شافت اي ؟!
حج محمد : لقت صورة بنت حضرتك وعليها علامات وحاجات غريبه مكتوب عليها مرض وفشل وموت وكراهية ووجع مكتوبين بلون احمر بتقولي زي ما يكون دم .
مندور والخوف مسيطر عليه : انت متاكد إنها صورة مريم بنتي
حج محمد : سألت مراتي نفس السؤال والله واكدتلي انها مريم بنت حضرتك هي عارفاها كويس
مندور بإنفعال : لازم اروح للشيخ دا واشوف مين اللي عامل فيها كده
حج محمد : طب هدي نفسك يابيه عشان مش تتعب و ان شاء الله هتتحل
⇠ مندور من كتر حزنه على بنته مش قدر يستحمل كم التعب اللي بتشوفه ووقع ونقلوا المستشفى
الدكتور : الف سلامه عليك يا مندور بيه اجهدت نفسك انت الفتره اللي فاتت دي واهملت الفحوصات خالص وادي النتيجة عضلة القلب عماله بتضعف ولازم التدخل الجراحي " عملية قلب مفتوح "
مندور : الله يسلمك شوية تعب وهيروحوا لحالهم انت عارف رأي يادكتور في العمليه دى
الدكتور : مهو مش هينفع للاسف انت ممكن تتعرض لـ سكته قلبيه مرة واحدة ودا نتيجة ضعف عضلة القلب
مريم بعياط : بعد الشر عليك يابابا اعملها عشان خاطري أنت بتجهد نفسك كتير
مندور : لا بلاش على الاقل دلوقتي
الأم : لحد امتى هتأجل فيها وتهمل في نفسك … !
مندور : متخافيش انا هبقى كويس وبعدين نشوف العمليه دي اوعدكوا بس مش دلوقتي ينفع اخرج امتي يا دكتور ؟
الدكتور : يومين كده تبقي تحت الرعاية هنا في المستشفى ونعملك الفحوصات اللازمة بعد اذنكوا
مندور : اتفضل يا دكتور لو كده اندهولي ماجد ومحمود عشان عايزهم
⇠ مندور اتكلم مع ماجد ومحمود وعرفهم على اللي قلهوله عم محمد و انهم هيروحوا للشيخ دا عشان يعرفوا مين عمل كده بس من وراء مريم
*************************
محدش سأل عن اختفاء اسامة يعنى 🤔 ! هقولكوا انا مش لازم تسألوا
اسامه بيتابع من بعيد لـ بعيد لأن الوقت دا بالذات مريم مش حابه وجوده وقلنا دا طبعاً بسبب الجن العاشق ليها بيخليها غصب عنها مش حابه اسامه ومن غيرة الجن عليها يخليها تاذيه كمان عشان يبعد عنها .
فهو اتفق معاهم يكون بعيد الفتره دي عشان مش ياثر عليها وبقي يطمن عليها من أصحابه ورغم كل اللي مريم بتمر بيه إلا أنه متمسك بيها جداً
*************************
ماجد ومحمود عند الشيخ عوض
محمود : يعنى ايه يعنى ؟!
الشيخ عوض : زي مابقولك كده مينفعش تعرفوا مين اللي عاملها السحر دا بس انا ممكن افكهولكوا
ماجد : طب ماشى مش مهم نعرف مين دلوقتي طالما تقدر تفكوا
محمود : ازاي بس يا ماجد احنا عايزين نعرف بردوا مين اللي آذيها الأذى دا كله ؟!
الشيخ عوض بمكر : ممكن ابقي اشوف واحاول اعرفكوا بس لو كده لازم اشوفها عشان نفك السحر الأول .
⇠ خلصت مقابلتهم والشيخ مسك تليفونه الو ….
الشيخ عوض : كانوا لسه عندي هنا وعايزين يعرفوا مين اللي عاملها كده ؟!
……… : يلهوي وبعدين اوعي تكون قولتلهم حاجه ؟
الشيخ عوض : ياباشا قلتلك سرك في بير بس عدم اللامؤاخذة هما كانوا عايزين يدفعوا عشان اقول مين ف…….
…….. : هدفعلك اللي انت عايزه بس متجبش سيرتى وهما عرفوا منين انك انت اللي عامل السحر ولا وصلولك ازاي ؟!
الشيخ عوض : ماشي ياباشا الله اعلم بقى عرفوا منين
⇠ الشيخ عوض هو اللي مرتب لـ كل دا وكان قاصد يحط صورة مريم عشان الست سامية تشوفها وتعمل اللي حصل دا كله واللى رتبله حصل بالظبط مش قلتلكوا سرو باتع إما بالنسبة للشخص اللي عمل كده في مريم يا ترى مين بقى ؟!
*************************
ماجد ومحمود بلغوا والدهم كلام الشيخ وانه عايز يشوف مريم وكده مريم لازم تعرف ولما عرفت انصدمت وسكتت ووفقتهم انهم يروحوا عشان يفك السحر اللي معمولها .
مريم بتتكلم في التليفون وبتعيط : ليه الأذى دا كله هو انا اذيت حد لدرجة انه ينتقم مني بالشكل دا انا مصدومه بجد ليه بيحصل فيه كل ده !! هو انا وحشه يا اسامة ؟!
⇠ زى ماسمعته كده بالظبط مريم حست إنها محتاجه تتكلم معاه هو وتطلع اللي جواها وهى عارفه بردوا انه موجود معاها بس من بعيد لـ بعيد عشان مش تتعب وطبعاً اسامه رغم أنه حزين على اللى بيسمعه منها وزعلان عليها لكن مبسوط إنها كلمته وشاركته حزنها .
اسامه بحزن : وحشه ! لا انتي مش وحشه يا مريم بس الناس المؤذيه كتير ودا حد مش عارف يوصل للي انتي وصلتيلوا من نجاح وتفوق سواء في شغلك بقى او في حياتك عموماً وصدقيني احنا معاكي وربنا كمان معاكي مش هيسيبك
مريم : يارب يخلصني من كل اللي انا فيه دا لأني معنتش قادرة وعايزة ارجع اعيش حياتي زي الأول 😢
اسامه : هيحصل والله وهتبقى احسن من الأول كمان وادينا هنشوف الشيخ دا هيعمل اي ! وعايز اقولك
إنك اطيب وانقى قلب شوفته في الدنيا دي كلها ❤
*************************
محمود وحور في الكافيه
محمود : حقك عليه مقصر معاكي اليومين دول بس اديكى شايفه بابا وتعبه ومريم واللى كل شوية بيحصلها في موضوعها دا واخر حاجه الشيخ اللي رحنالوا وبجد الواحد في لخبطه جامده
حور : انا مقدره كل دا والله ومش زعلانه منك بالعكس زعلانه على مريم اوي….. ومين اللي هياذيها كده وليه اصلاً !
محمود : والله مش بقيت عارف حاجه خالص بس اللي اعرفه اني مش مرتاح للشيخ دا
حور : مش تزعل نفسك طيب وروق كده وان شاء الله خير وكل حاجه هتبقى كويسه
محمود بابتسامة : ربنا يخليكي ليا وجودك بيهون عليه كتير
حور : ويخليك ليا يارب ياحبيبي
#ندي_صالح
أنت تقرأ
رواية سجينة الجن 🔥
Mystery / Thrillerقبل اي حاجة احب اشكر كل اللي شجعني في كتابة الرواية دي رغم ان كتابتها كانت في فترة صعبة بالنسبالي بس الحمد الله تمت بفضل ربنا وبفضل تشجيع صحابي ليا بشكركم من كل قلبي واتمنى اكون عند حسن ظن الكل والروايه تعجبكم ❤❤ وفي شكر خاص لابن خالي واخويا " شا...
