🔥 اكرام توبتي 🔥 ( الدارجة المغربية ) تيما مبارك

الجزء 43و44

🌙 رمضان كريم  🌙

        ✳ الجزء 43 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

وصلات الخضانا و وقفات كدق حتى خرجات عندها المربية ديال شمس طلعات اكرام و هبطاتها من شحال كتشوفها دايزة هي و نادية

***:شي حاجة
اكرام:جيت ندي شمس
***:سمحي ليا خاص ولي امرها
اكرام:راه هما لي صيفكوني
***:واخا تسناي

دخلات الداخل و صونات لنادية و تصاب بصح نادية مشي في الدار في المدينة و عوالة على شرف يجي يدي شمس لكن عولات على الخلى كيف سماتها هي قالت ليها تعطيها ليها مشات عند شمس لبساتها محفظة ديالها و خرجاتها عندها غير شافت اكرام عرفاتها مشات كتخلف عندها اكرام هزاتها كضحك معاها

اكرام(كتهرها):اش هذه الفنون ياربي غير ديال الماكلة
شمس(كتلعب و ضحك معاها)
اكرام:فيك الجوع
شمس(هزات براسها)
اكرام:بلاتي ناخد ليك شي حاجة

دازت عند مول المحلابة و وقفات حتى وصلات نوبتها:عطيني واحد جوج طاكوس دجاج و جوج كانيطة ديال الموناضة
***:هي الأولى ابنتي

شمس كتجري في الحومة و ترجع عندها و هي مراقباها و رادة ليها البال و هذه هي الامانة لازم تصونها حتى كمل السيد و خدات من عندو سخرة و شداتها من يديها و زادو دازت من حدا قهوة الباها ردات ليه الباب و ضحكات رخات من اكرام و مشات كتغوت

شمس:باباااا
شرف(شاف في شمس ناض عندها هزها كي بوسها و يضحك معاها):حبيبة بابا الله يخليك ليا جيتي مع خالتو اكرام
شمس(هزات براسها):اه
شرف:مزيان ا بابا يالله سيري معاها نكمل و نجي ندي بنتي تغدا صافي

هزات ليه براسها و حطها مشات عند اكرام شداتها و دخلو المحال جلسو الداخل و حطات ليها طاكوس ديالها حلاتو و خداتو شمس كتعض منو و تاكل البطاطة منها كضحك الساعة  2 كلها كي كون مخشي في دارو كي تغدى اما شرف كي حك لحيتو بيديه و كي شوف في العون

العون:كي بان ليا كتعامل معاها مزيان
شرف:ها انت كتشوف ا سيدي معارفاكش گاع شكون انت و كلشي جيتي تشوفو على عينيك
العون(وقف):كلشي باين ا سي شرف
شرف:انا لي عندي هي بنتي تكون بيخير و تعيش مع باها و الام ديالها لي هي خطيبتي هذه الشي لي باغي
العون:ان شاء الله ما يكون غير الخير قول ليا ا سي شرف في التصريح قالت ام زوجة ديالك انك سكايري
شرف:انا حشومة گاع واش كاين لي يشرب ها انت كلشي شفتيه على عينيك ياك جيتي على غفلة
العون:واخا هاكداك لازم علينا نتأكدو

دار شاف في لي معاه جبد الة كتعبر الشراب شرف بقا كي شوف فيها غي الاخير دارها في مو  و نفخ منين بعدها العون شاف فيها و شاف في شرف🌙 رمضان كريم  🌙

        ✳ الجزء 44 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جالسة في عندو و هو كي شرح ليها و هي كتشوف فيه كلشي فاهماه حيت شرحات ليها مينا و صيفطاتها واجدا اما هي هنا جات غير تشوفو و تسمع صوتو حسباتو الكراش ديالها

نوفل:ها انت اي واحد جا عندك لاكارط ناسيونال يا عيصيفط يا عيستقبل كاين واحد النوع لي عيجي عندك و قول ليك السيد لي قبل منك راه دوز ليا بلا لاكارط هذه مكايناش

ايناس:كيف عندير نتعامل معاه
نوفل:صوني عليه قدامو هو عيمرگ
ايناس:مزيانة هذه

نوفل(كي قاد الجلسة و يصايب المكانة):كذلك كاين واحد النوع عيجي و يبقا يهدد انا هذه انا هذه قال ليه حبس ا سيدي انت راك كتهدد الشركة مشي كتهددني انا اي واحد هضر معاك ناقص خرج عينيك لي بقا كي شوف فيك شوفي فيه حتى يحشم

ايناس كتشوف فيه و خرجات عينيها بالصدمة و هو ضحك

نوفل:طبعا انت معتقدريش تشوفي فيه حيت بنت عتجيك عجب
ايناس(ضحكات):حشومة جات حتى العتبة ديالي و حشمات في بلاصتي

ضحك حتى كدخل المرأة حشمانة لابسة حليليبة في الخزي و دايرة شال على راسها تبسمات ليهم

***:سلام اوليد
نوفل:وعليكم السلام الآلة اش حب الخاطر
***:بغيت نسولك انا خدامة في واحد الشركة كندير الميناج و قالو ليا خاصني RIB واش متعطيوه
نوفل:باش تاخدي RIB خاصك تحلي معانا الحساب
***:أهاه نحلو شنو خاصني نعكيك

نوفل:لاكارط ديالك و نمرة تيليفون حتى هي صافي
***:و كي دوز ليا في الحساب

توفل:اخ كي دوز ليك الحساب منعطيوك الريب  و كتعطيه الشركة هكا كي دوزو ليك الفلوس فيها و عن طريقنا كتاخدي فلوسك و تقدري تسكبي من اي وكالة كاش بليس
***:كي كونو الاقتطاعات
نوفل:من 500 درهم التحت
***:و بشحال كي تفتح
نوفل:الحساب كي تفتح فابور

***:أهاه واخا نفتح معاكم
نوفل(شاف في ايناس):عنوريك كيفاش تفتحي الحساب

ايناس(شافت فيه كي فتح و تبعات معاه حتى الاخير مد المرا الريب و لاكارط ديالها و مشات بحالها و الهبيلة شافت غيه):عرفتي ا نوفل باش كنتي كتدوي مع المرة كيف جيتيني
نوفل:كيفاش
ايناس:كتشرح ليها كيف هدوك اي كي جيو يبيعو في الديور هذه بلاش هذه بلاش هذه بلاش كي جيو لشيتة السنان و كي بيعوها ليك ب 20 درهم

نوفل بقا كي شوف فيها و هو يضحك عاد عاقت السيدة اش خرجات من على فمها كون غير بقات ساكتة ولا هذه الخرى لي طلقاتو من فمها