انفتح الباب واني بسرعه درت وجهي لناحية الباب
شهم : ها اسف اسف بس نسيت سويج السياره
تالين : لا عادي ما كو مشكله
شفت السويج بل حافه مال تخم شلته بسرعه
تالين : هذا ؟!
شهم : اي اي
وتقدم وراد ياخذ السويج ولزم ايدي اني بسرعه وخرته ما اعرف حسيت بشعور غريب
شهم : اسف مو قصدي
وبسرعه دار وجه وطلع وسد الباب
واني ضليت مصدومه هذا متعمد لزم ايدي؟! لو صدك بل غلط ما ادري
رحت كملت ترتيب الاستقبال ؏ السريع وطلعت اجتي وتين كالت راح تجي سكر اليوم تعايدنه وجايبه كليجه ام التمر وياها كلتله
تالين : اييي احنه ما مسوين كليج ومشتهيته صار هواي وتين : اي اني هم مشتاقه للكليجه
اجتي سكر وراه بساعه اجت ليليان صدفه بدون ما تخبرنه وعلي نزل من فوك وتفاجأت وكال
علي : والله ملتمات بوكتجن
كالت سكر : ليش شكو شصاير
علي : لا ماكو شي بس عرسي وره العيد بيوم
كله تفاجأت يمعود صدك تحجي غير تكول قبل فتره
سكرا : ليش هيج علي ونوب مو اسبوع ثلاث ايام بس وين نكدر نجهز نفسنه
ليليان : لا اني ما اجي العرسك لعد هههههه
علي : اصلا منو كللكم اني اريد اسوي عرس
كله كالت لعد شنو
علي : اني اريد اسافر بفلوس الحنه والعرس ليش اصرفهن واني كلشي ممستفاد نروح اني وهيلين نسوي سفر حول العالم
ليليان : والله خوش فكره عاشت ايدك
ام تالين : يا يمه عيب من الناس شنكللهم
علي : سحر حبيبتي مالج علاقه بالناس اني وياهم راح اكول ما عدنه عرس وروح اني ومرتي نتونس
ام تالين : والله يا يمه هيه حلوه الفكره مالتك بس خاف ابوك ميقبل
علي : والله اذا ابوي كاتل روحه خلي يسوي عرس ؏ حسابه للجني لان اني حي لو ميت مسافر مسافر
وتين : اخذني وياك
علي : حته هنا حاطه روحج ههههههههه
تالين : عود ليش يعني انت متريدنه نفرح بعرسك
علي : لا شون اريدكم تفرحون بس انتو تفرحون ؏ فرحي
تالين : صح نفرح ؏ فرحك بس تره انت الاخ الوحيد ونريد نفرح بيوم عرسك وذا هيه منطيتك الفكره ف هيه ما عده شي لان عده كومه خوات واهله مالين من الاعراس وشابعين ويكيفون لا خطار ولا مصاريف
ام تالين : صدك يمه اختك تحجي صدك
سكر : والله صحيح انته اخونه الوحيد ولازم نفرح بيك
علي : هاا ما ادري افكر وارجعلكم خبر
"علي "
استئذنت ورحت صعد لغرفتي وضليت افكر اني شون ما فكرت بلشي الكالته تالين صحيح كلامه هيه عده ست خوات وكلهن مزوجات واهله ما يفرقلهم اذا سوينه عرس وذا ما سوينه وهيه تقنع بيه هيلين واني ولا فكرت بفرحة اهلي. لازم ااجل العرس وما اسافر وذا اريد اسافر شهر عسل شدعوه بخلان ؏ فلوس العرس
ليليان : هذه مبين هيه الكايلته يسافرون لان اخته الجانت صديقتي هم حاولت تقنع زوجه يسافرون وما يسون عرس لان ابوه بخيل كلش ؏ بناته
ام تالين : اي صدك ابوهم كلش بخيل ودائما يسوي مشاكل ؏ الفلوس
وتين : يابه هسه شعلينه احنه خل يسافرون اذا يريدون
" تالين"
رحت لغرفتي ما ادري ؏ غفله حسيت نفسي انانيه وخبيثه هههه بس والله حقي يعني اخونه الوحيد وما نركص بعرسه الله يسعدهم ان شاء الله
ضليت العب بل تليفون راسلتني صيدقتي رؤيه وضلينه نحجي ونسولف رؤيه صديقتي الوحيده واحجيله كل اسراري سولفتله على بيت عمي شكد حلو بيتهم وجبير وشكد حلوه حديقتهم وشون عدهم حيوانات واحصنه
طبعا اني رؤية نحب نفس الاشياء حته هيه تريد تصير دكتورة اسنان مثلي ونريد نصير بنفس الكليه طبعا اني و رؤيه من لمن جنه صغار صديقات
اريد اكللكم سر رؤيه تحب علي هيه ما كايلتلي بس اني اعرفه كلش زين تصرفاته واهتمامه بعلي اكدلي هذه الشي مرات احجي ؏ علي وهيه تدافع عنه دائما
ولمن عرفت خطب صار حديثنه قليل اني افتقده دائماً ولمن احجي وياها تصفن وتبجي واكلله شبيج تكول ما بيه
المشكله مو هنا المشكله هيه تحبه من زمان و علي يعتبره مثلي حته مرات يشتريله وياي لمن يشتريلي هيه عباله يحبه ويشتريله بس متدري هوه ؏ محبتي
أثناء حجينه كالت تالين اريد اكلج شي
.
.
.
.
.
.
**************************
هذه البارت كلش قصير بس والله مو بيدي
