٥________٦
#بارت٥
عزيز العاشقين ذليل 💘
تطورات سريعه
وما بين حب وحب احبك انت ❤❣❤
وما بين واحدة ودعتني وواحدة سوف تأتي💘💘
افتش عنك هنا وهنا لان الزمان الوحيد زمانك انت😍
......
الله على كلماتك ابن قباني 😢
وهنيالها لبلقيس المحظوظة😏
اللي سمعت من هالكلمات ما تجعلها تحسد من كل النساء العاشقات للشعر 😍😍
...................
سنا :
بهذاك النهار بقيت انتظر وللعصر واهلي ماكو متت بقهري والدمعة بطارف عيني صار المغرب وهم هاجت عندي الشقيقة ووجع راسي ذبحني اتصل بامي مغلق وابويه ما يرد ورائد نفس الشي ضل بالي عليهم اتصلت بقائد صوته مدري شبيه بس كال ما يكدرون اليوم يجون على ثاني يوم معناها امي ما راح تبات ولا اشبع منها لان اكيد بابا عنده دوام ورأئد وقائد واسامه يحتاجوها
غطيت وجهي وبجيت كاعدة وحدي بالغرفة دخلت رند وبقت تريد تواسيني واني دموعي تزيد دخلت وجد للغرفة مسحت وجهي ما الي حيلها تضل تنتقد ضعفي ودموعي
شويه كعدنا وبعدها رحنا للمطبخ نحضر بالعشا همه يسولفون واني التزمت الصمت واتفرج راسي احسه كام ينطيني انذارات
بين ما نسولف فاتت وجد ونظرها الي وتسولف ويه اسماء
-اسماء اليوم اختج نور كانت الها مغامرات بالمدرسة لج راح تخبلني شكد وكحه هاي متضاربه ويه بنية ومأذيتها اجتنا حجابها بايدها وقميصها مكطعه الدكم تكولين كاعدين بحلبة مصارعة مو ثانوية هالنوب دزوا عليه بصفتي اقاربها الا شويه اموتها من كثر ما لسان وترادد
اسماء:يا هاي شبيها تخبلت وجد فدوة انتبهي الها تدرين هي ويه زوجة ابوي بقت وهيج صارت يا ريت لو تخليج على راسها لا تعوفيها
وجد:اكيد ابقي عيني عليها جايه توصيني بس تدرين من افتهمت المشكلة عذرتها البنية كايله عنها امها ميته وخدامه لزوجة ابوها واخوانها وهاي كدام صف كامل مو بيناتهن واختج الله يسلمها ما تعرف تتجاهل ولا تغلس مكسرتها الا شويه والمدرسات هم رزلوها للبنيه واللي عجبني نور وكفت وتكول الكل يسمعني اذا اني خادمه فخادمه لابوي واخواني واهلي مو للناس واي وحده تجيب سيرتي اكص لسانها بصراحه تصرفاتها ابد مو لعمرها احسها فاهمه الدنيا صح رغم اندفاعها من هاي علي كاتل نفسه عليها هههههه
سنا:
واكفه واسمع وضجت لما عرفت علي يريد اختها لاسماء والظاهر الكل يعرفون بهالشي بقيت ساكتة وضجت مو لان احبه ولا رايده شي منه بس ما اعرف يعني ليش العائلة كلهم يحبون منهن اسماء وعلياء وهاي نور هم مثلهن
طلعت من المطبخ تلكاني علي راد يسولف ويايه تعديته وتعذرت بوجع راسي مو من حقي اسولف وياه وهو رجل مرتبط تقريبا مو اني اللي انزل نفسي
رجعت لغرفتنا وكعدت وحدي لحكتني وجد بس احسها تغيرت هواي من ناحيتي كعدت مقابيلي
-سنا شنو شبيج اليوم احسج متضايقه
-مشتاقه لاهلي
-الصبح يكونون هنا فاضل اتصل بعمي وسأله ليش ما اجو كال على باجر عمه ام رائد والولد يجون
-وبابا
-لا صارت عنده شغله وما يكدر يجي
