..
هيفاء : ما تدرين وش صار على أختها ؟؟
ريم : تقول مشاعل شلل نصفي ..
هيفاء بانزعاج : أووف .. وكم عمرها البنت ؟؟
ريم : تقريباً 15 سنة 16 ..
هيفاء بزعل : لا حول ولا قوة الا بالله .. توها صغيرة ..
ريم تشرب العصير : يفكرون يجيبونها هنا ..
هيفاء : الله يشفيها ويصبر أمها ..
دخلت زينة الصالة وقعدت جنب ريم ..
زينة : مين اللي تعبانة ..
ريم : أخت مي ..
زينة تأخذ عصير : مين مي ؟؟
ريم : اللي تشتغل مع امي ..
زينة لسة ما فهمت : قد قابلتها أنا ..
ريم تناظرها وتبتسم : لا .. بس قابلتِ مشاعل ..
زينة تهز راسها : اها .. ( تبتسم ) فهمت ..
هيفاء رافعة حاجبها : تكون زوجة اخوها ..
زينة ابلعت ريقها واحمر وجهها .. ريم أنقذتها وضمتها وباست خدها .. زينة وجهها احمر بزيادة ..
ريم بوله : مو ذنبنا اذا هم يجننون ..
بعدتها زينة بخجل : ريم ..
ريم : امرك يا روح ريم ..
لكن ريم قربت اكثر وعضت خدها بسرعة ..
زينة تبعدها وبصوت واطي وبين اسنانها : ريم .. وش فيك جنيتي ..
ريم بابتسامة عريضة : طيرتِ عقلي ..
زينة بتقوم .. لكن ريم مسكت يدها : خلاص خلاص .. باقعد عاقلة ..
مدت ريم لزينة كاس عصير .. أخذته زينة وهي تناظر ريم بنظرات تهديد .. ريم تبتسم بخبث..
زينة بصوت واطي : وش رايك بالعصير في وجهك ..
ريم تضحك : ذنبك مو ذنبي ..
هيفاء تناظر بنتها وتبتسم داخلها انهم رجعوا مثل قبل .. لكنها اشفقت على زينة .. البنت وجهها احمر ويدها راصتها على فخذها .. وميتة من الاحراج .. وبنتي ماخذة راحتها ..
هيفاء تكلم ريم : خفي شوي روميو ..
ريم التفتت عليها : ما اقدر على الخفوق ..
هيفاء تبتسم : الله يهنيكم .. بس كانه عندكم غرفة تاخذون راحتكم أكثر ..
ريم انحرجت : ما سوينا شيء ..
هيفاء رافعة حاجبها : قصدك سويتِ .. ( تاشر بيدها ) ما علينا .. لا تنسين عزيمة الاربعاء ..
ريم : أي عزيمة ؟؟
هيفاء : عزيمة فوزية .. هي عازمة الكل .. انت وزينة والعيال ..
شرقت زينة بالعصير .. التفتوا عليها ..
ريم تعطيها المنديل : بسم الله عليك ..
اخذته زينة وصارت تمسح فمها وذقنها وفستانها .. وهي تسمع هيفاء تكلم ريم ..
هيفاء تاشر بيدها : ولا تقولين شغل .. اجتماع .. فوزية حالفة ما اجي الا معك .. تقول شهور ما شافتك ..
ريم يدها راسها من ورى : كانه من رمضان اللي طاف ..
هيفاء : من رمضان .. بتكملين السنة ما شفتيها ..
ريم : وش اسوي طيب .. اترك شغلي يعني ..
هيفاء : ردينا .. ما صدقنا اعتدلتِ ..
ريم : لا تحاتين يا ام ريم .. ( بثقة ) باروح العزيمة ..
زينة ترتب نفسها : انا اعذروني ما اقدر اروح معكم ..
ريم : ليه ..
زينة : ما أقدر عندي شغل متراكم ..
ريم تقلدها : وش قلنا عن الشغل اللي ياخذك من البيت ..
زينة تقوم : انا شغلي متراكم من شهرين .. مو وحدة ما تنشاف من الشهر غير يومين ..
ريم ناظرتها وهي تبتسم .. ما يستدعي تحتد عليها كل هالقد .. كانت مزحة .. زينة تحسفت أنها احتدت على ريم .. هي معصبة من نفسها وتفرغ في ريم ..
زينة بحرج : اسفة .. بس ما راح أقدر اروح العزيمة ..
تركتهم زينة وطلعت من الصالة .. كانت تصعد الدرج بسرعة .. ما تتخيل تتواجد هي وسامي وريم في نفس المكان .. مو عدل في حق ريم ..
