🌸الهـــــمـــــاوي و زيــنــــة الــبــنــات 🌸 | (مكتملة)

ج: 91

الهـــمــاوي و زيــــنـــة  الـــبـــنـــات ..✨
بـقـلـــم : رجاء جاكار & فرح حدادي

خبطات عليها الباب و خلااتها كتربخ و تغوت بووحدها ممسوقاش ليها حتى عرفاتها مشات عاد نزلات زبل للبركاسة لي  كانت حدا لابارطومون فاش ساكنة 

رجعات لدار و قلبها بااارد أخيراا صرفاات لييها و عطااتها علاش كتقلب من دييما فاقصاها و مكتبغيش تجاوبها باشما تباانش هي لي خاايبة ...

حيث حاجة طبيعية حسب اعتقادها   العائلة متجيش  من جيهتها
الى قاالت شي حاجة ...خلاات حتى مكاين حد عاد دافعات على راسها

هضرات مع مهاا كتعاود ليها شنو وقع ليها مع سهام هاد الأخيرة لي كيفما عجبها لحال و برد ليها القلب على داكشي لي كانت كدير سهام لأسيل و كفااش  كتقرب من راجلها بلا حشمة بلا حية قدما وبخاتها علاش دير راسها فيها لا تجبد ليها شي صدااع و لا شي حاجة

و هاادو كيبقااو المخاوف ديال اي الأم على بنتها لتجبد على راسها النحل  و عاد نصحاتها متبقااش مشتتة رااسها و حوايجهاا حييث كولشي كيجييبو الوقت

___________

وصلاات 12 د لييل :

كاانت أسيل فساابع نوومة حتى فجأة كتسمع الموسيقى بجهد قريبة لداارها رمات على رااسها وسادة  إحساب ليها غير شي عرس لي كااين فزنقتهم  حتى لشوية كتسمع حتى صووت الطنوبيلات د البوليس  كيغوتو .... كيبان لييها هااد نهاار مكااين نعااس ، و لكن حيث هاد الأجواء عادية فالمدينة معمراتش راسها بهادشي حيث مولفة بالصداع  فمداات مجاابتش حتى كتسمع الخبيط ... و لكن بلاتي هااد الخبيط قريب بزاااف ،
قريب  بزاااف كثر من القياس ..واش هدا بابها لي كيتخبط  !!

نطقاات بشكوون و هي غاادية بزربة متوجهة لباب لي كيتزدح بقوة  لابسة غير حواايج نعاس شورط و سوفيطمة مخلاو ليها فيين تلبس بينوارها كتلبس دغيا و تسربي خطواتها للباب فنفس الوقت

البوليس : حلوو ولا غنهرسوو هااد الباب

# يتبع .... 🤍

باااالاااه ياااالااااه دووووك الأراء بزربة بزربة 🔥🔥🔥🔥🔥 غتشعل