အင်းဝခေတ်က ကညာပျို ♡. 🍵 [ COMPLETE ]

⛩️(50)𝒁𝒂𝒘𝒈𝒚𝒊 ⛩️

အင်းဝခေတ်က ကညာပျို
အပိုင်း(၅၀)

ကျွန်းလုံးတိုင်ဖြင့် အခိုင်အမာတည်ဆောက်ထားသော သစ်တပ်အတွင်း ကညင်ဆီမီးရောင်သည် တဖျတ်ဖျတ်တောက်လောင်နေ၏။
တပ်တွင်း တပ်ပြင်၌ ထားရှိသော အစောင့်များသည်လည်း အခိုင်အမာ။

သစ်တပ်၏ ဘယ်ဘက်ထောင့်ချိုးကွေးရှိ ဝန်းကြီးတွင် ပျဉ်းကတိုးကာ၍ အုပ်ကြွပ်မိုးသော ခမ်းနားလှသည့်အိမ်ကြီးတစ်ဆောင်ရှိသည်။အိမ်တော်ရှင်သည်ကား ရမည်းသင်းမြို့စား။

၅ပေခန့်မြင့်သော ခြေတံရှည်အိမ်တော်သည် အခန်းပေါင်း ၄၈ခန်းဖြင့် ဖွဲ့စည်းထားသည်။ အခင်းအဖြစ်သုံးထားသော ကြမ်းတို့တွင် ရှားနက်ဆေးအား အရည်ကြို၍ သုတ်ထားသဖြင့် ပြောင်လက်ချောမွတ်နေသည် ။ မနက်ခင်းတိုင်း ကျွန်များမှ အမြဲမပြတ် တိုက်ချွတ်ရသဖြင့် အစဉ်သဖြင့် သန့်ရှင်းနေ၏။

အနက်ရောင်တောက်တောက် ပြောင်လက်နေသော ကြမ်းခင်းတို့နှင့် ဆက်နွယ်နေသော လှေကားမှ ဦးကော့သည့် ရွှေခြေနင်းတစ်စုံအောက်သို့ဆင်းလာသည်။ ခဲပြာရင့်ရောင် မိန်ထက်တွင် ဈေးကောင်းပေးဝယ်ထားရသော သံချပ်ကာသည်နေရာတကျ။ ပုခုံးမှစ လက်ဖျံ လက်မောင်းတို့အား ကာရံထားသည့် သံထည်မှာ ကညင်ဆီ မီးရောင်အောက်၌ ​မျက်စိကျိန်းဖွယ်အတိ။

အရှည်အတော်သင့်ခွေ၍ထုံးထားသောသျှောင်တွင် သခွားနုရောင်အောက်ခံ အပွင့်ရိုက်ခေါင်းပေါင်းအားပေါင်းထားသည်။တည်ကြည်သော ဥပတိရုပ်ရှိသည့်တိုင် ခပ်မဲ့မဲ့ကွေးနေသော နှုတ်ခမ်းအစုံနှင့် မှေးကျဉ်းသည့်မျက်လုံးများမှာ စဉ်းလဲသောစိတ်၏သဏ္ဍန်အား အပြည့်အဝဖော်ကြူးထား၏။

အောက်ပို့ကျိုက်ထားသော အကွက်ကျဲချည်ပုဆိုးအောက်၌ ခဲပြာရင့်ရောင် ရွှေချည်ထိုးဘောင်ဘီအားဝတ်ဆင်ထားသည်။လက်ထဲတွင် ကျောက်မြတ်ရတနာမျိုးစုံစီခြယ်ထားသော ရွှေဓားရှည်အား ကိုင်ဆောင်ထား၏။

လှေအားအောက်ခြေမှ မြေပြန့်ကျယ်တွင် ဒူးတုပ်လျှက် လက်ပြန်ကြိုးတုပ်ထားသော လူတစ်ဦးအား စေ့စပ်စွာ အကဲခတ်လိုက်သည်။ ရေများစိုရွဲကာ ဖရိုဖရဲကျနေသော ရုပ်သွင်လွှာက ဘယ်သူဘယ်ဝါဖြစ်ကြောင်း ပုံဖမ်းရန်ခဲယဉ်းလှ၏။