" ကိုကို ဗီဒီယိုလာကြည့်တာလားဟင် "
ဦးကြီးဖန်အိမ်မှာ ညနေခြောက်နာရီဆို လူစုံပြီ။
ရွာထဲကလူတွေက
ဗီဒီယိုအခွေကိုကောင်းကောင်းမြင်ရဖို့ ရှေ့ဆုံးကနေ နေရာဦးနေကြပြီ။ဟိုပေတိပေစုတ်ကောင် ဟောက်ရွှမ်းပြုံးပြုံးကြီးထိုင်နေတဲ့နေရာက အရင်ကရိပေါ်ဦးနေကြနေရာ။
" ကိုကို..."
" ဘာတုန်းဟ! "
" ငါ့ကို အော်တာလား "
ရော်...မြို့သူကလည်း လေသံအနိမ့်အမြင့်ကိုတောင် အမှားမခံပါလားနော်!
" ကျုပ်အော်တာ မဟုတ်ပါဘူးဗျာ "
" အော်တာပါ "
မြို့သူလေးနာမည်က ရှောင်းရှောင်။ရိပေါ်ထပ် တစ်နှစ်ကြီးပြီး အသက်က တစ်ဆယ့်ခြောက်နှစ်ပါတဲ့။စတွေ့တုန်းကလိုကိုယ့်ကိုကိုယ် မီးမီး လို့တော့ မသုံးတော့ပေမဲ့ ကိုကိုလို့ကတော့ခေါ်တုန်းပဲ။ ရိပေါ်က ကျဲကျဲ ခေါ်ရမှာကို သူလေးက ကိုကို အတင်းလိုက်ခေါ်နေတာ။မခေါ်ပါနဲ့ လို့လည်း ရိပေါ်ကမတား။ တစ်ရွာလုံးက အရိုင်းအစိုင်းတွေ။ရိပေါ်ကို ကိုကို လို့ခေါ်တာ ရှောင်းရှောင်လေးပဲရှိတယ်!
ရှောင်းရှောင်ရဲ့အဖေက ရာထူးမြင့်မြင့်နဲ့ ရုံးတော်မှာ အမှုထမ်းနေတဲ့ ဘိလပ်ပြန်ရှေ့နေကြီးဖြစ်ပြီး အခုရက်ပိုင်းလောက် ဘိလပ်ပြန်ရမှာမလို့ ရှောင်းရှောင်ကို ဦးလေးဖြစ်သူရှိတဲ့ ရွာငယ်လေးကို ခဏလာပို့တာ။ရွာရောက်ရောက်ချင်းကတော့ မှိုင်ထွေထွေလေးရှိပေမဲ့ အခုတော့ ရွာအိုးကိုးပေါက် ရိပေါ်နဲ့လျှောက်လိုက်နေပြီ!
အထူးသဖြင့် ရိပေါ်က မြို့သူလေးရွာမှာ မပျော်မှာစိုးနေတာ။ရှောင်းရှောင်ကဖြင့် မြို့ကြီးကိုလွမ်းကြောင်း၊အဖေကို တွေ့ချင်ကြောင်း မပူဆာဘဲ ရွာမှာပဲအနေပျော်လို့ တော်သေးသည်။
" ကျုပ်ကို စိတ်မဆိုးပါးနဲ့ ရှောင်းရှောင်ရယ်။ကျုပ် အော်တာမဟုတ်ရပါဘူး "
" ကိုကို... ။ ကိုကိုက ဗီဒီယိုအခွေကြည့်ရတာက ကြိုက်တယ်လို့ ဦးကြီးဖန်းကပြောလို့ ငါက ကိုကို့အတွက် နေရာဦးပေးထားတယ် "
YOU ARE READING
မြို့အုပ်မင်းရှောင်းကျန့်က ဝမ်ရိပေါ်ကိုတော်ကောက်သွားပြီ ( Complete)
FanfictionYizhan
