💯حلالي💯

💢الحلقة 76...💢

🌟❣️🌟

ضيق عينيه : خير امي
محرزية : ايجا أقعد بجنبي ...
هزلها براسوا و قعد و هيا كملت
محرزية : اش عامل مع مرتك ..
تنهد : لباس ...
محرزية : و شبيك من فوق قلبك
حك لحيتوا : مش عارف حاسها متبدلة حتى كلامها و تصرفاتها ..
محرزية : علاه ناوي تخلاها على جنب تضرب و دز للحيط ... يا وليدي طفلة صغيرة خوذها على قد عقلها كلمة دجيبها و كلمة تهزهاا ..
احمد : مشني مقصر و حاطها فوق راسي ..
محرزية : قلي وليدي ما تحبهاش
هز حاجبوا : محرزية يضهرلي تعرفي جوابي خير مني .. خديجة بنية دافية و متربية .. ستنست باهاا
كحرتلوا : كلب هيا بش تستانس باها برى فز قلوا ستانست باها و أبقى هكاكة لين يخذوها صحاح
وقف : فوتني محرزية على صباح دورتلي خواطري ...
خرج و ضرب لباب
محرزية : خليك هكاكة مالة منك اربي بايت في شياح لين تتربى قلوا ستانست باها ..
....
اول ما دخلت .. وقفت تلوج على سمر بعيناها لين لمحتها ... زربت و وقفت بجنبها ..
خديجة : صباح خير
ضحكت سمر و حملتها : صباح نور ههه شنوى على صباح عملك حصار
خديجة : يا بنتي قلب دنيا على شعري كان ريت
سمر : اشش هذا حبينا نوصلوا يعني يهموا في امورك هاذم باهي اسمعي الي جاي .. خليكي ديما دوري قداموا .. خيليه يشتهاك و يقرب منك و انتي اجبدي بيه
خديجة : كيفاه
سمر : يا وخيتي سمحني فيك قداكش دغفة ايجا نفهمك .. يعني البسي لمعري و ديما دوري قداموا ما تبقيش حابسة روحك في بيت خليه يشوفك فهمتي
......

💢الحلقة 77...💢

وصل لسال و رجع دور عينيه لامين و عيطلوا
احمد : أمين ايجا حاجتي بيك
أمين : صباح خير بو حميد خير
تبسم : خير .. بعد تعدى لمحرزية عندها ما تحكي معاك على خطبة ..
أمين : يعني فرح وافقت
احمد : ايه ..و ما نوصيكش في عينيك عاد
أمين : هذا كلام ههه والله مشني مصدق ..
احمد : صدق هيا كيما وصيتك خليني نروح نتكى شويا ليلة كاملة ما رقتش بلباهي
أمين : باهي خويا هيا سايس روحك ..
خرج من سال دو سبور و طول لدار .. مسكين ما نجمش يرقد على بنك صغير عليه .. رما لمفاتح و خزر للبنك و نفخ: يضهرلي قعدتنا مطولة معاك اخخخخ
طلع بيت نوم و طول ترمى على فرش
احمد : فرخة تبات متوسعة في فرش و راميتني في صالة كي كلب ... صحا ليك يا بنت محمود ..
...
كملت سوياعها و هزت تلفون طلبت احمد ... تلفون مرمي بجنبوا على فرش حل عينيه بسيف و رجع هز
احمد ؛ وي
خديجة : كملت .. نستناك و ألا نروح وحدي
احمد: $$ أنا تروح وحدك هاني جاي ..
تنطر من فرش و هبط يزرب طول لسونتر
...
واقف قدام باب و تبسم تق باب و حلتلوا فرح ..
هزت عيناها فيه : أدخل ..
تبسم و دخل : فرح ... أما فرحان الي قبلت
هبطت راسهاو هوا كمل : نوعدك ما ترى مني كان خير
تبسمت : امي تستنى فيك ..
دخل يتبسم لين كحرتلوا محرزية
محرزية : شبيك تتضيحك وحدك كي مهبول وليدي بيك حاجة يطلعوش ماسينك جماعة بسملله
ايمن : صلي على نيبي خالتي محرزية شنوى ها فال
محرزية : تقعد برك خليني نحكي معاك .. ماك خطبتني في طفلة بنتي
هز براسوا
محرزية : و نحنا عطيناكم مذبينا ما نطولوش و نعملوا خطبة
أمين : حتى أنا مذبياا
محرزية : كي هكاا اش رايك جمعة جاي ب ليلة خميس
أمين : الله يبارك ... ليلة خميس نكونوا عندكم ..
محرزية : نشالله
ضحك : هيا نخليك سال دو سبور وحدها خليني نمشي
محرزية : ربي عينيك بسلامة .....
....
سمر ؛ قلي جاي
خديجة : آيه عدك بيه يوصل ..
سمر ؛ نحي ها جيلا
خديجة ؛ هبلت تحبوا يقلب دنيا علياا
سمر : تي نحي يزي من خوف .. و وقت الي يكلمك قلوا اش دخلك فيا ماك ما حشتكش بياا فهمت
خديجة : والله ليوم يكسرلي كرايمي
سمر : اسكت و تبعني مالة كيفاه طيحتوا راجلي ههه رجال يحبوا ليعين لحمرة هيا بري ربي معاك
ضحكت: ههه باهي باي
سمر : تنسيش كيما وصيتك ههه
خرجت تضحك و حطت جلا في يدها ...شويا شافت كرهبتوا وقفت .. قبلتها عينيه الي رجعوا حمر اول ما شفوها ..
بلعت ريقها : الله لا تبركلك يا سمر وحلتني لكلبة اففف
..
✴✴✴✴