الا انا

بارت 3

چي مالي والي.......بويه اسم الله
چي مالي والي.......صدقه الالله
متعذبه بدنياي يا بابا
چي مالي والي............................

احساس انو انت ضعيف وبلا سند صعب حيل من تصير الدنيا ضدك وما تنصفك كل يوم يجي اگول هسه تضحكلي بس شسوي وهيه كل ما جالهه تعبس عليه

فتحت عيني واني بالمستشفى امي يمي تبجي ما عدهه غير الدموع تواسيني بيهه ابني راح من وره الما يرحمون شنو الي بيدي وما سويته ما اگول غيرالله لا يوفقك حجي جاسم

-ها يمه گعدتي سوده عليه
-امي بس اريد افتهم اني شنو السويته بحياتي حتى هيج يصير بيه
-لا يمه لا تگولين هيج
-بس فهميني ليش ما خنگتيني اول ما اجيت للدنيا جاسم مو تركج مو اذاج ليش خليتيني احمل اسمه بس للوعه والاذيه ..ما اتحملت ضليت اصرخ واملش بشعري
امي تركض تصيح على الدكتور اجاني يركض
-اهدي اهدي.. ممرضه اضربيهه ابرةDiazepam
-حاضر دكتور

اخر شي شفته دموع امي غمضت عيني واني محتاره بهمي وشنو الراح اسويه
-دكتور بشر شنو حالة بنتي
-حجيه بنتج متعرضه للضرب الي تسبب بكدمات ورضوض واكو كسر بايدهه لازم اتقدمون شكوه اني راح أأخر الشرطه شوي لان حالتهه متسمح انو تحجي خصوصا بعد الانهيار العصبي الي صارلهه

-تمام دكتور لازم انبلغ
سوده عليه يا امي ما شفتي بس الاذيه لا ابوج رحم بحالج ولا من تزوجتي ارتاحيتي شنو البيدي يا امي واريح بالج وازيل همج والله لو اعرف انطيهم روحي بس يحلون عنج......
.....................................
گاعده يم اهلي وبالي مشغول ياترى شراح يسوي وشنو اباله عمري ما عرفته ولا حزرته دائما غامض وتفكيره غريب عادي يضرني ويضر اخويه على حساب تحقيق الي يتمناه قاطع سرحاني ابويه

-ها بنتي ليضل بالج دام ابوج يشم الهوا ما راح اخليه ياخذ بنتج لو من تطلع روحه
-اي بنتي لتخافين انتي قويه لتخليه يكسرج بتهديداته هذا ضايج لان شافج كبرتي وانشهر اسمج بين الناس

حاولت ابين قوتي وعدم خوفي
-لتخافون تهديده عمره ما هزني وخل يتجرئ يسوي شي اشتكي عليه واخليه يخيس بالسجن واذا هوه ضابط.. ماكو سلطه تعلى على القانون ويا انه يا هوه يله تصبحون على خير رايحه انام

صعدت لغرفتي نومت ملاك بعد الف قصه وقصه لا وتضحك على عقلي اقراله وتقلي ما نعثانه اليد بعد قسه (ما نعسانه اريد بعد قصه)الى ان نامت بستهه وحطيتهه بفراشهه
-اوف فدوه لهل ريحه الحلوه يريد يحرمني منج شلون اقدر وانتي ملاكي الحارس وسبب قوتي وكفاحي بهاي الحياه لا يمكن اخليه ياخذج مني لازم القه حل لازم.......
************************
ذبيت المكناسه من ايدي واني هلكانه من التعب طيحت حضي بالشغل خلتني اگلب البيت گلاب لا و ادور تگولي سفطي كنتورج ادري ياسر افندي شعليه بكنتوري اجتني تركض والجفجير (الي نگلب بيه التمن)بايدهه

-يله گومي سعفي السگف بسرعه
-مامه هلكتيني وباجر ورايه دوام اريد انام فدوه
-اي دوام لازم تاخذين اجازه شنو قابل اطبخ وحدي
-يله بله هسه شلون اقنعهه..يا امي يا حبيبتي عدنه شغل وقضايا شلون تردين ابقه هنا وهم لازم امر على الجامعه اجيب الملازم من البنات