غفران الخطايا
Zainab Al_Aqili
Part 1
لا تنسون متابعة الحساب+ تصويت + تعليق بين كل فقرة♥️🔥
لاحسبالك بكل ديرة ألك شراي
تره تراب الوطن بس بالوطن غالي
••••••••••••••
صباح جميل على صوت ترتيل القارئ بآيات القرآن بهدوء وطمأنينة.. فتحت عيوني بأبتسامه مشرقة نقطة ضعفي هذا الصوت
نهضت من فراشي اعدل شعري المفتوح لكيت ماما
كاعدة على مصلايتها والتلفزيون مصدر الصوت ع صفحتها مفتوح
-من شافتني هزت رأسها تسبح بالسبحة تختم: سبحان الله سبحان الله ، ها يُمة شگعدج الدنيا ليل
- اتجهت على الباب افتحه: يوم عندي امتحان ضروري اراجع المادة وهمينة آذان الفجر اذن حروح اصلي
-رفعت التربة باستها ومسحت جبينها ولمعة الفخر بعيونها: الله يوفقج يايمة ويفتحها بوجهج من اوسع ابوابه موفقة يمة دنيا وآخرة
اكتفيت ابتسم ورحت اصلي دائما امي كلامها وياية هادئ ومصحوب بأدعية توفيقية لأني بنتها الكبيرة..
فتت للحمام غسلت وجهي وتوضيت.. طلعت انشف واعدل الحجاب اخفي خصلات شعري النارية
-خضعت للرب اصلي بسكينة وأهم امنياتي: ياربي شكد احبك بس امنيتي اتمنى تحققها اتمنى
اريد اكون دكتورة ريتال واعالج كُل المرضى لان هذا شغفي ياربي
-قاطعني فتح باب الغرفة الي جالسة بيها امي راحت للمطبخ تحضر الريوگ وتحجي وياية
::- ماما ريتال من تكملين صلاتچ دخلي ملابس اخوانج عندهم دوام
هزيت راسي بدون صوت وختمت آخر اياتي بصدق الله العلي العظيم
طلعت للطرمة اباوع للسما واتنفس برودة الجو دخلت ملابس اخواني اسير وتالية وحضرت كتابي اراجع بي
نص ساعة مراجعة دكت الساعة بـ7 نادت امي من المطبخ
::- رريتال تعالي فتحي ريگج بلكمة خاطر تركزين بالامتحان
لفيت حجابي وعدلت قميصي وطلعت من الغرفة
شفت ماما مسوية لفة جبن وكوب جاي
-اخذته وقطبت حواجبي.. لعد تالية بعدهه مكاعدة؟
-حجت تضرب رجلها
::- تمبل مال نوم هاي اختج روحي دفريها دتكعد الوكت راح
- تذمرت واني احط الكوب ع الكاونتر
::- ماما انتي تعررفين طريق المدرسة شون طويل المفروض من زمان مكملتها تبديل!!
كامت تلوم ماما بيها واني رحت جريتها من فراشها سحل للمطبخ فتحت عيونها تعيط بنعاس
::- عاا انعسس والله عيوني نعسانات يمة اريد انام فدوة
ماعدنا دوام ماعدنااااا
- رديت اشمر مي من البوري ؏ وجهه انجبييي.. شون ماعدكم دوام غير بلشتو امتحانات مهمه منها وتفوتون بكلوريا سادس ابتدائي بنتي شنيييي المادبرتيهه
-تالية: اذنننييي راحت عوفيني انعس مااا
- امي وشغلها المستمر بحياكة الثياب وخياطتها راحت تكمل الوجبات الي عندها واني اخذت مهمه تبديل تالية رغم عمرها ١١ سنة بس كسولة كُلش
عين على ضفيرة شعرها الطويلة وعين عالساعة خاف تعبر الـ٧ ونص
مدرستنا بعيدة كُلش ولقلة الماديات اروح مشي وارجع كذلك بدون خطوط
-تالية: ريتال فدوة اريد اغيب اكره المدرسة
-ضربتها بخفة واني اعدل شعرهه
::- انجبي لج شتكرهين غير هي المدرسة الي تنقذنا من عيشتنا هاي اشش بعد ما اسمعلج حس انلصمي
-تالية: بسس اني ماحبها والله ايييع المدرسة مزعجة حيل اني لو منيي اروح اعيش يم صاحبتج رريم وبعد ماجي هنااا ابد
- تغاضيت عن كلامها بهمس
::- اكول انتي سادس صرتي ملزمة تلبسين حجاب قبل سنتين شعدج ما لابسته؟ لو متعجبةة بكفشتج الصفرة
-تالية: ماا اني شعري هيج حلوووو
-عاطت امي من الغرفة يااااا شو الساعة عبرت السبعة ونص يمته توصلن ولجن يمة
طفرت البس حذائي اخذت جنطتي وطلعت من الباب عالشارع العام امشي سريع بيوت المنطقة مسدودة
بس الجهال والدوام مليان الشارع
بقيت امشي ع العام وبدت تقل الجهال لان مو اكثرها اعدادية وحتى اذا اعدادية فـ خطوط مو مشي مثلي
- وصلت للمدرسة بألف ياعلي انهد حيلي من الركض
اول مادخلت شفت ريم اعز صديقة
-ريم: هلااااا حبي
- هلا هلا شلونـچ
-ريم: هههههههه الحمدلله اكلج عود شقارية من الامتحان للفيزياء ترة اني كل شي ماعرف
- تكتفت اباوع معاجبني
::-صدك تحجين لشوكت اعلم بيج؟؟
-ريم: امانة اخر مرة غشيلي والله ما قريت صارت مشكلة ببيتنا ومكدرت اقرة زين
- رفعت القلم احك رأسي بي
::- خاب ريم ليش ما تنجبين وتبطلين جذب لشوكت تبقين غش ترة حرام اني بنية استحرم !!
-ريم: يا والعباس مو جذب بس شوفي البارحة غسلت ملابس اخوي اشتر جاي من الدوام وبسرعة تعبت يعني ما متعودة هيجج ولو تشوفيهن وربي هوااااي
-تنهدت بقلة حيلة.. اخر مرة؟؟
-طفرت ريم تبوسني اخر مرة يا يابعد عمرري خايبة ما جذبت من لقبتج ذيبة"
- بعدتها من اجت المدرسة تعلمنا بدرس الامتحان
صرت يم ريم بنفس الرحلة
همست شوفي ريم حضري كل شي ولا تكتبين اسمج تمام؟
-المدرسة: ممممنوووع الكلللاام يلا هسة تضمن مادة الامتحان وتحضرن قلم ومستلزمات الامتحان تعرفوهن .... والي اشوفها ترد لصاحبتها اكتب على ورقتها غشش وتحرم من الامتحان كلة وها مراح اعيد الامتحان ابد ابد ابد
