အချစ်ဦး ပုံပြင်

21

Unicode

အိပ်နေရင်းနဲ့ သူ့အသားတွေ ပူတက်လာတာမို့ အဏ္ဏဝါ မျက်လုံး ဖွင့်ကြည့်လိုက်သည် ။

ရင်ခွင်ထဲမှာ ဆိုင် ရှိနေပြီး ရှုံ့မဲ့နေသော မျက်နှာလေးအပြင် မျက်ရည်တွေ ပါကျနေတာကြောင့် လန့်သွားကာ  အဏ္ဏဝါ ဆိုင့်ကို အသာလှုပ်နှိုးလိုက်ရတယ် ။

မင်းလေးက ဘာတွေ ကြောက်နေရတာလဲ သဲငယ် ရာ ။

" သဲငယ်  !!! "

သူ့အသားတွေ ပူနေတာ မဟုတ်ဘဲ ဆိုင့်ခန္ဓာကိုယ်ဆီကမို့ နဖူးဆီ လက်အမြန်ရောက်သွားကာ စမ်းကြည့်လိုက်တော့ ပူခြစ်တောက်နေတာများ ။

မျက်ရည်တွေကလည်း အဆက်မပြတ် ကျစီးနေကာ တအားဝမ်းနည်း နေသည့်ကလေးလေးပါပဲ ။ ရင်တွေနာလိုက်တာ သူ ပြောပါတယ် နေကြည်အလင်းဆိုင် ငိုရင် သူ့ရင်ဘတ်ထဲ ကပါ စုတ်ပြတ်သတ်နေအောင်နာတယ်လို့ ။

"  မငိုပါနဲ့ သဲငယ်  မင်းမျက်ရည်တွေ မကျပါနဲ့တော့   "

နဖူးပေါ် ရေစိုဝတ်တင်ပေးဖို့ ထ  ထိုင်တော့ ဆိုင့်လက်ကလေးတွေက သူ့လက်မောင်းကို  တင်းတင်းကြပ်ကြပ် ဆုပ်ကိုင်ထားတာများ လွတ်ထွက်သွားမှာ တအားကြောက်နေသည့်ဟန် ။

" ကိုယ်ရှိနေတယ် သဲငယ် "

သူ့ကို ဘာမှ မတုံ့ပြန်ဘဲ လက်ကလေး တွေက ပိုပြီး တင်းကြပ်လာကာ ရင်ခွင်ထဲ ပိုတိုးဝင်လာသည် ။

မျက်နှာနုနုလေးကများ တစ်ချက်တစ်ချက် ရှုံ့မဲ့သွားခဲ့ရင် အဏ္ဏဝါတို့ ကမ္ဘာပျက်မတတ် ပါပဲ ။

ဘာလို့များ သူ့အမျိုးသားလေး က အငိုသန်ရတာလဲ ။

" ကိုယ်ရှိနေတယ် သဲငယ် ထပ်ပြီး မငိုပါနဲ့ တော့ "

တရိပ်ရိပ်နဲ့ တက်လာတဲ့ အပူရှိန်တွေကြောင့် ဆိုင့်ကို ဒီအတိုင်း ထားလို့ မရတော့ တစ်ခုခုလုပ်ပေးမှရတော့မှာမို့ အဏ္ဏဝါ ညဘက်လာပေးနိုင်လောက်မည့် ဆရာဝန်ကို ဖုန်းဆက်ခေါ်လိုက်ရသည် ။

" ကိုကို့ ကို  ခဏလွှတ်ပေးပါဦး ခဏပဲ ဆိုင် "

ဆိုင်က သူ့ကို ဘယ်လိုမှ လွှတ်ပေးပုံ မမြင်တာမို့ အဏ္ဏဝါ ယဲ့ယဲ့လေး သာရှိတဲ့ ခန္ဓာကိုယ် လေးအား ကောက်ပွေ့လိုက်တယ် ။