هل لانني يتيمه

البارت السادس

ادم :-  طلعت من القاعة واحس خطوة مابيه امشي بعد كل املي نكطع بعد ضليت افكر بس شلون راح اباوع بوجه امي واكله ابنج راح تفارگي 15 سنه
ياربي دخيلك هونها عليهم وكون بعونهم وصبر امي

_المحامي اتصلت ع قاضي ممد......  وكتله المدعيه هيه الي عترضت وحولت لحكم جنايات  ف حاول تأثر عليه يرجع لحكم جنح وغرامه ماليه او كفاله

_تلفون واحد رئسن رجعو يتناقشون بلحكم ورجعو استدعو ادم للقاضي

  ادم :- صعدوني مرة ثانية 

_ المحامي لولد  طالب سادس يدرس  وعندة امتحانات  وساكن  عد بيت جدة. بعيد عن اهله واجة خطار الهم وهاي لسلاح مو اله الاخو وتحت ضرب وخوف جانت هاي الاعترافات وهوة بعده سن ال18 مبالغه بعدله شهرين يله يبلغ

**قبل الاغلب جانو ميطلعون جناسي للطفل اول ميجي للدنية وأسئلو اهل قبل وخاصتاً ابويه واهله من لجنوب وعرب ف اغلبهم هيج فجان ادم بل جنسيه مزغري سنه وشويه تقريب

ادم :- بعد نقاشات ومداولات وتأثير من الواسطة رجع لحكم للجنح نحكمت 3 اشهر وغرامه ماليه
اني مخلصهن ال 3 اشهر تقريب مبقالي غير 3 ايام طلعت لكيت امي ومهره برة جان مبشرهم لمحامي امي مشترية جكليت كامت تطش عليه وتهلهل

مهره :- الفرحة ماعرف شوصفه الكم بعد ما حجه النه لمحامي الصار وشون نحكم وتغير لحكم هلشي مثل لمعجزة جان ممصدكين

_مرن ل3  ايام وخلص خلصت محكوميته  عساس ب9 نستلمه من المركز

_ راحت امي وخالي تجيب طلي حته تذبحه جوة رجلي

مهره :- دارتب بلبيت ومشغلة اغاني بل ديجي ساعه ب7 ونص صبح تقريب واكفه ع لمرايه اسوي بشعري واغني وراكص ندككك لجرص

ادم :- اجيت للبيت اني طلعوني منوكت  محد ستلمني كروة حته ماعدي رجعت مشي للبيت برة واسمع صوت الاغاني شعلوها دكيت لجرص اجاني صوت مهره تصيح

مهره :-  شبساع لتميتو ادم بعده بعده ما اجه ترااا شعدكم مغبشين فتحت لباب نصدمتتتت معقوله

ادم :-  حضنتني كله قوتها واني هم هلمرة حضنتها حيل مومثل كلمرة اديه مكلبجه

مهره :-  شتاقيتلك خويه دمدومي حجيته بنبرة ضحك وبجي

ادم :-  يروح اخوج واني هم كومه شتاقيتلكم بس خل افوت اذا تسمحيلي يعني ميت تعب جيت مشي 

_ ضحكنه وطبينه وهيه بعده حاضنتني وتمشي وياي ارد امشي ماكدر مجلبه بيه

ادم :-  خويه ماطير ولعباس يمج بس خنطب

_طبيت سلمو عليه مرت خالي وخالي وبناته وطشو جكليت

_ امي موهنا جانت رايحه تجيب الطلي وتسوك ليوم تسوي عزيمه

مهره :- خابرت امي واختي وادهم وخوالي وكرايبنه وبشرت لكل