الموت على قيد الحياة

part.. 5

#الموت_على_قيد_الحياة

للكاتبه: فاطمه علي

________________

غسق : دخلت لغرفه كلبي نغزني للحظه ردت ارجع وكفت لاطلع سمعت صوته

احمد: وين بعد توني اجيتي اكعدي

غسق: نعم ?? كالو صحتني تريد شي

احمد: اريد اتعرف عليج

غسق: اني بنفس الكروب المستشفى الي على تلي كرام و مخليه بالوصف كلشي عني ما حاجه كل ساعه يجي واحدكم يكول اريد اتعرف عليج

اكو ميه وحده تعيينت وياي بنفس المستشفى هم هيج تحجون وياهه لو هذا هم حظي ليش ما تلتهون ب شغلكم و مرضاكم

لو تفكرون بمريضين اكثر من تفكيركم الوصخ هاي جان محد بقه بالمستشفى اسبوع و يطلع لن عقلكم وياهم مو ويه البنات
يا اخي فكو ياخه تخلون واحد يطلع من طوره

احجي احجي ما منتبهه لروحي ولا فكرت شراح يصيرلي حرك كلبي دكتور رمح من تصرفاته ويه دكتوره حياء حسيت الكل بهاي مستشفى مثله

هو هم صح دكتور احمد انكس منه اني احجي هو بحركه سريعه دفعني لحايط و رفع ايدي ثنينهم لفوك راسي

انفتح الباب ويه فتحه ضربت دكتور احمد ب رجلي لمنطقته الحساسه كبل عافني و رجع ليوره و هو يتلوى بآلم

درت وجهي هدول دكاتره من ضمنهم رمح و محمد فاكين عيونهم بكل وسعهه على تصرفي و على دكتور احمد الي صرخته عبئ مستشفى

تفلت عليه و طلعت واني اعدل ب ملابسي اجو بنات يركضون و همه يكولون شكو

غسق: ولا شي دكتور احمد مدري شبي يمكن كرصه زنبور

هدوء: شسويتي ولج شو صايره احمر من عصبيه

غسق: ولا شي بس عوفيني نص ساعه لاهدئ بعدين احجيلج

تركتهه و مشيت شفت مدير يطب لغرفه كامره مراقبه بكل غرفه و مكتب اكو كامره او بالاقصى مستشفى كلهه كامره شافني كال ( تعاي وراي) مشيت كلت الله يستر

طبيت سديت باب مشيت عنده شباب الي اربع و عشرين ساعه عينهم عالكامره يعيدون شريط كامره لغرفه دكتور احمد

هو اني شفت شلون اضربه نصدمت صرت احمر من خجل اكو منهم يضم ضحكته اكو لا طكهه الضحكه
ما تحمل

درت وجهي لاعتذر من مدير اكيد هسه يرزلني بس الي شفته هدئني شفت ضام ضحكته لدرجه صاير احمر بس ميلت راسي اله هم ما تحمل

ضحك ضحكه ما شايفه عند اي رجال سند روحه لكرسي و ايده على بطنه و يضحك ياااا تخبل المدير بسم الله

على ضحكته شباب هم ضحكو

غسق: العفو دكتور والله مو قصدي اضربه بس مدري شصارلي تعقدت من هيج سوالف ف صار مفاجئ