#وكر الأشتر

البارت الثالث

البارت الثالث
رواية.. وكر الاشتر
بقلمي.. نور سمو العراق

💔💔💔💔💔💔💔💔💔💔💔

-وعن حزة الخاطر اللهُم العوض" .
..........................................

بعد ما خالو بشار ضرب بابًا راشدي وكعه بالخيس وبعدها وكفه وهو يصيح عليه ويغلط بكل عصبيتة.. ولك حيوان ولك عار تضرب اختي تاج راسك انت شنو المهتلف وتضربها اليوم الا اوكع سنونك بحلكك يا عديم الرجوله

اجو الجيران التمو وظلوا يفارغوهم وبابا هم يغلط عليه واحنه نبجي وماما تتوسل بخالو بشار يعوفه اخذ ماما وراح وهي تبجي وتحجي.. ليش خويه ما ردتك تضربه هسه يحارب البنات ويكتلهن شلون ما اكدر اعوف بناتي

رد عليها بعد ما عاط بوجهها.. انعل ابوهم لابو الخلفهن طبهن مرض خلي يحتار بيهن دباعي الحالج شصاير بيج من وره هذا النذل

ركبها بالسياره واحنه نباوع من الباب ونبجي تمنيت امي ترجع جان عندي امل لو واحد بالمية ان ترجع بس راحت وانهاريت من شفتها راحت اني علاقتي بأمي كولش قويه عبالك صديقتي مو امي بحيث اذا تتاخر اتخبل عليها واظل ابجي احبها حيل ومتعلقه بيها من دون اخواتي

دائما نكعد نسولف احجيلها عن كل شي وهي كذلك تسولفلي عن كل شي صار وياها وابد متظم عليه حتى مرات دكول انصحيني انتي صح بنتي بس ميخالف احب اسمع رايج..

وهي عمود البيت هي الي توكف بوجه بابا اذا حارب وحده منه ودائما تردعه منه ومتخلي ياذينا واذا راحت حيستفرد بينه ويشوفنه نجوم الظهر

حاسين بالأمان وياها جابت عمرها متحمله مسؤوليتنا وتنكتل مكانه وراضيه بكل شي ابويه تعبها حيل وميستاهلها..

دخلنه جوه وهو هجم تخبل انهار ظل يصيح بصوت هز اركان البيت.. اليوم العن الخلفجن بنات الكلب بنت الزماااااال واليوم احركجن وانتن عدلات انتن ساس البلة

جيهان اجه يغمى عليها من الخوف وامين يبجي ويرجف ما تردون حالنه وافيان عرج ولا جنها

دخلتهن وقفلت الباب وهو فلش البيت تفلش وفلش الباب واحنه نتصارخ ونبجي وين راحت وعافتنه ويه هذا المجرم مر علينة يوم بألف يوم رعب وخوف وصريخ واحد يتمنى ينهزم ويخلص من هاي العيشه الگشره

شيخلصنا اليوم من عنده اندك الباب وهو ظل يصيح... منوووو منووو والله اذا اطلعلك ابتلي بيك يا كلب يا ابن الكلب

عباله خاله يرجع يكتله

هو فتح الباب نباوعله من شباك الغرفه وهو اندفع ودخل جوه بصورة سريعه عبالك واحد كتله

شفته هذا نفسه الشخط السياره دخله بنص الحوش وهو خانكة انوب من الرعب حسيت گلبي وكع بين رجليه شلون اثنين