🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 17
مدة قصيرة حتا خرجات لعندو بسلهام باها نزل فيها عيونو فاش حس بخطواتها وشاف حالتها وكيف مغنبرو فداك السلهام لي كبير عليها ومع ذلك نافخة عليه ريشها حرك باستهزاء ستناها تا طلعات فالعربة وبداو الطريق نيشان للسوق هو سابقهم وهوما وراه ومعاه العبيد رادين البال من اللور كلهم فخدمة عفاف بنت التاجر عبد الله
مسافة من الطريق كانو فالسوق وقفو خليهم وربطوه وخلاو لي يحضيه ومشات غير هي وياه للمحلات دسي عبد الله يتفقدوهم
كانو كيشوفو كلشي فالوراق مكتوب بالحبر ويراجعو الحسابات وياخدو وقتهم عفاف كانت خدامة بجدية وحتى صلاح الدين مخلاش من جهدوو حتى سلاو
وقف صلاح الدين وقال : على بركة الله نرجعو
عفاف وقفات كتقاد فالسلهام وقالت : غندورو فالسوق نشوفو الجديد وناخدو فكرة على البضاعة بعدة
صلاح الدين حرك راسو بإيجاب بدا كيفهم علاش باها مأمنها على أملاكو وكيشكرها بديك الطريقة وداير التيقة فيها واخا فهاد الزمان التيقة مكتعطاش للرجال بشلاغمهم فهم بلي بصح عندها شي حاجة مميزاها ومن طريقة تفكرها بدا كيكتاشفها
سبقها غادي قدامها وهي وراه كتنعت ليه ماشي تكبر منو لا.. كان هادا تصرف نبيل من رجال زمان لي ولاد الأصل مكيقدروش يرفعو الشوفة فالمرا ولا يخليوها تسبقهم وهوما تابعينها حيت كيعرفو الفثنة كتوقع وكيقدسو المرا ويحتارموها وهي أمانة فعنقو خاص يىعاها ويصونها ويحميها تا من نفسو حيت ملزم بيها
بقاو كيدورو تا دارو السوق كامل ورجعو للخيل باش يشدو الطريق للدار وقف كيتسناها تركب فالعربة باش يركب فوق حصانو ويزيدو
حتى كيسمع كلامها
عفاف : بغيت نركب الخيل مبغيتش نمشي فالعربة
صلاح الدين (دار عندها وببرود نطق) : طلعي ابنت المرضي ويالاه نبدلو ساعة بختها مقاد على مشاكل
عفاف : قلت بغيت نركب الخيل اشمن مشكل فهادي؟ ولا قلتي ولية وبغيتي تحغرني
مسح على شعرو مرجعو للور حتى تخربق وقال بملامحو المعهودة : كتعرفي ليه؟
بقات كدور فعيونها اخر مرة ركباتو كانت غتموت طاحت طيحة خايبة ولاكن مقصحة راسها وحالفة حتى تعلملو
عفاف (جاوبات بثقة فالنفس رافعة حواجبها زعما من نيتك؟) : اه..
صلاح الدين شاف ديك الثقة يالاه بغا يدوي تا وقف عليه واحد من الحراس ودوا فوذنو عاود ليه شنو طرا ليها مع الحصان اخر مرة ونبهو ميخليهاش
عفاف (عرفاتو قاليه اش طرا) : شنو ساير كيقوليك هداك؟
صلاح الدين : مغتركبيش تا يجي باك وتحملي مسؤوليتك!
تعصبات وجمعات شفايفها وعيونها لي تبدلات نظرتهم بغات تركب واش سوقهم هي تتحمل مسؤوليتها
صلاح الدين رفع فيها الشوفة عرفها تقلقات تنهد وقال وهو كيشوف لجيهة حصانو كيقاد السرج ديالو : نوضي!
مبغاتش تنوض حتى كمل كلامو : مبغيتيش تركبي؟
عفاف ناضت قافزة وعيونها كيبريو كيف الدرية الصغيرة فرحانة عاونها طلع فوق خيلو وشد اللجام مغيدهم وهو كيتمشا على رجليه والقافلة وراهم واخا عرف بلي غيتعطلو هاكا ولكن معرفش علاش مقدرش يرفض ليها هاد الطلب خصوصا فاش شافها تقلقات
اما هي فكانت فرحانة بزااف مقاداها فرحة وباغا تشد اللجام بيديها ولكن عارفاه مغيخليهاش كتافات بهادشي دابا
حد هنا البنات #انتظرونا_غداا هادشي لي قدينا عليهم اليوم لا شفنا شي تفاعل يحمر الوجه واراء ومناقشات غنتهلاو فيكم
تصبحون على دين محمد صلى الله عليه وسلم 🕊😍
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
