حكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
قاعدين و هو يوريلها كيفاش دير بالتليفون اصغر تفصيلة ورهالها و هي مركزة معاه مليح
ملك : مارسيي ريان فهمت مليح ريان : ça me fait plaisir .... حقا واش كنت راح نقلك ملك : خير ان شاء الله ريان : قلتيلي حابة تلقاي خدمة زيادة ملك : ايه ريان : كاينة وحدة نعرفها كي حكيتلها عليك قالتلي كاين ناس من لافامي تاع يماها يسحقو وحدة تتلهى بواحد طفل فالويكاند بارسكو هو يقرا فلاكراش فالسمانة و فالويكاند حابين وحدة تلتهى بيه فالدار ملك : بيزار كيفاش يماه مراهيش قادرة عليه ريان : منكدبش عليك هدا واش حكاولي و انا قلت نتي تساعدك فالويكاند خير ما تخدمي زوج خدمات فنهار واحد ملك : سبحان الله تقول الخدمة داروها على حسابي ههه ريان : ههه مام انا قلت هكا ان شاء الله يقبلوك ملك : ان شاء الله .... ريان معلباليش كيفاش نردلك خيرك ؛ نتا لقيتلي كامل الخدمات قدما نشكرك منوفيش بحقك ريان : مدرتش حاجة كبيرة و زيد نتي تستاهلي كل خير
تبسمتلو فرحانة يعني الدنيا بدات تضحكلها ... حابة تلم دراهم فاقرب وقت و تخرج تكري ... طلعت راسها وقت بانتلها الما فالباب مع سعاد لي دخلتها عندهم
الما : وشراكم جماعة الخيير ريان : رانا ملاح ألموش الما : لحقت بهداك سامط ، ملك وشراكي ملك : الحمد لله و نتي الما : سافا المفيد و المهم هو انو جيت نديكم معايا سعاد : لوين !!! الما : غير هنا هههه لدارنا .... درنا الشواء ليوم على هادي ماما راهي تستنى فيكم سعاد : وعلاش شقيتو روحكم ... بصحتكم يعني حنا عشانا طايب ... ملك اذا حابة تروحي روحي ريان : اههه وعلاش يما تخلي الشواء و توكلينا المقارون حرام عليك الما : وعلاش خالتو غير الخير سعاد : لالا مكاين والو بصح مكالاه يعني عشاكم قيسكم و انا راني مطيبة اصلا الما : بصح حنا درنا لينا و ليكم خالتي
اسراء : وعلاش واش كاين ملك : راح يروحو يخطبو لوليد خالتك سيف اسراء : صحححح ... و ووو ... وقتاش و شكون هادي ملك : وشبيك كنت نتمسخر كاش واحد يروح يخطب فالليل .... خالتك دارت لعشاء و عرضتكم
دارتلها اسراء براسها ايه و تنهدت حاطة يدها على صدرها
اسراء : ايه دوك نوض
قعدت ملك فوق البونك تخزر فيها بنص عين .... علبالها بلي اسراء لي سرقتلها دراهمها بارسكو موالفة تشوفها و هي تخبي فيهم بصح مقدرتش تهدر علبالها بلي تكذبها و تفسد علاقتها بسعاد على هادي ديسيدات تسكت و دراهمها تولي تديهم معاها .... و زيد على هذا الطريقة لي هدرت فيها مقبيل معاها معجبتهاش مالغري فاهمتها بلي مراهقتها جات على وليد خالتها و مدام طايحة فيه راح تغير عليه من اصغر حاجة بصح هكاك و مكانش لازم تهدر معاها هكاك ..... ناضت و جبدت روبة سامبل و خفيفة و شعرها طلقتو و لمت شوية منو للور مع خصلات هابطين على وجهها
هادي هي الروبة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
........
قاعدة فوق البونك تستنى فاسراء لي شوية تليسي فشعرها و منبعد دير فالمكياج منبعد تولي لشعرها منبعد تلبس ف les accessoires تاعها ... ملك عينيها دارو معاها و هي محبتش تحبس
.....
اسراء : كملت ... هيا نروحوا
دارتلها براسها ايه و خرجوا ديراكت لدار حبيبة بحكم سعاد و ريان راحو قبلهم كي طولت اسراء
راحوا للصالون وين سعاد ريان حبيبة و الما كانوا قاعدين فالطابلة و سفيان يجي يحطلهم الشواء لي كانوا يشويو فيه هو و سيف فالبالكون ؛ قعدت ملك و اسراء لي خنزرت وقت شافت فيها الما
اسراء : مزال باش يكملوا خخالتو يعني مساكن دوك تبردلهم الماكلة حبيبة : لالا دوك شوية و يجيو غير ابداو نتوما و هوما ياكلو من الاخرى
حطتلهم حبيبة و بداو ياكلوا شوية و جا سفيان و سيف و كملوا عشاهم وسط القسرة و الضحك تفكروا يامات الصغر مرة يهدروا على القراية مرة على الماكلة مرة على العيباد و هكذا جازت سهرتهم تهبل ... كملوا العشاء و الما و ملك تفاهمو يغسلوا الماعن و يفرزوا الحالة و اسراء كانت توجد فالسهرة لاتاي مكسرات و هاد النقانق المهم .... حبيبة و سعاد كانوا يقسروا فالصالون و سيف قاعد معاهم يدير فالتليفون الما و ملك لي فالكوزينة يغسلوا و سفيان معاهم قاعد يتبهلل هو و ريان معاهم و اسراء رايحة جاية توجد فالمائدة تاع الصالون حتى .... سمعو واحد يطبطب و راحت الما تفتح الباب حتى لقاتو .....
