فصليه رحت من بعد نهوه

البارت الثالث عشر والاخير

واني ما اتمنى بس هالمرة اريد
ويـا چفچ چفي ياخذ صورة
حتى اگلهم هذا چف الشمس چان
واني گدتة والتهيت بنـورة ♥️.

******************************
غضب : بعد ما كالت الدكتوره حامل وصار الي صار رجعت للبيت وسالونيً وينها كتلهم طلكتها كلها تفاجئت من كلمتي والعجيب محد سال مرت الايام وانه احس روحي فوك الاعصاب مليون فكره تكومت براسي وكلما اكول الابوي امشي نطلك رسمي ونجيب سيد مايقبل يكول بعد موهسه لو يتحجج بالشغل بديت اشتاق الها واحسب الايام الي راحت بيهن واي شخص يحاجيني انتر بيه معضم وقتي صار برا البيت لو بالديوان ومن مشكله المشكله بس عمرها ماراحت من بالي والايام صارت شهر والشهر صار ثنين عبير تصرفاتها تغيرت وياي صارت احسن من قبل كلت يجوز حست ع روحها وبيوم كاعد بالديوان وجان اسمع صوت همام
همام : حبيبتي كتلج انتضري وصبري وانشالله خير بلكي ويطلع كلشي جذب لان انه ماصدك بيوم انو تسوي هيج شغله لان ماشفنه منها الا الخير
غضب : طلعت وكتله همام هوه مثل الي نصدم كبل كال
همام : يلا حبيبتي بعدين احاجيج
غضب : شبيك ومنو هاي الي مستحيل تسوي هيج
همام : ماكو شي خويه لاتخلي بالك شي وسالفه طويله كلش
غضب : تمام خليت ودخلت يلا تعال الجو بده يبرد ترا
همام : اي بده يبرد خليت ودخلت بعد ماتصلت بيه وضلينه نسولف انه وماس هواي تعمقت بيها وهيه حبتني مثل ماحبيتها واكثر بس صار الي جان مو ع البال من غضب طلك زمرد هنا كلت بعد ماضم عليها وضطريت اكلها انه منو وابن منو اول مرا عصبت ونقهرت وضلت تبجي وعافتني عشر ايام بهالعشر ايام احس روحي تايه مادري وين اروح رغم ماقطعت اتصالي بيها رغم عدم ردها عليها الى ان ردت وكالت
ماس : همام انه احبك وماكدر اعيش من دونج
همام : ياروح حبيبج ليش انه الاكدر كتلج ابقي وياي الى ان ربج يحلها وهيه وافقت ومنها يوم عن يوم احبها اكثر ودوم سولف عن زمرد وتكول شنو السبب وانه اكلها مادري وغضب ماكايلي وتكلي بطنها بلشت تبين وهيه كلش موزينه ودوم عازله روحها كتلها الله كريم الى ان بيوم حصرت بيها غضب وسولفلي كلشي ضليت صافن بس كبل كتله مستحيل زمرد تسوي هيج
غضب : كتلك شفته بعيني طلع من بيتنه وقبلها شفته اكثر من مرا يفتر ع البيت
همام : الي جاي تكوله مستحيل غضب زمرد مودبه وبنت ناس
غضب : زين اذا انه جذاب منين حملت وانه مايصير عندي اطفال
همام : سكتت بوقتها ماحجيت وهوه اشوفه عصبي ودوم يدخن الي جان مايخلي جكاره بحلكه بده يدخن بصوره قويه وبكثره ودوم سهران واحس باله حجي بس مايحجي ادري بيه يحبها ويموت عليها وهيه هم تحبه صح بقت وقت مو هواي بس هوه اخوي ينحب وضل ع هاي الحاله ورجعت ماس سالتني عن السبب وهنا ضطريت اكلها لان ماريد اخسرها مرا ثانيه يوم واحد بعيد عنها اموت بس حلفتها ماتحجي الى ان تبين الحقيقه
ماس : بس همام اذا درت زمرد هوه يشك بيها وبشرفها ويتهمها هيج اتهام مستحيل ترجعله اختي وانه ادرى بيها كلش زين
همام : ادري بيها حبيبتي الله كريم وبعدين سمعني غضب ورجع دخلت ورجعت كعدت يمه كتله شبيك خويه ليش مهموم
غضب : ماجاي استوعب همام صارلي ثلاث شهور واحس بالي مشوش ماجاي اكدر انساها
همام : تحبها
غضب : اجذب عليك اذا اكلك لا بس السوته موشويه ربك ستر ومانفضحنه واحنه ولد الشيخ كنعان
همام : يجوز ضالمها يجوز اكو خلل يا شيخ انت الي تحكم بالعدل مستحيل تظلم احد
غضب : هذا الي قاهرني همام لليل ماجاي انامه لك انه الشيخ تسوي بيه هيج وحده زعطوطة  تخليني الليل ما انامه
همام : ارجع واكلك راح يصير شي يخليك تكشف كلشي وانت راح تشوف بعينك
غضب : سكتت ومارديت وراها بشويه رحت للغرفه وانه مليون شغله براسي وصلت للباب واجان اسمع
عبير : كتلك ماعندي فلوس وشتريد سوي سوي ماخاف منك الساقطه وطلكت ههه شتحجي تكول للشيخ ماراح يصدكك بابا لاتنسى انت كتال اخو شلون يصدك بواحد مثلك محادثات لا عيني محادثاتنه كلها من رقم ثاني فلا تتصور يصدك بيك ولا تخلي راسك براسي يامه ذبيت عليها بلاوي وحصلت الها كم ضربه واخير شي طردتها طرده الجلب من البيت
غضب :  نقهرت حيل من حجيها وقبل لاتسده دخلت عليها مثل الي تفاجئت هلا شيخ ضحكت بصوت عالي وجريتها من شعرها كل قوتها وضليت اضرب بيها وين طحتي بيه وهسه تسولفين كلشي والله اطلع بروحج
عبير : شنو اسولف مامسويه شي والله
غضب : ماتحجين مو سهله ضليت اضرب بيها واضرب من كل كلبي ومن كل قهر طلعت شكو ضربه ضربتها بيها وضليت اغلط عليها وهيه صارت مثل الجثه بيدي مالها حيل حتى تصيح وكلها اجت بالباب تدك بيه ومافتحته الى ان كسره همام
همام : تخبلت جاي تسوي
غضب : همام معليك هاي الكلبه لازم تتربى من جديد ردت ارجع عليها وطلعني برا كتله خليها يمك انه ساعتين واجيك خليت وطلعت وبوجهي لبيت الساقط ادري بيه بالعماره لان انسان وصخ خسر كلشي وكلاشي دكيت الباب من وصلت واول ماطلع ركعته بوكس
اكرم : اجتني شغله جديده لتهيت بيها ونسيت حتى الساقط غضب بس كلت خل اكمل ويصير خير ضلت هالشغله تدر عليه فلوس ملايين ادخل بخمسه اربح 15 مليون حيل فرحت ولتهيت بالشغل وايام وانه اربح الضعف ضعفين حاجيت جهاد يدخل وياي وماقبل بشي وشوي شوي وراها بديت اخسر وضليت اداين من جهاد ومن هواي ناس غيره اخير شي ضل ماينطيني وتوعدت اله لان حيل حقدت عليه ماساعدني بديت اخسر وصار عليه هواي ديون ضطريت اشرد لغير محافضه من الديانه وخليت اهلي يتورطون واصلا ابوي عنده ماعايز فلوس واخو هم ملايين بجيبه وبيوم كاعد وانه بالي يم غضب وزمرد اريد اخذها منه جان يجيني مسج من حساب غريب رديت عليه وكتشفت هاي مره الشيخ غضب الاولى وضلينه نخطط سوه حتى زمرد ترجع الي وكلت انه يجي يوم واحوالي تصير تمام بديت اروح يم بيتهم واتعمد اخلي يشوفني واخير شي دخلت ورا الباب خربطت هدومي طبعا بمساعده الحيه الجبيره هاي ابليس ما يلحكها بتفكيرها اخذت رقمها وخابرتها وفعلا دخلت للبيت وبعدين طلعت بسرعه بجيه الشيخ وهنا وصلني خبر طلاك زمرد فرحت لدرجه قويه بس الي يقهر طلعت حامل والحمل الشيخ عباله مني هه يعني ربحان الشغله كتلكم هاي ابليس مايلحكها بتفكيرها تعدت الايام والاسابيع وكمت اهددها لو تنطيني فلوس لو اكول الرجلها اول مرا نطتني بس بعدين حسيتها ماتخاف وماخافت وسدته بوجهي وراها بنص ساعه ندك الباب واول مافتحته اجاني بوكس
غضب : ساقط حيوان ادبسز سرسري وضليت اضرب بيه هسه تحجيلي شنو صاير
اكرم : حبيت اعصبه اكثر واحرك كلبه شحجيلك مرتك ساقطه فوتتني لبيتك اكثر من مرا اخير شي حبلت
غضب : كلي هيج ضربته ع حلكه كتله انجب سافل عبير الوصخه كلشي سولفت الي وانت واحد نكس تدري ليش لان بعت شرف بنت عمك يا ساقط تف عليك
اكرم : ضليت صافن مسولفه كلشي يعني الساقطه كتله راح احجيلك كلشي وبديت احجيله كلشي وكل تخطيطها واخير شي ختمتها بقنبله عليه كتله واريد ازيدك من الشعر بيت ترا العيب مو منك منها والدكاتره الرحتوهن كلهم نطتهم فلوس حتى يخلون العيب بيك مارادت تخسر الخير كله وشي ثاني يالحبيب اي حجايه ماطالعه عليك هاي هيه مرتك المصون وبنت عمك لفقنها حتى تضربها وتطردها بس ماسويت هالشي لذلك لتجات الي وانه حليت السالفه الها قابل بس هيه اخليها تاكل حقي
غضب : من كليً هيج وسمعت كلامه كبل هجمت عليه وضربته مرا ثانيه اخير شي سحلته من ياخته وشمرته بالصندوق مال السياره وديته للبصرة ادري عليه قضايا هواي وشمرته بمركز الشرطه ورجعت بكل سرعتي للعماره وبالي بس زمرد انه ضلمتها انه اذيتها شلون راح تسامحني اخ راسي يوجعني ضليت اصرخ الله يا الله ساعدني سنين تتهمني بعجزي ومنها السبب سنين مستغفلتني وهسه خلتني اظلم بنت الناس وصلت للبيت وانه وجهي احمر بعد ماردت اندعم اكثر من مرا صعدت فوك ولكيتها كاعده كتلها هسه حسابج راح يبدي رحت الكنتور وطلعت عگال ودرت عليها وضليت اضرب بيها وبكل مكان وع وجهه هم حتى اصبعها نكسر ضلت تصرخ من الالم وهمين رجعو يفوكوني
شيخ كنعان : غضب بسك تخبلت شمسويه حتى تسويلها هيج
غضب : صار بويه هسه اسولفلك وسولفت كلشي الهم من ضلمت زمرد لحد هاي اللحضه كبل درت عليها وكتلها انتي طالك وبالثلاثه ومالج كعده هنا ضلت تبجي وتتوسل شكد شايف صلفات مثل هاي الصلفه ماشايف كتلها هسه تلكين زبايلج وترحين منا وبس هدومج اي شي ثاني مالج حق بيه انه الي سويتج بشر واسمع بويه زمرد حامل وبابني وهاي الساقطه جانت ترشي شكو دكتور نروحله بس للاسف هاي شيبات لحيتي وراسي تجي وحده سافله مثل هاي تضحك عليه تف عليج خابرت اهلها واجت امها اخذتها بعد ماعرفت بسوالف بتها كعدت وفعلا جنت مهضوم من الي صار انه ضلمتها انه اذيته انه ضربتها انه تهمتها بشرفها بدون علم الها حتى مانطيتها مجال تعرف السبب
همام : بسك يخوي. همزين امي بيت اختها جان ماتت من هاي السالفه
غضب : زمرد همام انه ضلمتها
همام : كتلك اكو سالفه بالموضوع والحمدالله الله كشف الحقيقه وسبحان المايغلط وزمرد ترا تحبك غضب لاتخسرها
غضب : سكتت وماحجيت ومرت الايام لى ان اجه ابوي وكال
شيخ كنعان: بويه انه اروح ارجعها الك اذا تريد
غضب : بويه اريد بس شنكولً الهم اكلهم انه متهم بنتكم بالخيانه والي بطنها موابني مو
شيخ كنعان : خليها عليه بويه ونروح انه وخوتك وانت هم تعال
غضب : ماشي بويه الي تشوفه سوي صار الليل وثاني يوم طلعنه الصبح وصلنه الضهر ع ماتغدينه رحنه العصر نفتح الباب صار بوجهنه جهاد دخلنه للاستقبال انتضرنه شويه وجان يجي ابوهم سلمنه عليه وابوي بده يحجي
شيخ كنعان : الله بالخير ابو عامر
جلال : الله بالخير
شيخ كنعان : اليوم احنه اجينه رايدين نرجع بنيتكم لابنه احنه ندري ابنه غلط وياها وعرف خطاه بس هسه ندامان ويريد مرته وابنه وهوه ماطلكها سيد بس مجرد كلام كاله بساعه غضب ياريت تتقبل جيتنه واحنه نعتذر منك وانه بصفتي الشيخ وابو غضب انه اضمنه الك مايحاجيها بحرف
جلال : انه ارجعها بشرط
شيخ كنعان : اي تم اعتبره صار
جلال : هسه يسولف ليش سوه هيج وليش طلك بنيتي
غضب : كبل حجيت كتله عمي بينه احنه زوجين مايطلع لثالث
جلال : انه كلت شرطي وابوك كال تم فجاوبني
غضب : اضطريت احجي كلشي اله وهوه فتح عيونه ع وسعهن وكال تتهم بنتي بشرفها ويامن وي ابن عمها انه ادري ابن عمها واحد هتلي ساقط بس بنتي اعرف تربيتها صح صحيح حبت ابنكم الله يرحمه بس واثق بيها ماتسوي شي خطا ويا وهسه روحو من مكان ماجيتو ماعدنه بنات الكم صارت عيوني بكصتي من كلامها وعصبت حيل كتله مرتي اريدها وابني هم
جلال : وانه كتلك ماعدنه بنات الكم تفضلو طلعو برا من غير مطرود
زمرد : اجه جهاد وكال الشيخ ولده هنا احس كلبي ضل يركص من الكلام الي كاله ارتباك ع خوف شيردون معقوله يطلكوني رسمي صار عندي فضول ورحت وكفت تصنت والي سمعته خلاني كفيله اني اوكف متصنمهً مكاني يعني انه بعينه موزينه انه بعينه رخيصه اخونه ويً ابن عمي ضليت واكفه وعيوني ع خدي شوي والباب نفتح صار بوجهي غضب باوعتله بنضره حقد ع كره خليت ودخلت جوه رحت لغرفتي وضليت ابجي ابجي شويه واجاني ابوي
جلال : سمعتي يمكن الصار بنيتي انه كتلهم ماعنده بنات الكم حتى ادبه شويه اشلع كلبه انتي مورخيصه عندي انتي غاليه عليه بنيتي شتكولين انتي قرارج وفكري بالبطنج يلا تحجين وتردين خبر انه متاكد راح يجي مرا ثانيه وثالثه بس الحق الج هالمرا ولاقوه بالدنيا تكدر تطلعج من بيتج بويه
زمرد : ابوي يحجي وانه صافنه مادري شكول مادري شنو قراري بس قبل كلشي ابني اهم من كل الدنيا هاي شويه واجاني جهاد
جهاد : ابتعدت كل الابتعاد عن صفاء بعد ماعرفت بيها اخت الشيخ حيل مشتاق الها بس لاهيه راسلتني ولا انه راسلتها وطولت كعدت زمرد يمنه وصارلها اربع شهور بطنها بلشت تبين هواي كتلها اخذج دكتور وماقبلت بهالشي وبيوم كاعدين وندك الباب وجان الشيخ واولاده وفعلا رادو يرجعون زمرد وابوي ماقبل وضلت تبجي انه بوقتها اجتني فكره واضرب عصفورين بحجر ادري زمرد تحب غضب وهوه يحبها دخلت عليها وكتلها باعي خويه انه ادري بيج تحبين غضب وهوه مبين مجنون بيج حسب ملامحه الي شفتهن انه اكول احسن الج ترجعين بس طلبين من ابوي مقابل رجعتج ياخذ بنتهم صفاء وانه اتزوجها
زمرد : باوعتله وابتسمت يعني انت تحب صفاء صح
جهاد : حرجتني سولفت الها كلشي كبل كالت
زمرد : احسن ماختاريت صفاء خوش بنيه وبنت ناس وعالم والله يعلم شكد احبها وتمنالها الخير واصلا انه اريد ارجع ماريد ابني يصير بعيد عن ابو بس انه اعرف شلون اخذ حقي منها عفت الموضوع يومين وبهاليومين غضب ماضل واحد ماوداه اخير شي اجو مرا ثانيه قبل لا يطلع ابوي كتله بويه انه موافقه ارجع بس عندي شرطين الاول راح تبين انو هذا طلبك انته والثاني اريد يجي يخطبني ويسويلي عرس ويعقد عليه محكمه
جلال : الاول شنو
زمرد : تكلهم اريد بنتكم لابني جهاد
جلال : ليش
زمرد : مثل مااكلكً واذا ماقبلو معناها مارجع
جلال : صار بويه دخلت عليهم وسلمت وكفو كلهم وحجه شيخ كنعان
شيخ كنعان: الله بالخير ابو زمرد
جلال : الله بالخير
غضب : بعد ماصارت بوجهي وانه ملامحها ماتروح مني مبين عليه التعب وباوعتلي بنضره كفيله انو تكسرني وتخليني اصر عليها بالزياد مرت الايام وماضل شيخ ماوديته واخير شي كتله بويه احنه نرجع نروح الهم وفعلا وافق ورحنه وشويه ودخل ابوها وهالمرا اذبحه اذا ماقبل اخذها وكعدنه وابوي بده يحجي وهوه كال
جلال : موافق ترجع بس عندي شرط وعندالبنيه شرط وخلافهم ماترجع
غضب : كبل كتله كول عمي
جلال : كتله وحجيت بالشرطين ضلو صافنين
غضب : بس ياعمي شلون اقبل نيابه عن اختي صفاء وهاي حياتها يجوز ماتريد تتزوج وهيه بعدها طالبه
جلال : الشرطين انه حجيتهن وكلتهن وانتم كيفكم ننتضر منكم خبر
شيخ كنعان : الله يسهل ابو زمرد نرفع الزحمه احنه وانتضر من عدنه خبر
غضب : خلينه ورحنه وصلنه للبيت وسولفت الامي
صبيحه : والله يا ابني بالنسبه للعرس ماطلبت شي جبير وهذا حقها واخوك صارله سبع شهور مو توفه والحي ابقى من الميت وبالنسبه لاختك ماشوف بيها شي رادوها ع سنه الله ورسوله وانه اكول وافقو
شيخ كنعان: عين العقل امً بارق والباقي بقه يمكم بويه يلا خلينه نكوم تعبان من الطريق
غضب : خلو وراحو تعدت الايام وصفاء وافقت وانه هم اريد بنيتي يمي تجي اخ شكد احبها رجعنه خبر بالموافقه وماقبلت تجي لمن تم خطوبه جهاد وصفاء وفعلا حددنه الموعد واجو يمته وشفتها بنت كلبي طالعه تخبل وبطنها شوي كبرانه ضليت صافن عليها وهيه هم باوعتلي ودنكت وفعلا تمت الخطوبه وخلصو وراحو وراها بيومين بلشت بتجهيزات العرس وغيرت الغرفه وحددت موعد العرس وعزمنه الناس وهمام اصر الا نسوي حنه وسويت حنه وعزمنه الناس كلها وخلصت الحنه واليوم يوم العرس رحنه وصلت للصالون واخذتها من الصالون ورحنه صورنه بس بس جانت طالعه احلا من الملاك ضليت صافن بعيونها حيل وهيه كالت
زمرد : راحو وانه متاكده راح يوافقون ورجعولنه خبر بالموافقه واكثر شخص فرحان هوه جهاد عبالك صارله سنين يحبها حددو الخطوبه ورحنه وباوعت عليه حيل احبه واباوعله متغير كلش وتعبان وراها كعدت يم صفاء وسولفت كلشي كتلها ليش سوت بيه هيج انه شنو مسويه الها المهم رجعت ضحكتي واخوي دخل ولبسها الحلقه وهمس باذنه وهيه ضحكت طبعا اذا يحبها وتحبه خليني ساكته احسن رجعنه للبيت وحددو العرس وضليت اروح منا واجي منا اجرت فستان بسيط ماريد بطني تتاذه لحد هسه مادري انه بيا شهر او شنو بيه بس حسب حسابي عليه خمس شهور رحت للصالون الصبح واجه عليه الضهر رحنه نصور وضل صافن بيه كبل كتله لاتضن سامحتك ع السويته بيه الي صار كله ورجعتي ع مود الي بطني واي شي ثاني ماعندي تجاهك خلصنه صور ومارد عليه بس كال
غضب : اخليج سامحيني وبنفسج تجيني
زمرد: مارديت عليه وداني لبيت اهلي شويه واجت الزفه واخذوني من بيت اهلي بس هالمرا طلعتي جانت صح وكبال الناس كلها هذا عرسي انه واخذت حبيبي اي احبه وأموت عليه بس لازم اخليه يعرف انه منو وشنو كياني وشنو كلامي وصلنه والشيخه هالمرا فرحت بيه وهلهلت رغم ابنها ماصارله سنه بس هنا عرفت شكد تحبني زفوني للغرفه ودخل الشيخ تقرب مني وكال
غضب : احبج زمرد انه اسف ع كلشي صار بينه وكلشي بدر مني مجنت اعرف مربي حيه بالبيت هنا الي اكتشفته ابليس مايلحكها بالسم مالته الله يخليج سامحيني تقربت عليه دارت وجهه كضيته بيدي وكتلها سامحيني زمرد اذا تحبيني صدك سامحيني
زمرد : باوعت عليه حسيته صادق بكل كلمه ماتحملت كمت وحضنته كتله انه هم احبك هواي انت صح اذيتني بس هم مالك ذنب يعني اي شخص بمكانك يسوي ازود من هيج
غضب : كالت هيج وكبل اخذتها من شفايفها وبيومها عشت احلا يوم بعمري وي اغلا انسانه ع كلبي بيومها صرنه روحين بجسد خفت عليها شويه لان حامل بس بينت شوكي الها واهتمامي وخوفي بيها كعدنه ثاني يوم وهيه بحضني ماوخرتها لحضه
زمرد : كمت الصبح وبسته من خده كتله احبك شيخي
غضب : يابعد روح شيخج انه هم اموت عليج وتقربت منها مرا ثانيه هسه تكولون ليش هيج ماشايف الي يضوك البعد عن حبيبه ويحس بالاشتياق ماراح يمل من قربه لو الف مرا باليوم خصوصا اذا وصل الحب حد الجنون كمنه وسبحنه ونزلنه وامي هلهلت وصفاء هم وتريكنه وبدو الناس يجون يتباركون النه الي ابوي مامخلي احد ماعازمه ع العرس مالتي ف كلها درت طبعا عبير طلكتها سيد ومحكمه وعقدت محكمه ع زمرد وهيه بالبيت لان معارفي هواي المهم تعدت الايام والشهور وهيه وصلت شهر 8 وبعدنه مانعرف شنو بيها كلما اكلها يلا تكول بعد وكت وهنا تحدد موعد عرس صفاء وحبيبتي راحت الاهلها هناك بس كوه عليه لان كلت اخوها وصار العرس وراحو الزفه ثاني يوم كبل رحت عليها وجبتها لهنا
زمرد : مرت الشهور وصرت 8 شهور وماقبل اروح اسوي لتهينه بتحضيرات صفاء وهيه فرحانه لان حيل تحب اخوي وبفتره الخطوبه تقربو هواي بس بالي بقه يم ماس ادري بيها تحب همام وتريده وهوه هم يحبها واجه الوقت بالتواسيل قبل اروح الاهلي صار العرس ونزفوا كتلها موتفشلينه ههههه دخل اخوي وكتله ارفع راسنه اليوم
جهاد : صايره ادبسز كلش بس مع ذلك لاتخافين حبيبتي هاي وطلعت زمرد وعشت احلا يوم وي حبيبتي صفاء وكعدنه ثاني يوم واجو الناس يمنه والبيت خبصه وماس وحده تروح منا وتجي منا تخاف ع زمرد لان حملها متعبها شويه للعصر اجه غضب واخذ زمرد رغم ماقبلنه بس شنسوي وراها بسبوع خابر الشيخ الابويً وكله اريد ماس لابني همام وابوي طبعا قبل صحً بالبدايه جنه اعداء بس هسه صرنه اقرب من الاهل مثل مايكولونً من بعد العداوه دايما محبه بالنسبه الاكرم نسجن خمس سنين بسبب الديون رغم ابوه دفع نصها بس شنكول
صفاء : حبيبي يمته حددو الخطوبه مكالو الك
جهاد: ع الاساس الاسبوع الجاي
صفاء : الله كريم
زمرد : رجعت وكتله ليش بعد وكت كال مشتاقتلج وماحجيت شي وبيوم كاعدين وهمام كال اريد اخطب اخت زمرد ما الكه  احسن منها زوجه الي وفعلا الشيخ خابر وابوي قبل وحددو الخطوبه بعد سبوع هنا انه دخلت بشهري احس روحي مختنكه حيل وتعبانه مادري شنو السبب مامراجعه دكتور لحد هسه وضاله ساكته حتى من احجي اتعب بكلبي يوم عن يوم حبي يزيد لغضب وهوه هم مدللني دلال وصار موعد خطوبه همام وماس ومارحت الا بيوم الخطوبه غضب يخاف عليه بده عندي وجع حفيف مادري شنو سببه بس كلت هاي كل مرا وتروح عادي حاولت اتحمل اتحمل حتى وجهي احسه نخطف من الوجع بس تحملت لحدً ماكمل العقد واجو يم ماس حتى غضب دخل لان ماس ماجره فستان محتشم واصلا لابسه حجاب مادري من شنو تستحي هنا وبعد ماتحملت كبل صرخت من الالم كتله غضب راح اموت وبعد مادري باي شي وراها
غضب : شفتها تعبانه رفضت  تروحً الاهلها الا وياي اخاف عليها من الهوه احسها تعبانه حتى من تمشي اكتفي بنومتها بحضنيً واشم ريحتها رغم ماتقبل وتتعارك وياي بس شسوي اخاف عليها حتى مني بوقتها قررت اترك المحاماه وفعلا تركتها وتجهت للمشيخه اصلا انه مامحتاج اي شي بس التهديدات كثرت واخير شي ندعمت وربك ستر مامتت مامجبور اعوف حبيبتي وابني واموت واتركهم لذلك ماداومت بعد وابوي مكال شي حددنه الخطوبه ورحنه وتم العقد وانه بالي يمها احس وجهه اصفر حيل دخلنه يم العروس وفرحانين وجان تصرخ زمرد وطيح يغمه عليها ماعرفت شسوي كبل شلتها ورحت للمستشفى وياي اهلها واهلي كلهم وكلها تبجي طلع الدكتور وكال عمليات فورا حالتها تعبانه وصحتها جاي تتراجع وعدها نقص بالدم كتلهم انه انطيها دمي كله اهم شي تصير زينه رحت واخذو مني دم لان اعرف زمرتها شنو وضلت بالعمليات ثلاث ساعات ومحد يقبل يحجي اي حرف وراها طلع الدكتور وكال حولناها عنايه شويه نفسها تعبان من تتحسن وتفيق نطلعها ومبروك صار عندكم ولد يتربى بعزكم ولالكم انشالله كتله اهم شي هيه شلونها كال انشالله مابيه شي تمام جبتوها بالوقت المناسب تعدت ساعتين وفعلا طلعوها بس بعدها تم تم تكول غضب وينك ليش عايفني احبك انه وضلت تبجي بطني توجعني انه من الفرح مادري شسوي ضليت اضحك عليها وبنفس الوقت خايف عليها شويه وصحت
زمرد : فتحت عيني وانه احس موس بطني محطوط حيل متاذيه كتله غضب ابني وين اريد اشوفه وينه
غضب : مابي شي ابنج صيري زينه ويجيبو الج
زمرد : سكتت ماحجيت وراها جابو ابني وشفته فرحت بيه حيل باوعت ع ماس كتلها اسفه خربت فرحتج ياروحي اسفه
ماس : اهم شي انتي زينه وكمتي بالسلامه وانه هسه فرحتي زادت لان صرت خاله
زمرد : حبيبتي ياعمري مرت الايام وطلعت من المستشفى غضب سمه ابنه فهد ع اسم اخو يعني انه صرت هسه ام فهد رجعنه للبيت وصرت زينه احسن شلت الخيوط مال العمليه بس النهته بعدها بصدري مادري شنو السالفه كل ضني الي بيه من البنج ويوم عن يوم فعلا اتحسن وتروح الخنكه صار اهتمامي لفهد وبس احسه روحي من الدنيا
غضب : اي تحبينه اكثر من عندي ولج وانا شيخ شكدنيً شكبرني مركضتني وراج وحبج يوميه يزيد
زمرد : حبيبي لاتضوج يعني ماشوفه صغير خطيه يبجي تقبلها
غضب : لا حبيبتي اهم شي وليدي
زمرد : باوعت عليه وضحكت كتله غضب
غضب : عيونه
زمرد : شكد تحبني
غضب : ما اعتقد اله حد او مقياس
زمرد : حضنته وكتله الله يخليك الي صار عمري فهد ثلاث شهور وكلما يكبر يصير احلا ويشبه ابو ما ماخذ اي شي مني حددو عرس ماس وهمام وهمام يروح منا ويجي منا مامصدك هههه صار العرس وغضب ع مزاجه يلبسني والله اغار عليج احس مرات غيرته عابره الحد بس مع ذلك ماضوج بالعكس احبه يوم عن يوم ..