Uni
ရွှတ်
နူးညံ့အိထွေးတဲ့ပါးဖောင်းဖောင်းလေးတစ်ဖက်တွင်မြုပ်နှံထားသော နှုတ်ခမ်းတစ်စုံဟာလည်း
1စက္ကန့်
2စက္ကန့်
3စက္ကန့်
4စက္ကန့်
5စက္ကန့်ငါးစက္ကန့်မျှအနမ်းပေးပြီးနောက် အနမ်းခံရသူပါးပိုင်ရှင်ကောင်လေးသည် ကြောင်အစွာဖြစ်သွားရတော့သည်။
"လူကြီးခန့်"
" ပြောလေ ဟန်ယွန်"
" ဟင့်အင်း ဘာမှမဟုတ်တော့ဘူး "
သူမဟုတ်သလိုအေးဆေးစကားပြောနေနိုင်သောသူကိုကြည့်၍ဟန်ယွန့်မှာဘာစကားမှမပြောနိုင်တော့။
" ဇာတ်ကားလည်းပြီးသွားပြီ "
" လူကြီးခန့်က အဲ့.. အဲ့လိုကားလည်းကြည့်တာလား"
" အော်... Bl လည်းကိုယ်ကြည့်ဖူးပါတယ် "
" ကြိုက်လား "
" ကြိုက်တော့ကြိုက်ပါတယ် ဒါပေမဲ့ ... ဟန်ယွန့်ကိုပိုကြိုက်တယ်"
"ဗျာ! "
"အခုဘယ်သွားမလဲ"
" အချိန်ကဘယ်လောက်ရှိပြီလဲ"
" 3နာရီ8မိနစ်ရှိပြီ ကြွေရုပ်ကိုသွားကြိုမလား "
" ဟုတ်သွားကြိုမယ် မီးလေးကိုမတွေ့ရတာကြာပြီ"
" ဟုတ်ပြီ ဒါဆိုကိုယ်မမကိုဖုန်းဆက်လိုက်ဦးမယ်"
"ဟုတ်ဟုတ်"
'ဟယ်လို ခန့် '
'မမ ကြွေရုပ်ကိုခန့်တို့သွားကြိုမှာမို့ မမ မကြိုနဲ့တော့နော်'
' ဘာလဲ ဟန်ယွန်လေးနဲ့လား ခန့်ရေ အဆင်ပြေလား'
'ဘာကိုလဲမမ'
'ခန့် နဲ့ အဲ့ခလေးလေး အခြေအနေဘယ်လိုရှိလဲလို့'
'ပြေပါတယ် ဒါပေမဲ့သူကပြန်တော့မှာ နောက်နှစ်ရက်နေရင်'
ပြောရင်းဟန်ယွန့်ကိုကြည့်မိတော့ သူ့အကြောင်းပြောနေမှန်းသိလို့ကြောင်တောင်တောင်လေးနဲ့
'အေး သေချာဂရုစိုက်ပေးလိုက်ဦးနော် ခန့် ၊နင်တို့ ဟို...ဘာညာဘာညာဖြစ်သွားပြီလား '
'ဘာကိုလဲမမရဲ့'
'ချစ်သူလေ'
'မဖြစ်သေးပါဘူးမမရယ် နေပါဦး မမ ဘယ်လိုသိ..'
'ကဲကဲ ကြွေရုပ်ကျောင်းဆင်းတော့မယ် '
'မမ'
'နောက်နေ့ပြောပြမယ် ဒါဘဲ'
ခန့်ရှိုင်းမာန် စဥ်းစားရတော့သည် ၊မမတောင်ရိပ်မိတယ်တဲ့ နှင်းယုလည်းရိပ်မိတယ် ဟန်ယွန့်ဘိုးဘိုးလည်းရိပ်မိလောက်တယ် သူဘဲဘာကိုမှမရိပ်မိခဲ့တာလား ကိုယ့်ခံစားချက်ရော သူ့ခံစားချက်ကိုပါ
" လူကြီးခန့်! "
" ဟင် ဟန်ယွန် ဘာဖြစ်လို့လဲ"
" ဟန်ယွန်ခေါ်နေတဲ့ဟာကို ၊ကြွေရုပ်ကိုသွားမကြိုတော့ဘူးလား "
" ဟုတ်ပါပြီဗျ သွားကြိုမယ်လေနော်"
"ဟုတ်"
ကျောင်းရှေ့ရောက်တော့ ခေါင်းလောင်းလည်းအခေါက်ပင် ။
လုံးတုံးလုံးတုံးနဲ့ထွက်လာတဲ့မီးလေးကိုကြည့်ကာဟန်ယွန်အသဲယားရသည် ။ ထိုအချိန်တွင်ဘေးရှိလူကြီးခန့်က
" ဝတုတ်မ ဘာတွေစားလို့အဲ့လိုလုံးလုံးတုတ်တုတ်ဖြစ်နေမှန်းမသိဘူး "
"အဲ့လောက်လည်းမဝပါဘူးကလေးက"
" အင်း...သေချာကြည့်တော့လည်းဟန်ယွန်ပြောသလိုပါဘဲ မဝပါဘူး"
"ချက်ချင်း"
"ဘာပြောတာလဲဟန်ယွန်"
"ဘာမှပြောပါဘူး "
"ဟာ ကိုကို"
ဟန်ယွန့်ကိုအပြေးလာဖက်တဲ့ကောင်မလေးက ကျွန်တော့်ကိုတောင်ဂရုမစိုက်။ Car Driver ဘဝချက်ချင်းပြောင်းသွားရသည်က ကျွန်တော်ပါ။
" ကိုကိုမီးလေးတို့နောက်မှာထိုင်မယ်နော် ၊ ဦးခန့် ကားမောင်းလို့ရပြီနော် "
" ရတယ်မီးလေးသဘော"
"ဘာ!"
"ဟုတ်ကိုကို ၊ မ ဘာ ပါဘူး ဦးခန့်ရဲ့ကားမောင်းလို့ရပြီလို့ပြောတာကို "
" အေး ကျေးဇူး"
အမြဲ ကြွေရုပ် နဲ့တွေ့တိုင်းရန်ဖြစ်နေသော လူကြီးခန့်ကိုကြည့်ပြီး ခလေးဆန်သည်ဆိုတဲ့အတွေးကလည်းဝင်ရောက်လာ၏ ။ ပြီးရင်လည်းမျက်လုံးထဲမှာကြွေရုပ်ကိုမြင်ရင်အသဲတယားယားဖြစ်နေရှာသည်ကလည်းသူပါဘဲ။