للكاتبة بنين فهد
حسن: هوو شنوو مالي علاقه بيها احنا وين كاعدين
علي: اي مالك علاقة بيها عسى ما اخليها بغابة انت شكو
حسن: والله الحجي وياك ضايع فد مرة و اليحاجيك أنقص منك
علي: هاي شني
حسن: اي بالله العظيم مو صوجك صوجي انا
علي: والله لانعل ابو عشيرتك كلها ولك انا عايز حجي وانت تجيب وتسطر فوكي
حسن: عمي انا الغلطان طلعت
علي: يابه ما غلطان بس اسكت عني
حسن: يله انا رايح
علي: روح
راح حسن وره ساعة تقريبا طلع دكتور
علي: ها بشر
-شتقرب للمريضه؟
علي: زوجها
-وين كنتو عنها كل هاي الفترة البنت واكعه قبل ساعة
وعندها امراض مزمنه كل هذا وهسه توكم يله تجبونها
علي: هسه هيه وينها
-بلغرفة
علي: شنو بيها
- عندها هبوط و فقر دم حاد و نقص كالسيوم اما بالنسبة للنزيف فهي متعرضه لضربة قويه على صدرها
علي: رحم الله والديك طلعتها تفصيخ اريد اشوفها
-هاي تكدر تدخل تشوفها
علي: شكرا... دخلت شفتها بدون حجاب و عاوجه ركبتها غير احس نار وجت بيها هذا الكلب جان واكف يمها وهيه هيج مال واحد هسه ينيضها تنيض اكو كو.. يكلك ليش لا وفوكاها الاثر الي بيها زايدة الإجمالية
تقربت عليها لكيتها نايمه لزمت ايدها.. ها يحيلي اكعدي
دنكت عليها بستها بخدها رفعت نفسي لكيتها مفتحه عيونها... ها يبعد روحي شلونج
ضلت بس تتنوعلي و عيونها متروسات دموع
شبيج بنين
بنين: اريد ابوي
علي:شلون صرتي..ضلت تبجي
مَسدت على كصتها.. شبيج ياروحي كافي بجي
بنين: اريد ابوي
علي: منين اجيبه؟ الله يرحمه بعد بس هاي الي بيدنا
ضلت بس تبجي وتشهك وحاطه ايدها على وجها
اجت دكتورة
-سلامات ماما ليش تبجين اكو شيء دايأذيج
علي: اكدر اخذها للبيت
- اي تأكدر هذا المقذي وخلص بس الحلوة ليش تبجي
علي: تريد ابوها
-متوفي؟
علي:اي
- سوده عليه صارله كم من توفه؟
علي: يومين
- يااا خطية الله يصبرج بجاه النور المحمدي يله تكدر تطلعها
