رحمة ثأر

الحادي عشر

وافتهمتك وادري جانت غلطة
مني من ردت على الحب اجبرك
وهي ابد مو منطقية طول عمرك ما صرت فد يوم الي شبية خايف لا اخسرك
___________________________

رباب : طلعوا ضلينا بس احنا ساعة نسبح ساعة نستغفر كمت توضيت اقراء قران اندك الباب طفرت نرجس ترجف اكيد واحد غريب هم نظام بيتهم باب كبيررررر كلش ويدخلون للبستان والديوان اول شي يلا نوب يجي البيت اذا جان واحد منهم جا رفس الباب وفات تقربت ارجف منووووو ..

ماجد : ها خوية بس اكوا مرة تريد تشوفكم

رباب : منوووو هاي المرة

هبة : عمة رحاب فتحي الباب انا هبة

رباب : شمرنا سلاحنا وركضنا للباب فتحنا طبت وحدة طويلة وضعيفة وجه مزورك وعيونه مضروبة شفتها مبطوطة سواد جوة العيون وترعش عبالك سعفة بمهب ريح ركضت جبت الها ماي

هبة : ووووين عمو ايهاب

نرجس : طلعوا ما ندري وين

رباب : شلت التلفون ودكيت عليه ثواني اجاني صوته يرعد

ايهاب : ها بوية

رباب : هبة عدنا وتريدك هسة تجي

ايهاب : خوووش ضميها بالمخزن الي جوة الدرج ولا تفتحن الباب لاي واحد اي شي يصير خابرن بالطريق احنا

رباب : ماشي سديت منة اخذناها لبدناها وين ماكال ايهاب رجعنا سمعنا صوت صياح ورمي صلي ركضنا للشباك نفتهم السالفة شنو

مؤيد : وين شيخكم شيخ الكو****
وين هذا الساقط وينة وينةةةةةة لابد مووووو بسيطةةةةة اذا ما اجنزة بيدي سهلللللة

عصام : طب صيح شيخك لا ادفنك هنا

عاصم : وينها هاااااااي البر **** لج ههههههبةةةةة والله بسمااااا مااعوفجججج لسااااااااقط  اميررر كو***** اعلمكم وينننننك اميرررر كونك رجال تعال

رباب : يرمون بالهواء شوية وطبت خمس سيارات اول واحد طفر امير من سيارة ركض على عاصم نزل بي بوكسات لحد ما طاح ذاك شال السندانة حطها براسه اجة ايهاب شالة شيول ذوليج ضل يحجون بهدوء وبعدين راحوا طب ايهاب وراء الولد

ايهاب : فتحت باب المخزن شفت منظرها انصدمت هاي هبة مدللة ابوها جانت مثل الطير محد يدنالها هيج صايرة لزمتها طلعتها كعدتها شافتني البت بسرعة تخربطت شلتها وصعدت للسيارة امير ورباب حطي عباتج وتعالي نرجس قفلي باب الغرفة لا تفتحين لمن اجي وانتم درت على الولد الي يدنالكم طلعوا روحوا بس ديروا بالكم على رواحكم
طلعنا للمستشفى

رباب : نزلنا شالها ايهاب ودخل للطوارى اجت الدكتورة الخفر لعبت بينا جولة عاط بيها امير سكتت انطتنا تقرير وعلكولها مغذي خلص طلعنا للبيت صعدنا السيارة سمعنا صاح امساك يرحمكم الله وصلنا للبيت لكينا قيس وجعفر وصادق كل واحد لازم زاوية وبيدهم سلاحهم دخلنا