Unicode
" ကြာလိုက်တာ ငါ့တူမကြီးတို့ရာ ၊ နေအုံး...နေအုံး...ညည်းငိုထားတာလား "
ကားမောင်းသည့်ဦးလေးကြီးက ပုလဲ၏မျက်နှာကိုစေ့စေ့ကြည့်ရင်း မေးလိုက်တော့ ပုလဲက ခေါင်းကိုသွက်သွက်ခါသည် ။
" မျက်လုံးထဲ အမှုန်ဝင်သွားလို့ ဦးလေးရယ် ၊ အဲဒီအမှုန်ကိုလဲထုတ်ရတယ်... အီးပန်းနေတဲ့ သန့်ကိုလဲ စောင့်နေရလို့ နည်းနည်းကြာသွားတာပါ ၊ ပုလဲတို့ကို စိတ်မဆိုးနဲ့နော် ဦးလေး "
"ဦးလေးက စိတ်ဆိုးလ်ို့မေးတာ မဟုတ်ပါဘူး ၊ ကိုယ်တာဝန်ယူပြီးပို့ပေးရတဲ့ ကလေးတွေဆိုတော့ ဦးလေးကစိတ်ပူလို့ပါကွာ ၊ ကဲ...ကဲ...တက်ကြ...တက်ကြ "
ပုလဲနှင့်ယုယက ကားပေါ်ကို အရင်တက်လိုက်ကြပြီး သန့်က နောက်မှလိုက်တက်သွားသည် ။ ကောင်းကတော့ နောက်ဆုံးမှ ကားပေါ်သို့တက်လိုက်ကာ သန့်၏ဘေးဘက်တွင်ကပ်ထိုင်၍ သန့်၏ လက်တစ်ဖက်ကို ခပ်တင်းတင်းဆုပ်ကိုင်ထားမိ၏ ။ သန့်၏မျက်လုံးများမှာ ဖွင့်လာလိုက် ခဏကြာလျှင် ပြန်ပိတ်သွားလိုက်ဖြင့် တစ်ယောက်တည်းအတွေးများနေသည့်ပုံပင် ။ ခဏကြာမှ ...
" ပုလဲ "
သန့်၏ခေါ်သံကြောင့် မျက်နှာချင်းဆိုင်ခုံတွင် ငြိမ်ငြိမ်လေးထိုင်နေသည့် ပုလဲက မေးဆတ်ပြလာ၏ ။
" ကျေးဇူးပဲ "
" ဘာအတွက်လဲ "
" ငါ့အတွက် စိတ်တိုဒေါသထွက်ပေးလို့ "
" အပိုတွေ "
" တကယ်ပြောတာပါ ပုလဲ ၊ နင့်ကိုလဲကျေးဇူးတင်တယ် ၊ ယုယကိုလဲ ကျေးဇူးတင်တယ် သိလား "
" နင်နဲ့ငါတို့နဲ့က အခုမှပေါင်းလာတာလား သန့် ၊ သူငယ်တန်းကတည်းက အတူစားအတူသွားနေလာတာ မဟုတ်ဘူးလား "
" ဟုတ်ပါတယ်ဟာ "
" အဲဒါဆိုရင် ကျေးဇူးဆိုတဲ့စကားကို ငါတို့ကိုလာမပြောနဲ့ ၊ ငါတို့နေရာမှာ နင်ဆိုရင်လဲ စိတ်ပူပြီးကာကွယ်မှာပဲလေ ၊ အဖြစ်အပျက်တစ်ခုကို နင် မှတ်မိသေးလား သန့် "
" ဘာကိုလဲ "
ပုလဲက ယဲ့ယဲ့လေးပြုံးပြလာ၏ ။
YOU ARE READING
သံယောဇဉ်မြစ်ကို လွှမ်းခြုံထားတဲ့ မေတ္တာတိမ်စိုင် (Complete)
Romanceဒီဘဝတွင်တော့ သန့်မင်းဉာဏ်မှလွဲပြီး ဘယ်သူ့ကိုမှ မချစ်နိုင်ပါ... (ကောင်းသုတကျော်) ဒီဘဝတြင္ေတာ့ သန့္မင္းဉာဏ္မွလြဲၿပီး ဘယ္သူ႕ကိုမွ မခ်စ္နိုင္ပါ... (ေကာင္းသုတေက်ာ္) 25/11/2022-----30/6/2023
