بيت ابو فارس
بالحوش البنات والجده ملتمين على القهوه
الجده نوره: ياحلو جمعتكم يابناتي
ام فارس: يازينك انتي ياعمه
الجده نوره: ياعلي ماخلا منكم
جميله وهي تلعب بشعرها : ولامنك ياعيوني انتي
دخل عليهم نايف : ماشاءالله مجتمعين
جميله: اهليييين اخوي عساك شبعت نوم
نايف : اهلين اختي اوووف والله ياجات نومه للتاريخ
ام فارس: حمدلله اجل انك ارتحت
نايف وهو يبوس راسها: كل الراحه بحياتي دامك موجوده يمه
ابتسمت ام فارس: الله يخليك ياوليدي
نايف : جميلوه صبي فنجال مصدع
جميله: قامت نوف بتجيب اصبر
نايف : ايه ياجده اخبارك
الجده : بخير ياولدي
لف نايف عليها وتربع : جده وش كان الحب عندكم قبل
لفت انتباه جميله الموضوع
الجده : ايييه يانايف
جميله: ايه جده سولفي لنا
الجده: الحُب ياعيالي شي طيب يوم تحب الشخص الصح والمناسب اللي ينتشلك من حزنك لدروب المسره والفرح ينتابك شعور ودك تشاركه كل شي حلو وزين تشوفه
نايف : الله الله ياجده ياليت الكل يشوفه نفسك من هالمنظور
جميله: طيب ياجده ليش الناس تلوم اللي يحب؟
الجده: عن اللوم بالحُب ياجميله خلف بن هذال قال
" بس انا أحب والحُب مابّة باس
سكةٍ كل الاجيال تمشّـيها ".
نايف : واو واو ياجده وش هالمنطوق العذب اللي عندك والقصايد الزينه
جميله :واييي ياجده تكفين
بيت مالك
دخل البيت كالعاده وشاف ريم جالسه تقرا كتاب لكن فزت بسرعه بتستقبل مالك
مالك: بسم الله عليك شوي شوي
ريم:شسوي وحشتني
حضنها مالك : يابعد عيني مايوحشك غالي ياريمي
ريم: جيت وجابك الله توني بقوم اجهز القهوه عشان تشرب معي
جلس مالك وهو يوخر المخدات: ابشري نشرب معك ليش مانشرب
ركضت ريم للمطبخ تجهز القهوه بحماس ومالك مبتسم يتامل هالحماس اللي ماغاب من بداية زواجهم للحين بالعكس كل يوم يزيد اكثر واكثر ..
طلعت ريم بالقهوه وقام مالك لها
مالك: عنك عنك
ابتسمت ريم: وصلت خلاص
اخذ الصينيه مالك: ولولا ياريمنا الا تعبك بس تعالي اجلسي
وخرت ريم شعرها وجت جلست وهي مبتسمه
جلس مالك وهو يصب لها : سمي ياروحي
ريم ببتسامه: سم الله عدوك
ارتشف مالك القهوه: اوووووه يالطعم بالراس
ريم: رهيييييبه جداً واييييه عطنا علومك
ضحك مالك: يعني وش بتقلديني؟
ريم : هههههههههههه ايوه انت دايم تقولي عطينا علومك
تكى مالك ومسك خصله من شعرها يلعب فيها: ابد طول الله عمرك علومي ان سلطان خويه تركي جايب لنا خطاب وانا صراحه ماني مرتاح
ريم: وهو شدخله يجيب؟
مالك: يقول يعنني عائله وحده ومن هالكلام عاد تعرفين سلطان والعاطفه عنده بتفجر الله يصلحه
ريم: يووووهه وطيب بتوافقون ولا ؟
مالك: والله مدري ياحبيبتي هم ماجوا للحين بكره جاين
ريم: طيب اسالوا عنهم وتاكدوا اذا هم كفو ولا
مالك : ايه ان شاءالله هذا اللي بيصير
ريم: الله يكتب اللي فيه الخير
مالك: امين يارب لكن انتي عساك ماتعبتي اليوم ؟
ريم : لا والله حمدلله كل شيء كان خفيف وتيسر
مالك: زين
بارت 6
ابدأ من البداية
