Feng Mingရဲ့ စူးရှတဲ့အကြည့်က ခြံဝင်းကို လှမ်းကြည့်လိုက်ရင်း။အစေခံဘက်ကို လှည့်ပြီး: "သူတို့ဘယ်မှာလဲ?"
အစေခံက ပတ်ချာလည်ကို ကြည့်လိုက်ပြီး: "ထူးဆန်းတယ်.....ကျွန်တော် အစောင့်နှစ်ယောက်ကို ဒီကိုလာပြီး အခြေအနေကို အကဲခတ်ဖို့ပြောခဲ့တယ်။သူတို့ ဘာလို့ ဒီမှာမရှိတာလဲ?"
Feng Mingရဲ့မျက်လုံးတွေက အဲ့တာကို ကြားလိုက်ရတဲ့အခါ အနည်းငယ်ကျဉ်းမြောင်းသွားတယ်။ခြံဝန်းတစ်ခုလုံးကို လှည့်ပတ်ကြည့်လိုက်ပြီးတော့ တစ်ခြားအစောင့်ကို ရှေ့တိုးလာဖို့ လက်ယက်ခေါ်လိုက်တယ်: "ဒီခြံဝင်းကို ဝိုင်းထားလိုက်"
ယန်ဟွေ့က ထျန်းယောင်ကို ချက်ချင်းတံတောင်နဲ့တို့လိုက်တယ်။သူ့နားထဲကို တိုးတိုးလေးပြောလိုက်တယ်: "ခဏလောက်ဆို, ငါသူတို့ အာရုံဆွဲလိုက်မယ်။မင်းက အဲ့အခွင့်အရေးကို ယူပြီး ခြံဝင်းကို လုံးဝအဝိုင်းမခံရသေးခင် မင်းရဲ့နဂါးဦးချိုကို သွားရှာချည်"
ယန်ဟွေ့က အဲ့စကားတွေကို အချက်အလက်ကျကျပြောခဲ့တယ်။အမှန်တကယ်တော့, ထျန်းယောင်က အဲ့လိုအစီအစဉ်မျိုးကို ကျင့်သားရနေပြီ။ယန်ဟွေ့မှာ မှော်ပညာရှိတာကြောင့် သူမက ပိုသန်မာချင်တယ်။ဒုက္ခရောက်တဲ့အခြေအနေတွေကို ထိပ်တိုက်ရင်ဆိုင်ချေပိုများတယ်။ဒါကြောင့် ဟုတ်တယ်, အန္တရာယ်များတဲ့ကိစ္စတွေကို သူမ ဆီထားခဲ့သင့်တယ်။
ဒါပေမယ့် သေချာတွေးကြည့်လိုက်တဲ့အခါ, မသင့်လျော်သလို မှန်ကန်တဲ့နည်းလမ်းလည်းမဟုတ်ဘူး။အားနည်းတဲ့သူအတွက် သန်မာတဲ့သူကို အန္တရာယ်ထဲထည့်ရတယ်။ယန်ဟွေ့က အဲ့တာကို သူကိုယ်တိုင်လုပ်ချင်လို့ကို လုပ်တယ်။သူမက....လူတွေကိုကာကွယ်ချင်တယ်။
ဒါမှမဟုတ် တစ်ခြားစကားနဲ့ဆို, သူ့ကို ကာကွယ်တာ။
ထျန်းယောင်ရဲ့အကြည့်က အနည်းငယ်တုံ့ဆိုင်းသွားတယ်။
ယန်ဟွေ့က ခုန်ထွက်ဖို့ ကမ္ဘာမြေလွတ်မြောက်ခြင်းနည်းလမ်းကို အသုံးပြုပြီးဖြစ်တယ်။ရုတ်တရက်, သူမက သူမလာရာနေရာရဲ့ဆန့်ကျင်ဘက်ဖြစ်တဲ့ ခြံဝင်းရဲ့အရှေ့တောင်ဘက်ထောင့်ကို ဆင်းသက်လိုက်တယ်။ယန်ဟွေ့က ရယ်ပြီး: "တစ်ယောက်ယောက်ရှာနေတာလား?ငါ့ကိုလား?"
ခဏလောက်, လူတိုင်းရဲ့မျက်လုံးတွေက ယန်ဟွေ့ဆီကို ရောက်သွားတယ်။ထျန်းယောင် တွန့်ဆုတ်မနေပဲ။ ခန္ဓာကိုယ်ကို တစ်ချက်လှန်လိုက်ပြီး နံရံကို ကျော်တက်လိုက်တယ်။
ယန်ဟွေ့က ထျန်းယောင်ကိုတောင် မကြည့်ဘူး။Feng Mingကိုပဲတိုက်ရိုက်စကားစပြောတယ်:"သခင် Feng Ming နဲ့ တွေ့ဆုံဖို့ ကျွန်မစောင့်မျှော်နေတာ။"
Feng Mingရဲ့အနက်ရောင်အကြည့်တွေက ယန်ဟွေ့ပေါ်ရောက်သွားတယ်။ရုတ်တရက် သူနှုတ်ခမ်းတွေက လှောင်ရယ်လိုက်တယ်။အဲ့သရော်ပြုံးနဲ့သူ့ရဲ့လင်းယုန်လိုနှာခေါင်းတို့ ပေါင်းစပ်လိုက်တဲ့အခါ အဲ့တာက သူ့ကို အထူးသဖြင့် ယုတ်မာပြီးအန္တရာယ်ရှိတဲ့ပေါက်သွားစေတယ်:"ပိုးမွှားလေး, ငါ့ကိုလှည့်စားဖို့ ကြံစည်နေတာလား?"
Feng Mingက စကားပြောလို့မပြီးသေးခင် လက်မောင်းကို ထိုးလိုက်တယ်။ "ဘုံး" ဆိုတဲ့အသံသာရှိခဲ့တယ်။ထျန်းယောင်က စောစောကခုန်တက်ခဲ့တဲ့နံရံက Feng Mingရဲ့အားနဲ့ ထိမှန်သွားတယ်။ချက်ချင်းပြိုကျသွားတယ်။
ယန်ဟွေ့ အံ့အားသင့်သွားတယ်။သူမရဲ့ ခန္ဓာကိုယ်က လှစ်ကနဲပြေးသွားလိုက်တယ်။သူမက အဲ့နေရာကို ချက်ချင်းပြေးဝင်လိုက်ပြီး ဖုန်မှုန့်ထုကြီးထဲ တန်းတန်းမတ်မတ်ဝင်သွားခဲ့တယ်။
ဖုန်တွေ ငြိမ်ကျသွားတဲ့အထိစောင့်ရင်း, ယန်ဟွေ့က ထျန်းယောင်ကို အပျက်အစီးတွေရှိတဲ့နေရာကနေအပြင်ဘက်ကို ခြေလှမ်းသုံးလှမ်းလှမ်းပြီး ပြန်ဆွဲထုတ်လိုက်တယ်။သူမက ပိတ်ဆို့ဖို့ ထျန်းယောင်ရှေ့ကရပ်လိုက်ပြီး Feng Mingကို စူးစူးဝါးဝါးကြည့်လိုက်တယ်။
နောက်ဆုံးတော့, ရှီးကျူးအုပ်စုရဲ့ ဒုတိယကွပ်ကဲသူက သိုင်းလောကမှာ များစွားသောစိန်ခေါ်မှုတွေ တွေ့ကြုံခဲ့ပြီးနောက် ကောင်းမွန်တဲ့အရည်အချင်းရှိခဲ့တယ်။ရှန်းကျင့်ကြံမှုကို မလေ့ကျင့်ခဲ့ပေမယ့်, သာမာန်လူတစ်ယောက်ရဲ့ကိုယ်ခံပညာတွေက အားကောင်းတဲ့အတွင်းအားအဖြစ် ကျင့်ကြံနိုင်တယ်။အခုမှ ရှန်းဂိုဏ်းကိုဝင်တဲ့တပည့်မဆိုနဲ့,ယန်ဟွေ့ရဲ့ဆရာတွေတောင် Feng Mingနဲ့ သရေပွဲကျလိမ့်မယ်။
