جروح الروح

الفصل الثالث

الفصل صعب ومؤلم 💔
كمان كشف جزء من ماضي ادهم 💔
🔥استعدوا بدأت الأحداث 🔥🔥

طارق بعد خروج ادهم _______ والله الواد دا بيتحول انا مش عارف  هو عنده اكتئاب ولا شخصيته كدا بس انت لازم تشوف حل معاه يا جدي

شاكر ________ ادهم اللي شافه وهو صغير مآثر عليه دلوقتي حاولت كتير. معاه معرفتش أخرجه من قوقعته

طارق ______ انت ليه مش عايز تقولي الموضوع دا

شاكر _______ لان خلاص الكلام مش هيرجع حاجه

طارق ______ لا انت خايف عليا يحصلي زيو

شاكر ______ لا مش كدا انا عارف انك مختلف عنه بس في وقته هقولك متشغلش بالك

تركه وتحرك خلف ادهم الذي كان يشرب قهوته الصباحيه منتظرا جده ..

شاكر ______ وبعدين يا ادهم

ادهم ______ في اي

شاكر بغضب  _______ انت فاكرني مش عارف برجوعك كل يوم وش الصبح وانت مش قادر تصلب طولك فاكرني مش عارف سهرك في الكباريهات لوش الصبح

ادهم بعصبيه _______ يوووه مش هتبطل مراقبه فيا انا حر دي حياتي محدش ليه دخل فيها

شاكر ______ لا ليا يا ادهم كل حياتك انت نفسك تبعي انا انت فاهم ولا لا واخر تحذير ليك يا ادهم أن ما اتعدلتش انا هشوف شغلي معاك كويس

ادهم ______ انت بتهددني يا جدي

شاكر بعصبيه وصوت عالي  ______ بهددك وان وصل الأمر امد ايدي عليك هعملها يا ادهم متفكرش نفسك كبرت ومش هعرف اكلمك

ادهم نظر له مطولا بنظره مختلفه ______ انت ليه مش حاسس بيا ليه مش عايز تفهم اني مبعرفش انام غير لما اشرب الزفت دا قولي انت ازاي اصلا قدرت تتخطي اللي حصل بالسهوله دي وتنسي

شاكر هادرا  _______ قدرت علشانك انت واخوك علشان اربيكم وأمن مستقبلكم مش سهل عليا اشوف ابني بيموت قدام عيني لكن كتمت في قلبي وعيشت ليكم نحت في الصخر علشان ابني الامبراطوريه اللي انت عايش فيها من تاني

حاربت ودخلت في صراعات مع الشريكات علشان اوصل للي كنت فيه من تاني وكل دا علشانك انت واخوك بس لكن لو عليا انا مكنتش عيشت يوم واحد تاني بعد الحادثه

صمت وصمت كذلك ادهم وانفاسهم مرتفعه من الانفعال ..،،

أما بالخارج استمع طارق وبتول للشجار فاصواتهم كانت مرتفعه وبوضوح ...،، صدم طارق من ما استمع وعلم مدي العذاب الذي يعيشه شقيقه وكذلك حده ولكن لا يعلم السبب الي الان ،، تنحنح باحراج من بتول التي تخفض رأسها خجلا من كونها دخيله ولا يجب أن تستمع هكذا

طارق ______ تعالي اخرجك الجنينه وتعملي زيي ما جدو قالك لاني لازم امشي عندي شغل

بتول ________ اه ياريت