نبضات محرمة

13

#نبضات محرمة #

#الجبورية #

الفصل 13
(((((((((((((((()))))))))))))))

عدلت كعدتي وصرت اباوعلة بتركيز

اي عمو نحجي ليش لعد واني هم هواي اسألة براسي ودايخة منهن

اجاوبج على كل اسألتج بلااول اسمعي مني وراهة اجاوبج تمام؟

تمام

شوفي بابا اول شغلة انتي الج املاك مثل ما النة

شنووو اني ؟؟ حجيت مصدومة متفاجئة املاكيش هاي

اي انتي ابوج جان عندة خير من الله انتي بنت خير بابا وانتي وحيدة ابوج وتوفة الله يرحمة من وكت

شكد عمرة ؟

٣٥ سنة وتوفة

عزاا صغير حيل ماتوقعت عمرة هيج الله يرحمك بابا

اي صح حيل صغير
وماتهنة بشبابة بس جان انسان مثالي بلااخلاق ورجال بمعنى الكلمة وجاهد وسوة خير واملاك ورة ماحترك هوة ورواية ضلو لمدة ثلاث ايام بلمستشفى

سجين وصاب صدري
ل لحضة عمو يعني شنو قصدك؟
بابا مامات مثل ماكال بابا دحام ؟؟

لا ابوج ضل ثلاث ايام وجان بس دحام يدخل يمة ويطلع ويكول سليمان ميريد احد يدخل يمة ويريد بس اني ادخل واحنة احترام وخوف على اخوية نفذنة كلامة
ضل لمدة ثلاث ايام ورواية ماتت بيومهة لليل ماتت
وراهة انتي ردنة ناخذج كال دحام سليمان كال شمس تضل عندك وانتة تربيهة وتكون وصي عليهة من بعدي
وتعاركنة ويا وكلنالة بتنة تربة عدنة لكنلع ورقة يكول هذة كلام سليمان والورقة تثبت كلامة صح
على هلااساس ابتعدنة بس ضل كل فترة اخلي فلوس الارباح من شغل سليمان بلبنك ونطيت الرمز لدحام وكتلة تاخذهن تصرفهن على شمس ومتخليهة ناقصهة شي ابداااا

جنت استمعلة ومصدومة من الكلام ومن الجذبة الي جنت عايشتهة ومن اذكر من اريد حاجة من امي واكلهة كولي لبابا متقبل وتكول ماعندة واذا زهور رادت يجيبولهة اذكر موقف من رادت جرباية تركي وكنتور وراحو جابوهةة شكد ردت منهة ماقبلو وكالو ماعدهم فلوس وتالي شافني صلاح ضايجة مقهورة سألني شبيج

سولفتلة وكتلة على امي وابوية كال على هاي ضايجة اذا منا للعصر ماجتج احسن غرفة بناتية اني مو رجال
وصدك للعصر وصلت الغرفة كنتور وميز مراية وجرباية غرفة نفر بناتية تجننن ضليت اكمز من الفرح
الكسر الي يتركو اهلي صلاح يجبرة دوم جان

بس عمو مجابو طاري لهيج موضوع ابد اهلي

لان هوة حرامي طبيعي مراح يعترف

حجة ياسر وهوة يكعد يمنة

باوعتلة وحجيت ويا
بس هوة ابد ماعاملني مو حلو تعاملة جان لطيف وياية وميقبل على اذيتي لو ما مرتة لصلاح تذب تهمة علية جان معافني