#جحيم_نيران
الكاتبه فاطمه عادل
لاتنسون التصويت +التعليق بين فقرات
"""""""
كل الذين بكوا
في اللحظات الاولى للفراق
استفاقوا من صدمتهم
وتخلصوا من كل الذكريات مع دموعهم
وحدنا الذين تمالكنا انفسنا في البدايه
نموت الان!!
"""""""
نرجع للماضي:
كعدت تسولفلي ماما توفو امها وابوها
عمري ١٨ سنه ؛ وكان عندي ٦خوان
وكلهم زغار ازغر واحد ٣سنوات ؛ وعشت
عند عمامي وهمه بين فتره وفتره يسافرون
للكويت هناك شغلهم ؛ وكنت عايشه ويا عمي
ومرته
وكانت مرته كلش تذينل ضم طبخ عنه
وضم الاكل وضم الخبز وحتى المسواك ؛ليجيبه
عمي ضمه عنه صرت ام واب لخواني
وتحملت مسؤوليتهم؛ مره مرت عمي تهمتي
بايكه ملابس ؛ لان كان عدهم مخزن كله ملابس
من الكويت
وكان عمو يكلها طبي وختاري كنت
كلش شبعانه وعيني متروسه ومجان ابويه
مقصر وياي ؛ ولا عمي واقتنع بلي يتقدملي عكس
مرت عمي شما يطونها متقنع تريد بعد ؛ وكانت
تاخذ من المخزن وتنطي لخوها يبيع وياخذ نص
الفلوس ؛ ومن يجي عمي يشوف اكو نقص تكله
بنات اخوك يبوكن
كان يحطنا يكتلنا
ومره من مرات عدهم الحمام منهوله
تفيض مالتها لازم كل اليطب ينضف
وراه الحمام مرت عمي سبحت وطلعت
وراه طب عمي وكالهم
_منو سابح وعايف الحمام هيج ؟؟
_ منو مثلاً بنات اخوك ...
سبع يتامه حطنا بل عكال ملخنا تملخ
حتى اخويه زغير؛ وكنت لاحول ولاقوه
راح ل اختي شمرها بشيشة المعجون وخله
دمها بطوله !!! صرت اترجه بي .
مرتك تكله شوف تتبله عليه كتلني موتني
حاسهم حوس وطلع كانت دنيا المغرب
مسويت شي بس توجهت ل لله
وكتله
_عسا ما تمشي عليك مسيه سبع ايتام لا واحد
ولا اثنين...
شويه اجانه خبر
عمكم مسوي حادث رحنا للمستشفى اشوفو
مدد والجهزه عليه وكال صيحولي "مها"
كال
_عمي انتِ دعيتي عليه؟؟ ضليت ساكته
شنو ارد اكوله دعيت كتله
_ لا يعمي مادعيت ...
_لاعمي دعيتي عليه واني ما اذتني دعمه اذاني
العمان يلي ماعرف منين تجيني...
_ ضليت ابجي عمي حوبت اليتيم
ما تتعدى عد الله وحنا يتامه ونتَ ماقصرت ويانا....
_هز راسه حكج عليه عمي بس اني
ماشوف شي ....
كان يطب شحلاته
بس يطلع من الغرفه مكلوب
قلاب ويحوسنا
حوس وهاي بقيه بالباب تباوع
وتضحك ومره تهمتني بالبوك
وكلتله
_تعال صعد مرتك واني صعد ونحلف اخذهن ...
_عمي وحق هذا عباس اني مامده ايدي
وعيني شبعانه ونتَ ممخليني بعوز ....
وهيه حلفت وكالت
_وداعت بنيه اني مامده ايدي وره اسبوع ابنها
مات وابنها جان فلقه من القمر...
_ الهم لاشماته بس هاي حلفانج وكعت بروح طاهره...
YOU ARE READING
جحيم_نيران
Action_لكل الذكريات تنتهي بمرور الزمن... هل ذكرياتنا تنتهى؟. انا فتاه التي عانت الالم من ابيها ياترى شنو هل الالم؟ العنف.. الاكره.. الاحقد.. الاجبار من زواج ..الاسحر .. انا فتاه التي لم تحصل على حبها انا فتاه التي اصبحت تضحيه زواج انا فتاه التي تحملت...
