اسرار الماضي

بارت 149💮💮

♨♨Part 149♨♨
داز داك النهار ولي موراه دازت شي 15 يوم كانت الخطبة الرسمية ديال ريم ورضى لي داروها في الدار لي جمعاتها في دا العمراني عرضو على الجيران وبطبيعة الحال جات حتا صفاء لي كانت لابسة قفطان في لغوز ودايرة شعرها بابيليز جات فنيونةجات وجلسات عوتاني بعييد وغير كتبسم فؤاد لي كان داخل وهاز في يدو بوكي كبير ديال الورد مع دخل هو يلمحها جالسة في هدوووء حط لبوكي ديال الورد حدا العروسة وهز منو وردة حمرة وخرج.
هز ورقة بيضة كتب فيها نمرتو وحطها بين بتلات الوردة لقا واحد الدرية صغيرة داخلة وهو يعيط عليها جات عندو حط ليها 20 درهم في يدها.
فؤاد: شفتي هاد الوردة.
الدرية: اه.
فؤاد: سيري عطيها لديك الدرية لي جالسة لهييه ولابسة لغوز.
الدرية: واخاا. مشات كتجري وقفات قدامهاا وحطات ليها الوردة فوق حجرها واشارت ليها جهة لباب صفاء هزات راسها وهي تشوف فؤاد لي كان لابس كوستيم في الزرق اشارت لراسها بيدها زعمة واش انا وهو يقول ليه اه غير براسو تبسمات ليه وشدات من الوردة مبتاسمة وهي تلقا ورقة بيضة هزاتها وفتحاتها لقاتها نمرة عرفاتها غتكون نمرتو زيرات عليها في يديها وشمات الوردة ورجعات حطاتها فوق حجرها شافت في جهة لباب لقاتو مكاينش ضحكات بينها وبين راسها ورجات شافت في لعروسة لي لقاتها كتشوف فيها وتبتاسم.
ريم لي كانت لاحظات كلشي وحضرات للفلم مني خدا فؤاد لوردة من لبوكي حتا دخلات الدرية وحطاتها فوق حجر صفاء واشارت ليها لباب لقات فؤاد لي واقف تماك وتصدمات حيت من شحال هادي وهي كتظن بلي فؤاد غامض وهادء متيقاتش بلي يقدر يدير هاد التصرف ولكن من حقو الدرية زوينة بزااف صفاء شافت ريم كتضحك ليها وهي تحدر راسها حشمانة.
🍷🍷