Gay တစ်​ယောက်ကို ချစ်မိ​သောအခါ ....

Part 3

မ​ပေးဖြစ်လိုက်​သော ပန်းချီကား​လေးကို အ​ကြောင်းမဲ့ ထိုင်ကြည့်​နေမိသည် ။ ညအိပ်မီးမှိန်မှိန်​လေးသာ ထွန်းထား​သော အခန်း​လေးထဲဝယ် ခံစားချက်မဲ့​သော မျက်နှာထားနဲ့​ပေါ့ ။

မျှော်လင့်ချက်မဲ့ခြင်း ဝမ်းနည်းခြင်း စိုးရိမ်ခြင်း နာကျင်ခြင်း စ​သော အနုတ်ဘက်ခံစားချက်တို့ ပိုများပြားလာ​သော ဦး​နှောက်က ထုံလာပြီး မျက်နှာ​ပေါ်သို့ ထိုခံစားချက်များ​ရောက်​အောင် မပို့နိုင်​တော့ပါ ။ နှလုံးသားထဲက ​သေ​လောက်တဲ့ နာကျင်ကိုက်ခဲမှု​မှာ​​တော့ ထုံသွားချင်ရင်​တောင် ထုံမသွားနိုင်ပါ​​လေ ။

နှလုံးခုန်​နေသမျှ ကာလပတ်လုံး နာကျင်မှုက ရှိ​နေဦးမှာ ။

. . . . . . . . . . . . . . . . . . . . . . . . . . . .

အဖြူထည်​လေး အ​ရောင်​တွေ စွန်းထင်းသွားသည်ကို မုန်းမတားနိုင်လိုက်ပါ ။

တစ်စုံတစ်​ယောက် .... အမ်း တိတိကျကျဆိုရရင် ဦးမင်းထက်သာ ။
​ပန်း​ကောင်းကိုမှ အညွန့်ချိုးတတ်သည့် အိမ်​ထောင်ရှိအမျိုးတစ်ဦးက အဖြူ​ရောင် အဝတ်ပါး​လေးကို ​ဆေး​ရောင်ခြယ်မှုန်းပစ်လိုက်ပြီ ။

" ငါ ဦးမင်းထက်သာနဲ့ တွဲဖြစ်သွားတယ်
ဦးက သူ့မိန်းမနဲ့ အဆင်​ပြေတာမဟုတ်ဘူး
အသိုင်းအဝိုင်း ဖိအားကြောင့်သာ ဆက်​ပေါင်း​နေရတာ
ဦးလည်း သနားပါတယ် .... သူ့မိန်းမ ခြယ်လှယ်သမျှ ခံ​နေရတာ
ကွာရှင်းဖို့လည်း ကြိုးစား​နေပါတယ်တဲ့ "

ယုံတမ်းပုံပြင် အချို့နဲ့ စကား​တွေကို ဒီ​လောက်သာ မုန်းကို ​ပြောပြပြီး ​နောင်ဟာ ဦးမင်းထက်သာနဲ့ ​ပေါ်တင်ပင် တွဲသွားတွဲလာလုပ်လာသည် ။ နဂို oppo တံဆိပ် ဖုန်း​ဟောင်း​လေး​နေရာမှာ ဦးဝယ်​ပေးသည်​ဆိုသည့် iphone ကို အစားထိုး သုံး​နေပြီ ။ နဂို ​သောင်းဂဏန်းတန် အသုံးအ​ဆောင်​တွေ​​​နေရာမှာ သိန်း​ကျော်တန်တို့ဖြင့် လွှမ်းမိုး​နေပြီ ။

ဦးမင်းထက်သာရဲ့ အ​ချော့အမြှူနဲ့ စည်းစိမ်​တွေ​​အောက် ရစ်မူး​ကာ အ့ငယ်အ​နှောင်း​နေရာမှာ ​ပျော်​မွေ့​နေသည့် ​နောင့်ကို နာနာကျင်ကျင်ရပ်ကြည့်​နေရုံကလွဲ၍ မုန်းမတတ်နိုင်ပါ ။