📌Don't be serious.It's just a fan fiction.
📌Don't be serious.It's just a fan fiction.
📌Don't be serious.It's just a fan fiction.
📌Don't be serious.It's just a fan fiction.
📌Don't be serious.It's just a fan fiction.
မရင်းနှီးသေးတဲ့ ဒီတက္ကသိုလ်ဝန်းထဲမှာ လည်နေတဲ့ ဂျေးက လမ်းတွေ မသိတာတော့မဟုတ်ရပါဘူး။
ကျောင်းကိုခြေချလိုက်တာနဲ့ တက်ရမယ့်အတန်းကို မမှတ်မိစရာ အကြောင်းမရှိပါ။
မမှတ်မိရအောင် ဂျေးက ဉာဏ်မကောင်းတဲ့သူလဲမဟုတ်။
နတ်သားလေး အစ်ကိုဂျုံဝူးနားကို စချဉ်းကပ်ဖို့ နည်းလမ်းက တစ်နည်းဘဲရှိတယ်။
ဂျေးက ဘယ်ကမှန်းမသိတဲ့ ယောကျာ်းလေးတစ်ယောက်နဲ့စကားရပ်ပြောနေတဲ့ ဂျုံဝူးအနောက်ကို သွားရပ်ကာ ဂျုံဝူးရဲ့ အင်္ကျီစကို လှမ်းဆွဲလိုက်တယ်။
"ဟိုင်း~..ဟိုလေ ကျွန်တော် တက်ရမယ့်အခန်းက ပျောက်နေလို့!"
ဂျုံဝူးက သူငယ်ချင်းဖြစ်သူနဲ့ စကားပြောနေရင်း တစ်ယောက်ယောက်က ခေါ်လိုက်တာကြောင့် နောက်လှည့်ကြည့်လိုက်တော့ အနောက်တိုင်းမျက်နှာပေါက်နဲ့ ကောင်လေးတစ်ယောက်က အကူညီလာတောင်းနေတာ။
နိုင်ငံခြားကပြောင်းလာတဲ့ကျောင်းသားဆိုတော့ အဖော်မရှိတော့ ကူညီပေးမယ့်သူမရှိဘူးထင်ပါရဲ့။
လွယ်အိတ်ကြိုးကို ကျစ်ကျစ်ပါအောင် ဆုပ်ကိုင်ထားပြီး တက်ရမယ့်အခန်းကိုရှာမတွေ့သေးတဲ့ ကောင်လေးကို
ဂျုံဝူး သနားသွားရတယ်။
မသနားလို့လဲမရဘူး၊ ကောင်လေးက အခုနေ ဂျုံဝူးက အခန်းကူမရှာပေးရင် ငိုချတော့မယ့်သဘောရှိတယ်။
"ညီလေး တက်ရမယ့် အခန်း ကိုပြော ၊လိုက်ပို့ပေးမယ်"
ညီလေးလို့ အခေါ်ခံလိုက်ရလို့ သိပ်မကျေနပ်ပေမဲ့ အတတ်နိုင်ဆုံး ဝမ်းသာသွားတဲ့ မျက်နှာမျိုး ပြုံးပြရင်း
"တကယ်ပြောတာလားဟင်.."
"ကျောင်းသားသစ်တွေကို ကူညီရမှာပေါ့"
"အစ်ကိုဂျုံဝူးက သဘောကောင်းလိုက်တာ"
"ဟင်...အစ်ကို နာမည်ဘယ်လိုသိတာလဲ"
ထိုအခါ ဂျောင်ပိတ်သွားရတဲ့သူက ဂျေး။
အစ်ကိုဂျုံဝူးကို သူဘယ်လိုပြန်ဖြေရမလဲ။
"ခဏက စီနီယာနဲ့ အစ်ကိုဂျုံဝူးစကားပြောနေတုန်းက အဲ့နာမည်ကြားလိုက်လို့"
"ဟုတ်လား..ဒါနဲ့ မင်းနာမည်က"
"ဂျေးပါခင်ဗျ"
"ခေါ်ရတာလွယ်သွားဘဲ၊ ဒါနဲ့ မင်းက ဘယ်နိုင်ငံကနေပြောင်းလာတာလဲ..ကနေဒါလား"
"မဟုတ်ဘူး၊ အမေရိက ကနေပြောင်းလာတာ..အဲ့ဒါကြောင့် ကျောင်းတက်ရတာ နဲနဲ အခက်ခဲဖြစ်ရတယ်၊ ကူညီပေးမယ့် သူငယ်ချင်းလဲမရှိတော့..လျှောက်လည်ချင်တဲ့နေရာကို ကျတော့လဲgoogle mapသိပ်မသုံးတတ်နဲ့ ဘယ်မှ မသွားဖြစ်ဘူး"
"အော! ဒါဆို ဒီကို တစ်ယောက်တည်းလာခဲ့တာပေါ့..အတန်းထဲရောက်ရင်တော့ သူငယ်ချင်းရှာတွေ့မှာပါ စိတ်မပူပါနဲ့ "
"ဟို..အစ်ကို ဂျုံဝူး စိတ်မရှိရင်၊ ကျွန်တော့်ကို ဖုန်း နံပါတ်လေး ပေးလို့ရမလားဟင်"
"ဘာလို့တောင်းတာလဲ ဂျေး"
"မေးခွန်း ပြန်မထုတ်ပါနဲ့လား၊ အစ်ကိုဂျုံဝူးက ကျွန်တော့်ကို မခင်ချင်သလို ခံစားနေရလို့"
"ဟား..ဟား. ဂျေး! မင်းက တကယ့်ကို အတွေးသမားဘဲ၊ ငါက ဒီတိုင်းမေးတာပါကွ"
ဂျုံဝူးက ကလေးလေးလိုဖြစ်သွားတဲ့ ဂျေးပုံစံကြောင့် အသဲယားပြီး ဆံပင်ကို ဖွလိုက်တော့ ဂျေးရင်ခုန်လွန်းလို့ ဒူးခွေကျတော့မလို့။
"မင်း ဖုန်းပေး"
ဂျုံဝူးက လက်ဖြန့်တောင်းတာကြောင့် ဂျေးလဲ အလိုက် တစ်သိ ဖုန်းထည့်ပေးလိုက်တယ်။
အစ်ကိုဂျုံဝူးရဲ့ဖုန်းနံပါတ်ကိုရသွားတဲ့ဂျေးက မျောက် အုန်းသီးရသွားသလို ခံစားချက်တွေနဲ့ ပျော်နေတဲ့ မျက်နှာထားကိုလဲ မနဲ ဖုံးဖိထားရတယ်။
"အစ်ကိုဂျုံဝူး..ကျွန်တော် တစ်ခုခုအကူညီလိုရင် ဖုန်းဆက်တဲ့ အခါ ကူညီပေးမယ်မလားဟင်..."
